کرناٹک میں قلمدانوں کی تقسیم، مسلم وزیروں کو اہم محکمے ملے، سدارامیا نے وزارت خزانہ اپنے پاس ہی رکھا، ڈی کے شیوکمار کو بنگلورو شہری ترقیات اور محکمہ آب پاشی کے ساتھ ہی کئی اہم قلمدان دیئے گئے

Source: S.O. News Service | Published on 30th May 2023, 12:17 PM | ریاستی خبریں |

ضمیر احمد خان کو ہاؤسنگ ، وقف اور اقلیتی امور جبکہ رحیم خان کو میونسپل ایڈمنسٹریشن کے ساتھ حج امور جیسے محکمے سونپے گئے، کابینہ میں جگہ نہ پانے والے ناراض 

بنگلورو،30/مئی  (ایس او نیوز/ایجنسی) کرناٹک میں کانگریس کی واضح اکثریت والی حکومت میں پیر کو قلمدانوں کی تقسیم بھی ہوگئی۔ اس میں وزیر اعلیٰ سدارمیا نے ایک بار پھر وزارت مالیات اپنے پاس ہی رکھا ہے جبکہ نائب وزیر اعلیٰ ڈی کے شیو کمار کو بھی کئی اہم وزارتیں ملی ہیں۔ اسی طرح مسلم وزیروں کے حصے میں ہاؤسنگ اور میونسپل ایڈ منسٹریشن جیسے اہم محکمے آئے ہیں۔ کانگریس کے سابق ریاستی صدر اور سینئر لیڈر جی پر میشور کو محکمہ داخلہ دیا گیا ہے تاہم ، انٹیلی جنس کو اس سے باہر رکھا گیا ہے۔ خفیہ جانکاریاں فراہم کرنے والا یہ ادارہ وزیر اعلیٰ سدارامیا کے پاس ہی ہے۔

ریاستی گورنر تھاور چند گہلوت کی طرف سے ایک نوٹیفکیشن جاری کی گئی ہے جس میں34ور کنی کونسل میں کسے کون سی قلمدان دی گئی ہے، بتایا گیا ہے۔ وہ تمام وزارتیں جو تقسیم نہیں کی گئی ہیں، وہ وزیر اعلیٰ کے پاس ہی رہیں گی۔ اس طرح وزیروں کا کو ٹہ مکمل ہو گیا ہے۔ اب ایسے میں جو لوگ وزیر بننے کے دعویدار تھے اور انہیں وزیر نہیں بنایا گیا، ان میں ناراضگی پائی جارہی ہے۔

قلمدانوں کی تقسیم میں ایک بات کا خاص خیال رکھا گیا ہے کہ جو لیڈران عین الیکشن سے قبل کانگریس میں شامل ہوئے تھے، انہیں کابینہ میں جگہ نہیں دی گئی ہے۔ ان کی جگہ پر پارٹی جہاں تعریف ہورہی ہے، وہیں اس کی وجہ سے باہر سے آنے والوں میں تھوڑی سی ناراضگی بھی پائی جارہی ہے۔ کہا جاتا ہے کہ  لنگا یت لیڈر لکشمن ساودی کا خیمہ بہت ناراض ہے۔

ساودی کا خیمہ اداس : بی جے پی کی طرف سے ٹکٹ نہ ملنے کی وجہ سے اس کے کئی لیڈر پارٹی چھوڑ کر کانگریس میں شامل ہو گئے تھے۔ ان میں سابق نائب وزیر اعلی لکشمن ساودی اور سابق وزیراعلی جگدیش شیٹر کا نام قابل ذکر ہے۔ یہ دونوں لنگایت کے بڑے لیڈر مانے جاتے ہیں۔ ان میں سے شیٹر تو الیکشن ہار گئے تھے لیکن ساودی 76ہزار ووٹوں سے کامیاب ہوئے۔ شیٹر اور ساودی کی طرف سے تو کوئی بیان نہیں آیا ہے لیکن پس پردہ اُن کا خیمہ سر گرم بتایا جارہا ہے۔ خیال رہے کہ انتخابی دنوں میں شیٹر نے ایک انٹرویو میں کہا تھا کہ انہوں نے کانگریس سے کوئی سودا نہیں کیا ہے۔ وہ کسی عہدے کے دعویدار نہیں ہیں، وہ صرف ایم ایل اے بن کر بھی مطمئن رہیں گے۔ اب دیکھئے ساودی کیا کرتے ہیں؟

میرے دادا کو وزیر بنادیجئے سات سالہ بچی کا راہل گاندھی کے نام خط:  کانگریس کے ایم ایل اے ٹی بی جے چندر کی7 سالہ پوتی نے راہل گاندھی کو ایک خط لکھا ہے۔ اس نے راہل گاندھی سے شکایت کی ہے کہ اس کے دادا کو وزیر کیوں نہیں بنایا گیا؟ اس نے کہا  کہ اس کی وجہ وہ کافی پریشان ہے۔ اس نے راہل گاندھی سے درخواست کی ہے کہ اس کے دادا کو کرناٹک کا بینہ میں جگہ دی جائے۔ خیال رہے کہ ٹی بی جے چندر کے نام کو لے کر  چرچاتھی  کہ انہیں وزیر کا عہدہ دیا جا سکتا ہے لیکن انہیں کابینہ میں جگہ نہیں ملی۔

