مراٹھا ریزرویشن: منوج جرانگے پاٹل نے مہاراشٹرا کی شندے سرکار کے خلاف شروع کی غیرمعینہ مدت کی بھوک ہڑتال

Source: S.O. News Service | Published on 10th February 2024, 9:54 PM | ملکی خبریں |

ممبئی، 10/فروری (ایس او نیوز/ایجنسی) منوج جرانگے پاٹل نے ایک بارپھرمہاراشٹرا کی شندے حکومت کے خلاف پھر ایک بارغیرمعینہ مدت کی بھوک ہڑتال شروع کردی ہے۔ 

ذرائع سے ملی اطلاع کے مطابق جالنہ کے انتروالی سراتھی میں مراٹھا سماج کے ریزرویشن کا مطالبہ کرتے ہوئے منوج جرانگے پاٹل کی یہ تیسری بار بھوک ہڑتال ہے۔ اس بار انھوں نے کہا ہے کہ مطالبہ پورا ہونے تک بھوک ہڑتال جاری رہے گی۔

گزشتہ دنوں مراٹھا لیڈر جرانگے پاٹل نے کہا تھا کہ کنبی ذات کا سرٹیفکیٹ دینے میں اگر حکومت کی طرف سے تاخیر کی گئی تو وہ پھر 10 فروری سے بھوک ہڑتال شروع کریں گے۔ اپنے اس عزم پر کھڑے رہتے ہوئے انھوں نے آج بھوک ہڑتال پر بیٹھنے کا باضابطہ اعلان کر دیا۔ انھوں نے کہا کہ اگر مراٹھا سماج کو یکمشت کنبی ذات کا سرٹیفکیٹ دینا شروع نہیں کیا گیا تو وہ او بی سی سماج کو مل رہے 27 فیصد ریزرویشن کو عدالت میں چیلنج کریں گے۔ منوج جرانگے پاٹل یہ بھی مطالبہ کر رہے ہیں کہ ’سگیہ سورائے‘ کو لے کر مزید شفافیت لائی جانی چاہیے۔

اس درمیان قومی او بی سی فیڈریشن کے سربراہ نے کہا کہ ’’او بی سی ریزرویشن بورڈ کمیشن کے ذریعہ سے ملا ہے جسے رد نہیں کیا جا سکتا۔ منوج جرانگے کو قانون کا علم نہیں ہے، اس لیے وہ اس طرح کی بات کر رہے ہیں۔ اس سے او بی سی سماج کو گھبرانے کی ضرورت نہیں ہے۔‘‘

بہرحال، مراٹھا ریزرویشن معاملے پر منوج جرانگے پاٹل کی تازہ بھوک ہڑتال کتنی کامیاب ہوگی یہ آنے والا وقت بتائے گا۔ اس سے قبل منوج جرانگے پاٹل نے 9 اگست 2023 سے بھوک ہڑتال شروع کی تھی۔ بھوک ہڑتال کا پہلا مرحلہ 17 دنوں تک چلا تھا۔ اس وقت حکومت نے 40 دن کی مہلت مانگی تھی لیکن مسئلہ کا کوئی حل نہیں نکل سکا۔ دوسری بار جرانگے پاٹل نے 25 اکتوبر کو بھوک ہڑتال شروع کی اور الزام عائد کیا کہ حکومت نے دی گئی مدت کے اندر کچھ بھی نہیں کیا۔ یہ بھوک ہڑتال 8 دنوں تک چلی تھی۔ اس وقت حکومت نے مزید 2 ماہ کا وقت لیا تھا۔ اس مدت میں بھی حکومت نے مراٹھا ریزرویشن کے لیے کچھ نہیں کیا تھا۔ نتیجہ کار انھوں نے پھر سے بھوک ہڑتال شروع کردی ہے۔

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