کولکاتہ ، 5/مئی (ایس او نیوز /ایجنسی) مغربی بنگال کی وزیر اعلیٰ ممتا بنرجی  نے ہفتہ کو بی جے پی پر تنقید کرتے ہوئے پارٹی کو "بنگال مخالف" قرار دیا اور اس پر "ہماری ریاست کو ہر ممکن سطح پر بدنام کرنے کی سازش" کرنے کا الزام لگایا۔ممتا بنرجی  کے تبصرے سندیش کھلی واقعہ پر ترنمول کانگریس کی طرف سے جاری کیے گئے مبینہ اسٹنگ آپریشن ویڈیو کے رد عمل میں آئے ہیں، جس سے ظاہر ہوتا ہے کہ وہاں جو کچھ بھی ہوا وہ مبینہ طور پر مغربی بنگال کے اپوزیشن لیڈر سویندو ادھیکاری کی طرف سے "منظم" کیا گیا تھا۔ممتا بنرجی نے کہا کہ اس سے پتہ چلتا ہے کہ بی جے پی کے اندر 'سڑان'  اور گندگی کتنی گہری ہے۔

 ممتا بنرجی نے نے سوشل میڈیا پلیٹ فارم 'ایکس' پر لکھا، "چونکا دینے والا سندیش کھلی اسٹنگ دکھاتا ہے کہ بی جے پی کے اندر کتنی گہری سڑان ہے. ’’بنگال کی ترقی پسند سوچ اور ثقافت سے نفرت میں بانگلا مخالفین نے ہماری ریاست کو ہر ممکن سطح پر بدنام کرنے کی سازش کی۔‘‘

ممتا بنرجی  نے الزام لگایا کہ ہندوستان کی تاریخ میں اس سے پہلے کبھی دہلی کی کسی حکمران جماعت نے پوری ریاست اور اس کے عوام کو بدنام کرنے کی کوشش نہیں کی اور یہ پیشن گوئی کی کہ تاریخ اس بات کی گواہی دے گی کہ ’’دہلی کی سازشی حکمرانی کے خلاف بنگال غصے میں اٹھے گا‘‘ ان کے "بشورجن" (وسرجن) کو یقینی بنائے گا۔وزیر اعلیٰ نے کہا، ’’آج، پردہ ہٹا دیا گیا ہے، جس سے سندیش کھلی پر اپنی من گھڑت کہانیوں سے بنگال کی شبیہ کو خراب کرنے کی بی جے پی کی مذموم سازش کا انکشاف ہوا ہے۔‘‘