کس کو کون سا قلمدان ملا؟ 

سدارمیا : مالیات، کابینی امور، خفیہ، آئی ٹی ، انفراسٹرکچرڈیولپمنٹ اور انتظامی اصلاحات سمیت کئی محکمے

ڈی کے شیو کمار : آب پاشی اور بنگلورو شہری ترقیات کے تمام محکمے  جیسے   بی ڈی اے، بی بی ایم پی  اور  بی ایم آر ڈی اے  

جی پر میشور: وزارت داخلہ 

 ایچ کے پاٹل:  قانون سیاحت اور پارلیمانی امور

ایم بی  پاٹل:  بڑی اور درمیانی صنعت

پر یا نک کھر گے: دیہی ترقی اور پنچایتی راج

ضمیر احمد خان : ہاؤسنگ، وقف اور اقلیتی امور

رحیم خان: میونسپل کارپوریشن ایڈمنسٹریشن اور حج امور

رام لنگا ریڈی:  ٹرانسپورٹ

ونیش گنڈوراؤ : صحت اور خاندانی بہبود

کے کے جارج:  توانائی

ایک نظر اس پر بھی

کرناٹک میں بڑھ گئیں پیٹرول اور ڈیزل کی قیمتیں؛ وزیراعلی نے کہا اب بھی گجرات اور ایم پی سے ہمارے دام ہیں کم

کرناٹک بھر میں ہفتہ، 15جون سے پیٹرول کی قیمتوں میں تین روپیہ اور ڈیزل کی قیمتوں میں 3.50 روپیوں کا اضافہ کرنے کے کانگریس حکومت کے فیصلے کا پُرزور دفاع کرتے ہوئے، وزیر اعلیٰ سدارامیا نے اتوار کو کہا کہ قیمتوں میں اضافہ ضروری عوامی خدمات اور ترقیاتی کاموں کو فنڈ فراہم کرنے کے لئے ...

جوئیڈا کے رام نگر میں خود سوزی کی وجہ سے نوجوان کی موت - پولیس پر ہراسانی کا الزام - کُونبی سماج کا احتجاج 

تعلقہ کے رام نگر پولیس تھانے کے افسران کی طرف سے ہراسانی کا الزام لگاتے ہوئے کُونبی سماج کے جس نوجوان نے پولیس اسٹیشن کے احاطے میں اپنے جسم پر پٹرول چھڑک کر خود سوزی کی تھی ، اس نے بیلگام کے اسپتال میں دم توڑ دیا ۔ جس کے بعد قصوروار پی ایس آئی اور عملے کے خلاف کارروائی کا مطالبہ ...

نیٹ کا امتحان دوبارہ لیا جانا چاہئے، گریس مارکس دینا غلط: وزیر اعلیٰ سدارمیا

  کرناٹک کے وزیر اعلیٰ سدارمیا نے ہفتہ کو نیٹ کا امتحان دوبارہ منعقد کرنے کی وکالت کرنے ہوئے کہا کہ گریس مارکس دینا غلط ہے۔ میسور میں صحافیوں سے بات کرتے ہوئے وزیر اعلیٰ سدارمیا نے کہا کہ نیٹ امتحان میں ان طلباء کے ساتھ غلط ہوا جنہوں نے سخت محنت کی تھی۔ انہوں نے کہا، ’’طلباء ...

بولیار مسجد کے سامنے اشتعال انگیزی کی طرح خاطیوں پر حملہ بھی غلط، سوشیل میڈیا پر جعلی پیغامات وائرل کرنے والوں پر بھی کارروائی : یوٹی قادر

ریاستی قانون ساز  اسمبلی کے اسپیکر یوٹی قادر نے کہا کہ منگلور و اسمبلی حلقہ کا   بولیار گرام ہم آہنگی کی ایک مثال ہے، جہاں مقامی لوگ اور  پولیس حالیہ واقعہ سے متعلق معاملے کو حل کرنے جا رہے  ہیں۔ یوٹی  قادر نے کہا کہ اگر باہر کے لوگ اپنا منہ بند رکھیں  تو یہ ملک سے حقیقی دیش ...

کلیان کرناٹک ترقیات کیلئے سالانہ 5000 کروڑ روپئے گرانٹ، اعلیٰ تعلیم کے شعبہ میں 41 گرلز کالجز شروع کئے جائیں گے: سدارامیا 

ریاستی وزیر اعلیٰ سدارامیا نے اعلان کرتے ہوئے کہا کہ کلیان کرناٹک کے لیے 5000 کروڑ روپے جاری کیے جائیں گے ۔ اسمبلی انتخابات کے موقع پر انتخابی منشور میں اور بجٹ میں کیے گئے وعدہ کے مطابق کلیان کرناٹک خطے کی ترقی کے لیے سالانہ 5000 کروڑ روپے فراہم کیے جائیں گے۔ سدارامیا نے کے کے ...