کرناٹک میں اشتعال انگیز سوشل میڈیا پوسٹ پر ہوگی سخت کارروائی، وزیر اعلیٰ سدارمیا نے پولیس کو دی سخت ہدایت

Source: S.O. News Service | Published on 24th May 2023, 2:47 AM | ریاستی خبریں |

بنگلورو، 23/مئی (ایس او نیوز/اایجنسیی) کرناٹک کے وزیر اعلیٰ سدارمیا نے منگل کے روز اسمبلی میں اعلیٰ پولیس افسران کی میٹنگ کی صدارت کرتے ہوئے ریاستی پولیس کو سوشل میڈیا پر اشتعال انگیز پوسٹ کے خلاف سخت کارروائی شروع کرنے کی واضح ہدایت دی ہے۔ وزیر اعلیٰ نے کہا کہ انھیں سماج میں امن اور مشترکہ وجود بنائے رکھنے کے لیے زیادہ محتاط رہنا چاہیے۔ وزیر اعلیٰ سدارمیا نے دہرایا کہ سماج میں امن کو نقصان پہنچانے والوں کے خلاف سخت کارروائی شروع کی جانی چاہیے۔ پولیس کو ڈرگس کے خطرات کو بھی روکنا چاہیے۔

میڈیا رپورٹس کے مطابق وزیر اعلیٰ سدارمیا نے پولیس سے بنگلورو میں ٹریفک کے مسائل کا حل تلاش کرنے اور ریاست میں سائبر کرائم پر لگام لگانے کی بھی ہدایت دی۔ انھوں نے مزید کہا کہ لوگوں نے امید کے ساتھ تبدیلی کے لیے نئی حکومت کا انتخاب کیا ہے اور افسران کو لوگوں کے مسائل کا حل نکالنا چاہیے۔ میٹنگ میں نائب وزیر اعلیٰ ڈی کے شیوکمار، کابینہ وزیر کے جے جارج، کے ایچ منیپا، بی زیڈ ضمیر احمد خان، ایم بی پاٹل اور ستیش جارکیہولی بھی موجود تھے۔

میٹنگ کے دوران وزیر اعلیٰ سدارمیا نے سینئر افسران سے پولیس تھانوں کا دورہ کرنے اور وہاں کا جائزہ لینے کی بھی ہدایت دی۔ انھوں نے کہا کہ جو لوگ شکایت کرنے آتے ہیں، انھیں ملزم نہیں تصور کیا جانا چاہیے اور پولیس افسران کو ان کے ساتھ اچھا سلوک کرنا چاہیے۔ ضرورت اس بات کی ہے کہ مسائل کا فوری حل تلاش کیا جائے تاکہ لوگوں کو پریشانی کا سامنا نہ کرنا پڑے۔

وزیر اعلیٰ نے کہا کہ ہماری حکومت ریاست میں غنڈہ گردی، غلط سرگرمیوں اور ڈرگس مافیا کو برداشت نہیں کرے گی۔ اگر انھیں فروغ دیا جاتا ہے تو افسران کے خلاف سخت کارروائی شروع کی جائے گی۔ وزیر اعلیٰ نے متنبہ کیا کہ ہم اچھے ملازمین کی تعریف کریں گے اور فرائض کی انجام دہی میں لاپروائی ہوگی تو ہم بغیر کسی جھجک کے کارروائی شروع کر دیں گے۔

ایک نظر اس پر بھی

کرناٹک میں بڑھ گئیں پیٹرول اور ڈیزل کی قیمتیں؛ وزیراعلی نے کہا اب بھی گجرات اور ایم پی سے ہمارے دام ہیں کم

کرناٹک بھر میں ہفتہ، 15جون سے پیٹرول کی قیمتوں میں تین روپیہ اور ڈیزل کی قیمتوں میں 3.50 روپیوں کا اضافہ کرنے کے کانگریس حکومت کے فیصلے کا پُرزور دفاع کرتے ہوئے، وزیر اعلیٰ سدارامیا نے اتوار کو کہا کہ قیمتوں میں اضافہ ضروری عوامی خدمات اور ترقیاتی کاموں کو فنڈ فراہم کرنے کے لئے ...

جوئیڈا کے رام نگر میں خود سوزی کی وجہ سے نوجوان کی موت - پولیس پر ہراسانی کا الزام - کُونبی سماج کا احتجاج 

تعلقہ کے رام نگر پولیس تھانے کے افسران کی طرف سے ہراسانی کا الزام لگاتے ہوئے کُونبی سماج کے جس نوجوان نے پولیس اسٹیشن کے احاطے میں اپنے جسم پر پٹرول چھڑک کر خود سوزی کی تھی ، اس نے بیلگام کے اسپتال میں دم توڑ دیا ۔ جس کے بعد قصوروار پی ایس آئی اور عملے کے خلاف کارروائی کا مطالبہ ...

نیٹ کا امتحان دوبارہ لیا جانا چاہئے، گریس مارکس دینا غلط: وزیر اعلیٰ سدارمیا

  کرناٹک کے وزیر اعلیٰ سدارمیا نے ہفتہ کو نیٹ کا امتحان دوبارہ منعقد کرنے کی وکالت کرنے ہوئے کہا کہ گریس مارکس دینا غلط ہے۔ میسور میں صحافیوں سے بات کرتے ہوئے وزیر اعلیٰ سدارمیا نے کہا کہ نیٹ امتحان میں ان طلباء کے ساتھ غلط ہوا جنہوں نے سخت محنت کی تھی۔ انہوں نے کہا، ’’طلباء ...

بولیار مسجد کے سامنے اشتعال انگیزی کی طرح خاطیوں پر حملہ بھی غلط، سوشیل میڈیا پر جعلی پیغامات وائرل کرنے والوں پر بھی کارروائی : یوٹی قادر

ریاستی قانون ساز  اسمبلی کے اسپیکر یوٹی قادر نے کہا کہ منگلور و اسمبلی حلقہ کا   بولیار گرام ہم آہنگی کی ایک مثال ہے، جہاں مقامی لوگ اور  پولیس حالیہ واقعہ سے متعلق معاملے کو حل کرنے جا رہے  ہیں۔ یوٹی  قادر نے کہا کہ اگر باہر کے لوگ اپنا منہ بند رکھیں  تو یہ ملک سے حقیقی دیش ...

کلیان کرناٹک ترقیات کیلئے سالانہ 5000 کروڑ روپئے گرانٹ، اعلیٰ تعلیم کے شعبہ میں 41 گرلز کالجز شروع کئے جائیں گے: سدارامیا 

ریاستی وزیر اعلیٰ سدارامیا نے اعلان کرتے ہوئے کہا کہ کلیان کرناٹک کے لیے 5000 کروڑ روپے جاری کیے جائیں گے ۔ اسمبلی انتخابات کے موقع پر انتخابی منشور میں اور بجٹ میں کیے گئے وعدہ کے مطابق کلیان کرناٹک خطے کی ترقی کے لیے سالانہ 5000 کروڑ روپے فراہم کیے جائیں گے۔ سدارامیا نے کے کے ...