ہوناور میں ہوئے پریش میستا قتل میں کیا بی جے پی لیڈران شامل ہیں؟ کانگریس لیڈر ہری پرساد نے بی جے پی پر سادھانشانہ
ہوناور :24؍ مئی (ایس اؤ نیوز)بی جےپی غریب خاندان کے نوجوان پریش میستا کو قتل کرکے اقتدار پر آئی ہے۔ اس کے پیچھے بی جے پی لیڈران کی بہت بڑی سازش چھپی ہے یہ سنگین الزام کانگریس لیڈر اور کونسل میں اپوزیشن لیڈر ںی کے ہری پرساد نے لگایا۔ انہوں نے کہا کہ آئندہ ہونےو الے ودھان سبھا انتخابات میں کانگریس کی حکومت بنی تو اس معاملے کی جانچ کا حکم دیاجائے گااور خاطیوں کوسخت سزا دی جائے گی۔
اخبارنویسوں سے گفتگو کرتے ہوئےبی کے ہری پرساد نے کہاکہ پریش میستا کا قتل ہونے کے بعد ہماری حکومت نےمعاملے کو سی اؤ ڈی کے ذریعے جانچ کا حکم دیاتھا۔ بی جے پی لیڈران نے سی بی آئی کوسونپنے کی ضد کی تو سدرامیا کی حکومت نے معاملہ سی بی آئی کو سونپ دیا۔ انہوں نے سوال کیا کہ اب بی جے پی کی ہی حکومت ہے ،آخر اب تک جانچ کی تکمیل کیوں نہیں ہوئی ، خاطیوں کو سزا کیوں نہیں ملی ، اعلیٰ افسران کی کارکو جلانے والے ملزموں پر ابھی تک کیس کیوں درج نہیں ہوا ؟ انہوں نے بی جے پی کو سیدھا سیدھا اس قتل کا ذمہ دار قرار دیتے ہوئے اسی قتل کو لے کر تشدد برپا کرنے کا بھی بی جے پی لیڈران پر الزام لگایا۔
ہری پرساد نے بی جے پی پر اپنا حملہ جاری رکھتے ہوئے کہاکہ بی جے پی مذاہب کے درمیان آگ لگانے کے لئے یاتراوں اور، سماویشوں کا انعقاد کرتی ہے۔ انہوں نے سوال کیا کہ جو ملک کی حفاظت نہیں کرسکتے وہ دھرم کی حفاظت کیسے کریں گے ؟ ۔ انہوں نے کہاکہ حکومت کے سبھی کام کمار کرپا (آر ایس ایس کا مرکز) میں آرایس ایس لیڈران کی موجودگی میں طئے کیاجارہا ہے جو شرم کی بات ہے۔ اترپردیش کے وزیر اعلیٰ یوگی آدتیہ ناتھ مختلف نوعیت کے 27کیسوں کا سامنا کررہے تھے، انہیں وزیر اعلیٰ بنا کر ان کے کیسوں کو واپس لئےجانے پر بھی انہوں نے کڑی تنقید کی ۔
