کرناٹک بی جے پی رکن قانون ساز کونسل کے گھر چھاپہ ماری میں برآمد ہوئیں 6000 ساڑیاں اور 9000 اسکول بیگ

Source: S.O. News Service | Published on 16th March 2023, 8:32 PM | ریاستی خبریں |

ہاویری، 16/مارچ (ایس او نیوز/ایجنسی) کرناٹک میں اسمبلی انتخاب کے لیے تاریخوں کا اعلان جلد ہونے والا ہے۔ اس درمیان بی جے پی لیڈر آر شنکر کے گھر کمرشیل ٹیکس افسران نے  چھاپہ ماری کی جس میں کچھ ایسی چیزیں برآمد ہوئی ہیں جو حیران کرنے والی ہیں۔ دراصل آر شنکر رکن قانون ساز کونسل ہیں اور چھاپہ ماری میں ان کے گھر سے کثیر تعداد میں ساڑیاں، اسکولی بیگ و کچھ دیگر سامان برآمد ہوئے ہیں۔ بی جے پی لیڈر نے اپنے گھر میں یہ سامان مبینہ طور پر انتخاب کے پیش نظر ووٹروں میں تقسیم کرنے کے لیے رکھے تھے۔

آر شنکر کے گھر میں ہوئی چھاپہ ماری کے تعلق سے ’ٹائمز آف انڈیا‘ نے ایک رپورٹ شائع کی ہے۔ اس میں بتایا گیا ہے کہ کمرشیل ٹیکس ڈیپارٹمنٹ کے افسران نے منگل کی دیر شب ہاویری ضلع میں رانیبینور واقع شنکر کی رہائش پر چھاپہ ماری کی تھی۔ چھاپہ ماری کے دوران ٹیم نے 6000 سے زیادہ ساڑیاں، تقریباً 9000 کالج-اسکول بیگ اور گھروں میں استعمال ہونے والی پلیٹ برآمد کی ہیں۔ ان سب کی ممکنہ قیمت 20 سے 30 لاکھ روپے بتائی جا رہی ہے۔

بتایا جاتا ہے کہ رکن قانون ساز کونسل کے گھر پر تقریباً 7 گھنٹے تک یہ چھاپہ ماری چلی تھی۔ افسران نے بی جے پی لیڈر کے گھر سے برآمد سامان کو مقامی پولیس کے حوالے کر دیا ہے۔ افسران کی ٹیم نے آر شنکر سے ان کے گھر برآمد سامان کو لے کر جی ایس ٹی بل طلب کیا ہے۔ اس کے لیے آر شنکر نے تین دن کا وقت مانگا ہے۔

ہاویری ڈپٹی کمشنر رگھونندن مورتی کا کہنا ہے کہ اگر آر شنکر گھر میں برآمد سامان سے جڑے بل کو دکھانے میں ناکام ہوتے ہیں تو کمرشیل ٹیکس ڈیپارٹمنٹ کورٹ سے ان کے خلاف کیس درج کرنے کی اجازت مانگے گا۔ ٹیکس ٹیم کی چھاپہ ماری پر ریاست کے وزیر اعلیٰ بسوراج بومئی نے کہا کہ چھاپہ ماری سے ظاہر ہوتا ہے کہ حکومت کی ایجنسی آزادانہ طور پر کام کر رہی ہے۔

ایک نظر اس پر بھی

مشہور دلت شاعر اور مترجم لکور آنند یونیورسٹی کے قریب مردہ حالت میں پائے گئے

مشہور دلت شاعر ، مترجم اور ریسرچر لکور آنند گلبرگہ میں سینٹرل یونیورسٹی آف کرناٹک کے قریب مردہ حالت میں پائے گئے ہیں۔آنند، جن کی عمر 44 سال ہے، یونیورسٹی کے کنٹر دپارٹمنٹ میں پی ایچ ڈی اسکالر تھے۔مقامی افراد نے ان کی لاش کو دریافت کیا اور پولیس کو اس واردات کی اطلاع دی۔

میسور میں گیس لیک ہونے سے خاندان کے چار افراد کی دم گھٹنے سے ہوئی موت

میسور کے یرا گناہلّی میں ایک ہی خاندان کے چار افراد مشتبہ حالات میں مردہ پائے گئے، جن کے تعلق سے شبہ ظاہر کیا گیا ہے کہ گھر کے سلینڈر سے ایل پی جی گیس لیک ہونے سے ان  چاروں کی  نیند کی حالت میں ہی موت واقع ہوئی ہوگی۔

کرناٹک میں پی یو سی سال دوم کے دوسرے مرحلے کے نتائج کا اعلان؛ 35.25 فیصد طلبا ءکامیاب

تعلیمی  سال برائے 24-2023 کے پی یوسی سال دوم کے دوسرے مرحلہ کے امتحان کا نتیجہ شائع ہو گیا ہے ، صرف 35.25 فیصد  طلبا ء  ہی امتحان پاس کر پائے ہیں۔ ہمیشہ کی طرح اس بار بھی طالبات نے پی یوسی سال دوم کے امتحان کے دوسرے مرحلہ میں ممتاز نمبرات سے ٹاپ کیا ہے۔

کمارسوامی و ایچ ڈی ریونا دہشت گرد نہیں کہ ان کا فون ٹیپ کیا جائے؛ ڈی کے شیوکمار کا سخت جواب

کرناٹک کے نائب وزیر اعلیٰ ڈی کے شیو کمار نے سابق وزیر اعلیٰ کمارسوامی اور وزیر داخلہ ڈاکٹر جی پرمیشور نے کے ان الزام کو مسترد کر دیا ہے کہ ریاستی حکومت کی جانب سے ان کا فون ٹیپ کیا جا رہا ہے۔

بنگلورو رامیشورم کیفے دھماکہ کیس، رائے درگم ٹاؤن میں این آئی اے کی تلاشی کارروائی

  نیشنل انوسٹیگیشن ایجنسی(این آئی اے) نے  آندھراپردیش کے ضلع اننت پورمیں مختلف مقامات پر تلاشی لی۔ این آئی اے کے حکام نے رائے درگم ٹاؤن کے ناگولا باؤلی علاقہ میں ایک مکان میں تلاشی لی۔ ذرائع نے بتایاہے کہ بنگلوروکے رامیشورم کیفے دھماکہ کیس کے سلسلہ میں تحقیقاتی ایجنسی کے حکام ...

کمار سوامی کی پرجول ریونا سے وطن واپسی اور تفتیش میں تعاون کی اپیل

انڈین ایکسپریس نے رپورٹ کیا ہے کہ جنتا دل کرناٹک کے صدر اور سابق وزیر اعلیٰ کمارا سوامی ریونا نے پیر کو اپنے بھتیجے اور بی جے پی کے رکن پارلیمان پرجول ریونا پر زور دیا کہ وہ ہندوستان آئیں اوراپنے خلاف جنسی ہراسانی کے الزامات کی تفتیش میں تعاون کریں۔