نئی دہلی 13/اپریل (ایس او نیوز) اسرائیل اور ایران کے درمیان جاری کشیدگی  اور  آبنائے ہرمز کے قریب  اسرائیل پر ایرانی حملے کے بڑھتے  خدشات کے درمیان ایرانی فوج  نے  ایک اسرائیلی کارگو  جہاز پر قبضہ کر لیا  جس میں 17 ہندوستانی شہری بھی شامل ہیں۔ میڈیا رپورٹوں کے مطابق  معاملہ سامنے آنے کے بعد  حکومت ہند الرٹ ہو گئی ہے اور ہندوستانی باشندوں کو رِہا کرانے کے لیے کوششیں تیز  کردی ہیں۔

رپورٹوں کے مطابق ہندوستانیوں کی رہائی کو  یقینی بنانے کے لیے  حکومت ہند ،ایران کے ساتھ رابطے میں ہے۔  ذرائع نے بتایا کہ ہندوستان نے کارگو جہاز 'ایم ایس سی ایریز' کے ہندوستانی عملے کی فلاح و بہبود اور جلد از جلد رہائی کو یقینی بنانے کے لیے تہران اور دہلی دونوں میں سفارتی ذرائع کے ذریعے کوششیں  کی جارہی ہے۔ 

ایرانی کارروائی 12 روز قبل یعنی یکم اپریل کو  شام میں ایرانی قونصل خانے پر حملے کے جواب میں اسرائیل پر حملہ کرنے کے خدشات کے درمیان سامنے آئی ہے جس میں دو جنرلوں سمیت پاسداران انقلاب کے سات اہلکار مارے گئے تھے۔  ایران نے  قونصل خانے پر  حملے کا الزام اسرائیل پر عائد کیا تھا۔

 دمشق میں ایرانی قونصل خانے پر حملے کے بعد مغربی ایشیا میں کشیدگی بڑھ  چکی ہے اور خبریں سامنے آرہی ہے کہ   ایران اس کا بدلہ لے   کر رہے گا۔ ایران کے  بدلہ لینے کے عزم کے بعد، تل ابیب سے میڈیا رپورٹس میں کہا گیا  ہے کہ اسرائیلی افواج  بھی  صورت حال سے نمٹنے کی تیاری کر رہی ہیں۔ ایسے میں امریکی صدر جو بائیڈن نے   ایران کو متنبہ کراتے ہوئے کہا تھا کہ  "ہم اسرائیل کے دفاع کے لیے وقف ہیں۔ ہم اسرائیل کی حمایت کریں گے۔ اور ایران کے حملے کو کامیاب  ہونے نہیں دیں گے۔ جمعہ کو امریکی صدر جو بائیڈن نے  ایران  کوخبردار کیا تھا کہ وہ اسرائیل پر حملہ کرنے سے باز آجائے۔دوسری طرف ایران نے بھی عرب ملکوں کے ذریعے بائیدن انتظامیہ کو خبردار کیا ہے کہ  اسرائیل اور ایران کے درمیان لڑائی میں اگر امریکہ نے کسی بھی طرح کی  مداخلت کی تو   خطے میں موجود امریکی  اڈوں پر حملہ کیا جائے گا۔

 ایران اور اسرائیل کے درمیان جاری کشیدگی کو دیکھتے ہوئے  ہندوستان نے جمعہ کو اپنے شہریوں سے کہا تھا کہ وہ ایران اور اسرائیل کا سفر نہ کریں۔مگر اس بیج ہفتہ کو   اسرائیلی ملکیت والے جہاز پرایرانی فوج کے ذریعے  قبضہ کی خبر سامنے آٓنے کے بعد   معاملہ سنگین رُخ اختیار کرنے کا  خدشہ بڑھ گیا ہے۔

Iran seizes ship linked to Israel with 17 Indian crew; Delhi engages in release negotiations