ای ڈی کی کارروائی کے خلاف ہیمنت سورین کی درخواست پر سماعت مکمل، جھارکھنڈ ہائی کورٹ نے فیصلہ محفوظ رکھا

Source: S.O. News Service | Published on 28th February 2024, 7:55 PM | ملکی خبریں |

رانچی، 28/فروری (ایس او نیوز/ایجنسی)  سابق وزیر اعلیٰ ہیمنت سورین کی ای ڈی کی کارروائی اور ان کی گرفتاری کو چیلنج کرنے والی درخواست پر بدھ کو جھارکھنڈ ہائی کورٹ میں سماعت مکمل ہو گئی۔ قائم مقام چیف جسٹس ایس جسٹس چندر شیکھر اور جسٹس نونیت کمار کی بنچ نے سماعت کے بعد فیصلہ محفوظ رکھا ہے۔

سماعت کے دوران ای ڈی کا موقف پیش کرتے ہوئے اسسٹنٹ سالیسٹر جنرل ایس وی راجو نے کہا کہ ہیمنت سورین کی اس درخواست کو مسترد کر دینا چاہیے، کیونکہ ایجنسی کے پاس ان کے خلاف کافی ثبوت ہیں۔ انہوں نے ریونیو ڈپٹی انسپکٹر بھانو پرتاپ کی مدد سے رانچی کے بڑگائیں علاقے میں ساڑھے آٹھ ایکڑ زمین پر قبضہ کر لیا تھا۔ اس پر ایک شادی ہال بنانے کی تیاریاں ہو رہی تھیں، جس کا نقشہ بھی ان کے قریبی دوست ونود سنگھ نے ہیمنت سورین کو واٹس ایپ پر شیئر کیا تھا۔

ای ڈی نے عدالت کو یہ بھی بتایا کہ کارروائی شروع کرنے کے بعد ہیمنت سورین نے اپنی طاقت کا استعمال کرتے ہوئے زمین پر قبضے سے متعلق ثبوتوں کو ختم کرنے کی کوشش کی۔ انہیں ای ڈی نے 10 بار طلب کیا لیکن وہ صرف دو بار پیش ہوئے۔ کہا گیا کہ ہیمنت سورین کے خلاف منصوبہ بند جرم کا مقدمہ قائم ہوتا ہے۔

قبل ازیں منگل کو ہوئی سماعت کے دوران سپریم کورٹ کے سینئر وکیل کپل سبل نے ہیمنت سورین کی جانب سے اپنا موقف پیش کیا تھا۔ انہوں نے کہا کہ یہ سلسلہ وار جرائم کا کیس نہیں ہے۔ ہیمنت سورین کے خلاف منی لانڈرنگ کا کوئی کیس نہیں ہے۔ ساڑھے آٹھ ایکڑ کی متنازعہ زمین سے متعلق کسی بھی دستاویز میں ان کا نام نہیں ہے جس کے لیے ہیمنت سورین کے خلاف کارروائی کی گئی ہے۔ کچھ لوگوں نے کہا کہ یہ زمین ہیمنت سورین کی ہے اور اس پر یقین کرتے ہوئے ای ڈی تحقیقات کر رہی ہے۔ اس معاملے میں سورین کے خلاف کوئی ثبوت نہیں ہے۔

یاد رہے کہ زمین گھوٹالے میں تقریباً آٹھ گھنٹے کی پوچھ گچھ کے بعد 31 جنوری کو ای ڈی نے سورین کو گرفتار کیا تھا۔ ای ڈی کی کارروائی کو چیلنج کرتے ہوئے سورین نے 31 جنوری کو سپریم کورٹ میں بھی درخواست دائر کی تھی لیکن جسٹس سنجیو کھنہ اور جسٹس بیلا ایم ترویدی کی بنچ نے ہیمنت سورین کو پہلے جھارکھنڈ ہائی کورٹ جانے کو کہا تھا۔

ایک نظر اس پر بھی

بی جے پی نے الیکٹورل بانڈ کے ذریعے دنیا کا سب سے بڑا گھوٹالہ کیا، وزیر اعظم بدعنوانی کے چیمپین ہیں! راہل گاندھی

راہل گاندھی نے کانگریس اور سماجوادی پارٹی کی مشترکہ پریس کانفرنس سے خطاب کرتے ہوئے وزیر اعظم نریندر مودی کو بدعنوانی کا چیمپین قرار دیا۔ انہوں نے کہا کہ بی جے پی نے الیکٹورل بانڈ کے ذریعے بھتہ خوری کی اور دنیا کا سب سے بڑا گھوٹالہ انجام دیا۔ راہل گاندھی نے سوال کیا کہ اگر ...

