بینگلورو 7 / دسمبر (ایس او نیوز) پچھلے دنوں سابق وزیر اعلیٰ اور جے ڈی ایس لیڈر کمارا سوامی کے خلاف بجلی چوری چوری کا جو الزام لگا تھا اور اس پس منظر میں بیسکام کے جن افسران نے کمارا سوامی کو نوٹس جاری کرنے اور جرمانہ وصول کرنے کی کارروائی کی تھی ان کے گھروں پر لوک آیوکتہ کے ذریعے چھاپہ ماری کی گئی ہے۔

میڈیا رپورٹ کے مطابق لوک آیوکتہ نے جن 13 افسران کے گھروں پر چھاپہ ماری کی تھی اس میں بیسکام کے ایکزیکٹیو انجینئر چینّا کیشوا اور بیسکام ویجیلنس اسکواڈ کے ٹی این سدھاکربھی شامل ہیں ۔ معلوم ہوا ہے کہ چینّا کیشوا کے گھر سے 6 لاکھ روپے نقدی، تقریباً 3 کیلو گرام وزنی سونے کے زیورات، 28 کیلو گرام وزنی چاندی کا ساز و سامان اور 25  لاکھ روپے مالیت کے ہیرے جواہرات لوک آیوکتہ کے ہاتھ لگے ہیں۔

یاد رہے کہ حال ہی میں جے ڈی ایس نے بی جے پی کی حمایت کا اعلان کیا تھا۔