کرناٹک حکومت نے غیر مستحق بی پی ایل کارڈز منسوخ کرنے کا دیاحکم

Source: S.O. News Service | By I.G. Bhatkali | Published on 9th July 2024, 8:30 AM | ریاستی خبریں |

بنگلورو 9 جولائی (ایس او نیوز): ریاست کی پانچ گارنٹی اسکیموں کے سبب مالی دباؤ کے پیش نظر، کرناٹک کے وزیر اعلیٰ سدرامیا نے پیر کے روز تمام غیر مستحق لوگوں کو دیئے گئے بی پی ایل (خط افلاس سے نیچے) کارڈز منسوخ کرنے کے احکامات جاری کئے ہیں۔

ڈپٹی کمشنرز اور مختلف اضلاع کے چیف ایگزیکٹو افسران کے ساتھ ایک اجلاس میں سدرامیا نے نشاندہی کی کہ ریاست کی 80 فیصد آبادی کے پاس بی پی ایل کارڈز ہیں، جبکہ تمل ناڈو میں صرف 40 فیصد خاندانوں کے پاس بی پی ایل کارڈز ہیں۔ انہوں نے حکام سے کہا کہ نیتی آیوگ کی سفارشات کے مطابق کرناٹک میں بی پی ایل خاندانوں کی تعداد کم ہونی چاہئیے تھی لیکن تمل ناڈو کے مقابلے میں دوگنی ہیں۔

بی پی ایل کارڈز کی اہمیت کا اندازہ اس بات سے لگایا جا سکتا ہے کہ وہ حکومت کی طرف سے جاری کردہ پانچ گارنٹی اسکیموں کے فوائد حاصل کرنے بعض کے لئے ضروری ہیں۔

مالیاتی محکمہ نے جون 2023 میں خوراک اور سول سپلائیز محکمہ کو ایک نوٹ جاری کیاتھا جس میں بتایا گیا تھا کہ بڑی تعداد میں غیر مستحق افراد کے پاس بی پی ایل کارڈز ہیں۔ مالیاتی محکمہ کے مطابق، کرناٹک میں 1.13 کروڑ بی پی ایل کارڈز ہیں جو ریاست کے 85.23 فیصد گھرانوں کو کور کرتے ہیں۔ اس کے مقابلے میں، گجرات میں 62.11 فیصد، مہاراشٹرا میں 64.36 فیصد، اور تلنگانہ میں 65.59 فیصد گھرانے بی پی ایل کارڈز کے حامل ہیں۔

سدرامیا نے ریاست میں اندرا کینٹین کی پیشرفت کا بھی جائزہ لیا۔ حکومت نے بنگلورو میں 70 نئی اندرا کینٹینز کی تعمیر کی منظوری دی ہے، جبکہ ریاست کے دیگر حصوں میں بھی اس طرح کے کینٹینز کے منصوبے جلد شروع ہونے کی توقع ہے۔

مزید برآں، اجلاس میں پراپرٹی ٹیکس کی وصولی میں تاخیر پر بھی گفتگو ہوئی۔ پچھلے مالی سال میں، پراپرٹی ٹیکس کی بقایا رقم 224 کروڑ روپے تھی۔ اس سال جون کے آخر تک، حکومت نے 806 کروڑ روپے کا پراپرٹی ٹیکس جمع کیا ہے، جبکہ 1,053 کروڑ روپے کی وصولی ابھی باقی ہے۔ چیف منسٹر کے دفتر کی جانب سے تمام ڈپٹی کمشنرز کو ایک مہم کے تحت بقایا جات کی وصولی کی ہدایت دی گئی ہے۔

ایک نظر اس پر بھی

بینگلورو: دھوتی میں ملبوس کسان کو داخلہ نہ دینے کا معاملہ : حکومت نے دیا سات دن کے لئے مال بند کرنے کا حکم 

دو دن قبل بینگلورو کے ایک مال میں ایک عمر رسیدہ کسان اور اس کے اہل خانہ  کو اس وجہ سے داخلہ دینے سے انکار کیا گیا تھا کہ وہ کسان دھوتی میں ملبوس تھا ۔ اس واقعے کی ویڈیو کلپ وائرل ہونے کے بعد اس کے خلاف آوازیں اٹھنے لگی تھیں اور مال کے خلاف کارروائی کا مطالبہ کیا جا رہا تھا ۔ 

کرناٹک پرائیویٹ فرموں میں کناڈیگاس کے لیے 100فیصد کوٹہ لازمی کرنے والا بل منظور

کرناٹک کی کابینہ نے ایک بل کو منظور کیا ہے جس میں کننڈیگاس کو گروپ سی اور ڈی کے عہدوں کے لیے نجی شعبے میں 100 فیصد ریزرویشن لازمی قرار دیا گیا ہے،  وزیر اعلیٰ سدرامیا نے کہا۔یہ فیصلہ پیر کو ہونے والے کابینہ کے اجلاس میں کیا گیا۔

اگر میرے بیٹے نے کوئی جرم کیا ہے تو پھانسی دے دو ؛پرجول ریونا کے والد ایچ ڈی ریونا کا بیان

جے ڈی ایس ایم ایل اے اور سابق وزیر ایچ ڈی۔ ریونا نے کہا ہے کہ ان کے بیٹے پرجول ریوانا، جو کئی خواتین کے ساتھ جنسی زیادتی کے الزامات کا سامنا کر رہے ہیں، اگر اس نے کوئی جرم کیا ہے تو اسے پھانسی دی جانی چاہیے۔