فیفا عالمی کپ 2022: سعودی عرب کے بعد جاپان نے بھی کیا الٹ پھیر، جرمنی کو دی 1-2 سے شکست

Source: S.O. News Service | Published on 24th November 2022, 11:04 AM | اسپورٹس |

دوحہ، 24؍نومبر (ایس او نیوز؍ایجنسی) ایک دن پہلے کی ہی بات ہے جب سعودی عرب نے ارجنٹائنا کو 1-2 سے شکست دے کر فیفا عالمی کپ 2022 ٹورنامنٹ کا بڑا الٹ پھیر کیا تھا، اور آج یہی کارنامہ جاپان نے جرمنی کو شکست دے کر انجام دیا ہے۔ گروپ ’ای‘ کے مقابلے میں جاپان نے شاندار کارکردگی کا مظاہرہ کرتے ہوئے جرمنی کو 1-2 سے پٹخنی دے دی۔ جاپان کے لیے ٹکوما اسانو اور رتسو دون نے گول داغے، جبکہ جرمنی کے لیے واحد گول الکے گوینڈوگن نے کیا۔

جاپان اور جرمنی کے درمیان جب میچ شروع ہوا تو شروع سے ہی دلچسپ مقابلہ دیکھنے کو ملا۔ پانچویں منٹ میں جاپان کو کارنر کک ملی، لیکن اس موقع کو اسکور میں تبدیل نہیں کیا جا سکا۔ اس کے ٹھیک بعد جرمنی کے کھلاڑی کمیچ نے 14ویں منٹ میں گول کرنے کی ناکام کوشش کی۔ بعد ازاں 17ویں منٹ میں جرمنی کو پھر گول کرنے کا موقع ملا۔ لیکن پھر سے مایوسی ہاتھ لگی۔ 19ویں منٹ میں جاپان کے کوبو نے فاؤل کیا، اور پھر جرمنی نے بھی فاؤل کیا۔ جرمنی اس درمیان لگاتار جارحانہ کھیل کا مظاہرہ کر رہی تھی، اور اس کا فائدہ اسے 33ویں منٹ میں ملا جب گوین ڈوگن نے گول کر ٹیم کو 1-0 سے سبقت دلا دی۔

دوسرے ہاف میں جاپان نے برابری کرنے کی بھرپور کوشش کی، لیکن جرمنی نے ایک بار پھر 47ویں منٹ میں جارحانہ کھیل دکھاتے ہوئے گول کی ناکام کوشش کی۔ اس کے بعد 48ویں منٹ میں ٹیم نے فاؤل بھی کیا۔ اس کے بعد جاپان نے یکے بعد دیگرے گول کی کئی ناکام کوششیں کیں۔ یہ موقع 50ویں منٹ، 58ویں منٹ اور 61ویں منٹ میں بنا تھا۔ جاپان کو کامیابی 75ویں منٹ میں ملی جب رتسو نے گول داغ کر 1-1 کی برابری کروا دی۔

1-1 کی برابری ہوتے ہی کھیل دلچسپ مرحلے میں داخل ہو گیا۔ دونوں ٹیمیں اب سبقت بنانے کے لیے گول کی کوشش کرتی ہوئی دکھائی دیں۔ لیکن جلد ہی 83ویں منٹ میں جاپان کے لیے اسانو نے گول داغ دیا۔ اس طرح جاپان نے 1-2 سے سبقت بنا کر ٹورنامنٹ کے دوسرے الٹ پھیر کی طرف قدم بڑھا دیا۔ جرمنی نے آخر تک کوشش کی کہ اسکور برابر ہو جائے، لیکن جاپانی کھلاڑیوں نے ہر کوشش کو ناکام بنا دیا۔

ایک نظر اس پر بھی

فیفا ورلڈ کپ 2022: ارجنٹینا کی سپر 16 ریس میں واپسی

فیفا ورلڈ کپ 2022 جیتنے کے مضبوط دعویدار ارجنٹینا نے کپتان لیونل میسی کی بدولت میکسیکو کو 2-0 سے شکست دے کر سپر-16 میں پہنچنے کی اپنی امیدیں برقرار رکھیں۔ لوسیل اسٹیڈیم میں ہفتہ کو گروپ سی کے میچ میں میسی (64ویں منٹ) نے اپنی ٹیم کو برتری دلائی، جبکہ 87ویں منٹ میں میسی کی معاونت سے ...

فیفا ورلڈ کپ: سعودی عرب کو دوسرے میچ میں پولینڈ کے ہاتھوں شکست

فٹبال  ورلڈ کپ میں سعودی عرب اپنے دوسرے میچ میں پولینڈ کے ہاتھوں شکست کھا گیا۔قطر میں جاری ورلڈ کپ میں پولینڈ نے سعودی عرب کو 0-2 سے شکست دی۔ پولینڈ کے پیوٹر زیلنسکی نے 39 ویں اور روبرٹ نے82 ویں منٹ میں گول اسکورکیا۔

فیفا عالمی کپ 2022: ایران نے ویلس کو دی دو گول سے شکست ، جیت کے ساتھ ہی ایران کے حوصلے بلند، اگلے دور کے لئے امیدیں برقرار

قطر میں چل رہے فیفا عالمی کپ میں ایران نے ایک سنسنی خیز مقابلے میں ویلس کو صفر کے مقابلے میں دو گول سے ہرا دیا۔ اس جیت سے ایران  کی ٹیم نے انگلیند کے ہاتھوں ہوئی  ہار سے فٹبال شائقین میں اپنی عزت بحال کی ہے اور ایران اگلے دور کے لئے ہونے والی دوڑ میں ابھی بنا ہوا ہے۔

فیفا ورلڈکپ: میزبان قطر عالمی کپ سے باہر

 سب سے پہلے ٹورنامنٹ میں جگہ بنانے والا میزبان قطر عالمی کپ کی دوڑ سے باہر ہونے والا پہلا ملک بھی بن چکا ہے۔ سچ پوچھیں تو حیرت نہیں ہوئی کیونکہ قطر کا موازنہ دیگر ٹیموں سے کرنا بے وقوفی تھی۔

سعودی عرب کے فٹ بال کھلاڑی مالا مال، ارجنٹائن کو شکست دینے پر ملے گی رولز رائس

قطر کے لوسیل اسٹیڈیم میں دو بار کے فیفا ورلڈ کپ چیمپئن ارجنٹائن کے خلاف سعودی عرب کی جیت کو   فٹبال کی دینا میں سب سے بڑے سرپرائز کے طور پر دیکھا  جا رہا ہے۔ بہت سے لوگوں نے ارجنٹائن کی شکست کو ورلڈ کپ کی تاریخ کا سب سے بڑا الٹ پھیر قرار دیا ہے۔