منگلورو: بھارت کو ہندو راشٹر بنانے چلےہیں، اس کے بعد برہمن، چھتری کا معاملہ شروع ہوگا، بچوں کی پڑھائی میں نہیں ہے کوئی  دلچسپی ؛ فلم اداکار پرکاش راج کی مودی پر تنقید

Source: S.O. News Service | Published on 28th February 2024, 11:08 PM | ساحلی خبریں |

منگلورو  :28؍فروری   (ایس اؤ نیوز ) کیمرہ ڈپارٹمنٹ کے ساتھ عوام کے ٹیکس کا پیسہ خرچ کرتےہوئے تفریح کرنا مودی کا پیشہ بن گیا ہے۔  توکوٹو کلاپویونیٹی ہال میں ڈی وائی ایف کی قیادت میں منعقدہ سہ روزہ 12ویں ریاستی اجلاس میں خطاب کرتےہوئے معروف ہمہ لسانی فلم اداکار پرکاش راج نے وزیر اعظم نریندر مودی کی کڑی تنقید کرتے ہوئے یہ بات کہی۔

اپنی بات جاری رکھتےہوئے پرکاش راج نے کہاکہ کنڑا فلمی دنیا کے  راج کمار، تمل فلمی دنیا کے ایم جی آر اور تیلگو   فلمی دنیا کے این ٹی آر سے بھی ایک  بڑا اداکارسیاست میں ہے۔ ہر دن پانچ مرتبہ کپڑے بدلتاہے، وندے بھارت ریل کے لئے اس نےجتنی بار ہر ی جھنڈی دکھائی ہے اتنا کسی ریلوے اسٹیشن ماسٹر نے بھی نہیں دکھایاہوگا۔ اب مندر ہوگیا ، کل جے شری رام شروع ہوگا، اگر اس مرتبہ بھی جیت ہوتی ہے تو کیا کرتے ہیں دیکھنا ہے۔ یہ سب بھارت کو ہندو راشٹر بنانے چلےہیں، اس کے بعد برہمن، چھتری کا معاملہ شروع کریں گے، انہیں یہی چاہئے۔ انہیں بچوں کی پڑھائی میں کوئی  دلچسپی نہیں ہے، جعلی ڈگری لے کر گھومنےو الےکو تعلیم کی اہمیت اور غریبوں کی بھوک کا احساس کیسے ہوگا۔ پرکاش راج نے سوال کیا کہ لذیذ کھانا، دن میں پانچ مرتبہ کپڑےبدلنا ، دنیا گھومنا یہ سب ہمارے ٹیکس کی رقم سے ہی ہورہاہےنا؟۔

پرکاش راج  نےکہاکہ ملک کو آزاد کرنے کےلئےہمارے لیڈران اُپواس (روزہ ) رکھتے تھے اب مندر کی افتتاح کےلئے اپواس کرنےو الے لیڈران ہیں، اسی لئے اب ہمیں اپنی آزادی ، جمہوریت اور ہمارے خوابوں کی تعبیر کےلئے اپنا راستہ  خود تلاش کرنا ہوگا۔سال 2019میں  ملک کاحکمراں غارمیں بیٹھے، 2024میں پانی میں چلےگئے اگلے انتخابات کے بعد چاند پر کھڑے ہوکر پوز دینا یقینی بات ہے۔  الہ آباد سمیت دیگر مقامات پر ریلوے سفر کی شروعات کی گئی لیکن ایک بھی ٹرین منی پور کےلئے نہیں دئیے جانےپر سوال کرتےہوئے ٹیوٹ کیاگیا تو اس کو ڈلیٹ کیاگیا۔ بی جےپی آر ایس ایس جیسی اغواء کاری ٹیم اور کوئی نہیں ہوسکتی۔ بھگت سنگھ کو اغواء کیا۔ ولبھ بھائی پٹیل کو اغواء کرکے ان کی مورتی کھڑا کیا۔ اب کوٹی چنیا کو اغواء کرنے کی کوشش جاری ہےاس کا مناسب جواب اجلاس کے دوران دئیےجانے کی بات پرکاش راج نے کہی۔

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