بی جے پی اپنی ناکامیوں سے توجہ بھٹکانے کے لیے مذہب کی سیاست کر رہی، سچن پائلٹ نے الیکشن کمیشن پر بھی اٹھائے سوال

کانگریس لیڈر سچن پائلٹ نے جموں و کشمیر میں آج انتخابی تشہیر کے دوران بی جے پی حکومت کو تو تنقید کا نشانہ بنایا ہی، الیکشن کمیشن کو بھی کٹہرے میں کھڑا کر دیا۔ انھوں نے منگل کے روز ایک ریلی سے خطاب کرتے ہوئے کہا کہ جب اپوزیشن پارٹیوں کے اکاؤنٹس پر لین دین سے متعلق روک لگائی گئی ...

بی جے پی و آر ایس ایس آئین کو تباہ کرنا چاہتی ہیں جبکہ کانگریس اسے بچانے کی کوشش کر رہی ہے: راہل گاندھی

کیرالہ کے وائناڈ میں کانگریس کے لیڈر راہل گاندھی نے بی جے پی پر سخت حملہ کرتے ہوئے کہا کہ بی جے پی و آر ایس ایس ملک کے آئین کو ختم کرنے کی کوشش کر رہی ہیں جبکہ کانگریس اسے بچانے کی کوشش میں مصروف ہے۔ یہ بیان راہل گاندھی روڈ شو کے دوران دیا جس کو سن کر عوام پورے جوش میں دکھائی دی ...

لوک سبھا انتخابات 2024: کانگریس نے امیدواروں کی نئی فہرست جاری

کانگریس نے لوک سبھا انتخاب کے پیش نظر اپنے امیدواروں کی ایک نئی فہرست جاری کر دی ہے۔ اس فہرست میں جھارکھنڈ کی تین لوک سبھا سیٹوں پر امیدواروں کے ناموں کا اعلان کیا گیا ہے۔ جاری فہرست کے مطابق گوڈا سے دیپکا پانڈے سنگھ، چترا سے کرشنانند ترپاٹھی اور دھنباد سے انوپما سنگھ کو ...

مرکزی وزارت داخلہ کی دوسری منزل پر آتش زدگی، زیروکس مشین، کمپیوٹر اور دیگر دستاویزات خاکستر

آگ لگنے کے واقعات یوں تو ہوتے ہی رہتے ہیں مگر جب حکومت کے دفاتر میں آگ لگنے لگے تو معاملہ کچھ زیادہ ہی سنگین ہو جاتا ہے۔ آتش زدگی کا ایسا ہی ایک واقعہ دہلی میں مرکزی وزارت داخلہ کے دفتر میں پیش آیا ہے۔ اس حادثے میں کسی شخص کے متاثر ہونے کی تو کوئی خبر نہیں ہے البتہ زیروکس ...

تیجسوی یادو کا وزیراعظم پر سخت حملہ؛ 10 سالوں میں مودی جی نے صرف غریبی، بے روزگاری، مہنگائی اور جملہ دیا

لوک سبھا انتخاب سے قبل بیان بازیوں نے رفتار پکڑ لی ہے۔ برسراقتدار طبقہ اپنی خوبیاں بیان کر رہا ہے اور اپوزیشن لیڈران حکومت کی ناکامیوں و عوام مخالف پالیسیوں کو عوام کے سامنے رکھ رہے ہیں۔ اس درمیان تیجسوی یادو نے پٹنہ میں مرکز کی مودی حکومت پر آج زبردست حملہ کیا۔