منگلورو:کانگریس لیڈر رماناتھ رائے نے کہا؛ سی ٹی روی کے بیان نے بی جےپی کو ننگا کردیا ہے
منگلورو:6؍ دسمبر(ایس اؤ نیوز) بی جے پی میں راؤڈی شیٹر وں کی شمولیت کی حمایت میں سی ٹی روی نے جو بیان دیا ہے، اُس بیان نے بی جے پی کو ننگاکردیا ہے۔ ان خیالات کا اظہار سابق وزیر اور کے پی سی سی کے نائب صدر بی ، رماناتھ رائی نے کیا۔
دکشن کنڑا ضلع کانگریس دفتر میں منعقدہ پریس کانفرنس میں بات کرتےہوئےسابق وزیر نے سی ٹی روی کے بیان کا حوالہ دیتے ہوئے کہا سی ٹی روی کے مطابق راؤڈی شیٹر بننے کےلئے سنگین جرائم کو انجام دیاجاتاہے۔ ایسے افراد کو پارٹی میں شامل کرنا کوئی غلط نہیں ہے۔سی ٹی روی کا کہنا ہے کہ وہ بھی راؤڈی شیٹر تھا سیاست کے میدان میں یہ سب عام ہے گویا ان کایہ بیان ثابت کرتاہے کہ بی جےپی نے مان لیا ہےکہ بی جےپی راؤڈزم کرنےو الوں کو موقع فراہم کرتی ہے۔
رماناتھ رائے نے کہا کہ بی جےپی پہلے سے نفرت کی سیاست کرتی رہی ہےیہی نفرت قتل کا سبب بھی بنی ہے، پہلے فرقہ وارانہ فسادات کے دوران قتل ہوتے تھے، لیکن اب ایسے قتل عام ہوتےجارہے ہیں۔ ایسے قتل کےمعاملات کی ایف آئی آر میں کانگریس کارکنان کے نام نہیں ہونےکی بات میں کہہ سکتاہوں۔ پریس کانفرنس میں اپی، پرتیبھا کلائی ، ششی دھر ہیگڈے ، وشواس کمار داس، نیرج پال ، سی ایم مصطفیٰ ، شبیر ، نتیانند شٹی ، نذیر بجال موجود تھے۔
سبھی معاملات کےلئے ایس آئی ٹی کی تشکیل : سدرامیاکی حکومت کے دوران 7اہم قتل ہوئےتھے جس کو سی آبی آئی کو سونپا گیا تھا۔ لیکن بی جےپی نے جھوٹ کو ہی اپنا دھرم بنالیا ہے۔ قتل کےمعاملات کی سنئیر پولس افسران کے ذریعے جانچ کی جاتی تو اصل نکات اور معاملات کا پردہ فاش ہوجاتااور پس پردہ سازش کرنےو الوں کو گرفتارکیاجاسکتاتھا۔ اگر ہماری حکومت اقتدار پر آتی ہے تو ایس آئی ٹی(خصوصی تفتیش ٹیم ) کے ذریعے ایسے قتل معاملات کی جانچ کامطالبہ کرنے کی بات رماناتھ رائی نے کہی۔
ٹول گیٹ پر وزیر کا بیان قابل مذمت: سورتکل ٹول گیٹ کے متعلق سماجی لیڈران کی قیادت میں کی گئی جدوجہد کا فیصلہ کن خاتمہ ہواہے۔ اسی دوران دکشن کنڑا ضلع نگراں کار وزیر ضلعی مفاد کو بالائے طاق رکھتےہوئے جو بیان دیا ہے اس کی رماناتھ رائی نے مذمت کی۔
ہیجماڑی ٹول گیٹ پر اُڈپی ضلع میں رجسٹرڈ سواریوں کو مکمل رعایت دیتےہوئے سواریوں کی بھاگ دوڑ کےلئے الگ سےلائن تعمیر کئےجانےکا بیان دیاتھا جو قابل مذمت ہے۔ اتنا ہی نہیں بلکہ انہوں نے برگمرکوٹلو، تلپاڑی ، ہیجماڑی ٹول گیٹوں میں سورتکل ٹول گیٹ کی فیس یکساں تقسیم کئے جانےکی بات کہی ہے جس کی سابق وزیر نے سخت مخالفت کی ۔
