کنداپور،5 / جون (ایس او نیوز) آج صبح ہوئی برسات کی وجہ سے سڑکوں پر جو پھسلن پیدا ہوئی اس کی وجہ سے نیشنل ہائی وے 66 پر جالاڈی کے قریب ایک کار بے قابو ہو کر الٹ گئی ۔ مگر خوش قسمتی سے کار میں سفر کر رہے تمام مسافر بال بال بچ گئے۔ 
     
موصولہ رپورٹ کے مطابق حادثہ اُس وقت پیش ایا جب مہیندا قوینٹو کار سیگندور سے برہماور کی طرف جا رہی تھی ۔ جب کار جالاڈی کے قریب پہنچی تو ڈرائیور کے قابو سے باہر ہوگئی اور سڑک بیچ موجود ڈیوائڈر سے ٹکرا گئی اور الٹ کر سڑک کنارے  گرنے سے قبل سامنے سے آ رہی ریڈیگو کار سے ٹکرا گئی ۔ اس حادثے میں دونوں کاروں کو شدید نقصان پہنچا ہے ۔ معلوم ہوا ہے کہ مہیندرا کار میں ایک باپ اور بیٹی سفر کر رہے تھے اور وہ لوگ برہماور میں واقع ایس ایم ایس اسکول جا رہے تھے ۔ خوش قسمتی سے انہیں کوئی جسمانی نقصان نہیں پہنچا۔ 
    
کنداپور پولیس نے جائے وقوع پر پہنچ کر معائنہ کرنے کے بعد کیس درج کر لیا۔