وزیر اعلیٰ سدرامیا کی ڈپٹی کمشنرس اور سی ای اوز کے ساتھ ویڈیو کانفرنس؛ وبائی امراض کو پھیلنے سے روکنے اقدامات پر دیا زور
بنگلور 24 مئی: (ایس او نیوز) کرناٹک کے وزیر اعلیٰ سدارامیا نے ضلع کے ڈپٹی کمشنرس اور ضلع پنچایت چیف ایگزی کوٹیو آفیسرز کے ساتھ وڈیو کانفرنس کے ذریعے خشک سالی کے انتظام اور مانسون کاشتکاری کی سرگرمیوں کے متعلق جانکاری لی۔
وزیر اعلیٰ نے میسور کے دو گاوں میں پھیلی ہیضہ کی وبا کے متعلق کہا کہ یہ آلودہ پانی کی وجہ سے ہوا ہے اور انجینئرز پانی کی آلودگی کیلئے ذمہ دار ہیں۔ وزیر اعلیٰ نے کہا کہ پانی پینے کے لیے محفوظ ہے یا نہیں یہ معلوم نہ کرنا بڑا جرم ہے۔ انہوں نے متنبہ کرایا کہ ہیضہ یا دیگر وبائی امراض ظاہر ہونے کی صورت میں سینئر عہدیدار ذمہ دار ہوں گے۔ آگے کہا کہ اس قسم کا واقعہ عہدیداروں کی لا پرواہی کی وجہ سے پیش آیا۔پینے کے پانی کو باقاعدگی سے جانچنے کی ضرورت پر زور دیتے ہوئے وبا پھیلنے کے لیے ضلعی سطح کے افسران کو ذمہ دار قرار دیتے ہوئے انہوں نے خبردار کیا کہ قصور وار اہلکاروں کو فوری طور پر معطل کیا جائے گا۔ وزیر اعلیٰ نے آلودہ پانی کے لئے براہ راست ضلع کے ڈپٹی کمشنروں کو ذمہ دار قرار دیتے ہوئے کہا کہ اگر ہیضہ پھیلا تو متعلقہ حکام ذمہ دار ہوں گے اور ان کے خلاف مناسب کارروائی کی جائے گی۔
میسور کے دو دیہاتوں ٹی نرسی پور تعلقہ تگدور اور کے سلو ہونڈی گاوں میں آلودہ پانی پینے سے ہیضہ پھیلا ہے۔ متعلقہ انجینئرز صاف پینے کا پانی فراہم کرنے میں ناکام رہے ہیں۔ کے سلو ہونڈی میں 40 سے زائد افراد بیمار اور ایک نوجوان جاں بحق ہو ا ہے۔ اس بار انتخابی ضابطہ اخلاق کا وقت زیادہ تھا۔ گویاانتظامیہ کی مشینری ٹھپ ہو کر رہ گئی۔افسران کے لیے ترقیاتی کاموں پر توجہ دینا ممکن نہیں رہا، انہوں نے کہا کہ ہماری درخواست پر الیکشن کمیشن نے ضابطہ اخلاق میں نرمی کی ہے۔ اب بارش معمول سے زیادہ ہے۔ زرعی سرگرمیاں شروع ہو چکی ہیں۔ الیکشن کی تیاریاں جنوری میں ہی شروع ہوگئیں تھیں جبکہ ضابطہ اخلاق 6 جون تک ہے۔ تاہم فوری کاموں پر توجہ دی جانی چاہئے۔ انہوں نے کہا کہ ضلعی سطح کے عہدیداروں کو کو آرڈینیشن کے ساتھ کام کرنا چاہئے۔ مئی کے مہینے میں معمول سے زیادہ بارشیں ہوتی ہیں۔ بوائی کا کام بھی شروع ہو گیا ہے۔ بجٹ فروری میں پیش کیا گیا تھا۔ مالی سال کے دو مہینے گزر رہے ہیں۔ ایک سال میں ہونے والے کام کو 10 ماہ میں مکمل کرنا ضروری ہے۔ اس پس منظر میں تمام سیکریٹریز کی میٹنگ ہوئی۔ یہ تجویز دی گئی ہے کہ جون کے آخر تک تمام نئے اعلانات کے لیے حکومتی حکم نامہ جاری کیا جائے۔ ٹینڈر طلب کرنے میں کوئی ضابطہ اخلاق نہیں آتا۔ انہوں نے کہا کہ تمام افسران اس طرف زیادہ توجہ دیں۔کسانوں کو وقت پر قرض ملنے کی ضمانت دی جائے۔ اس سال کا قرضہ پلان بھیج دیا گیا ہے۔ ڈسٹرکٹ بینکرز کے ساتھ رابطہ قائم کریں اور کارروائی کریں۔ بینکرس کو سخت ہدایات دی گئی ہیں کہ وہ کسانوں کے قرضوں کے لیے خشک سالی کی امدادی رقم کو معاف رائٹ آف نہ کریں۔ کسانوں کو فصلوں کے بیمہ کے دعوے کرتے وقت کمپنیوں کے ذریعہ نمونے کی تصدیق کے بارے میں بہت سے شبہات ہیں۔ انشورنس کمپنیوں کے رویے سے حکومت کی بدنامی کا خطرہ ہے۔ اس لیےوزیر اعلیٰ نے تجویز دی کہ اس معاملے پر کمپنیوں کے ساتھ پیشگی بات چیت کی جائے اور کسانوں کو فائدہ پہنچانے کے لئے کارروائی کی جائے۔