بریکنگ نیوز

نیوزی لینڈ سے شکست کے بعد ہندوستان ہاکی عالمی کپ سے باہر

Source: S.O. News Service | Published on 23rd January 2023, 1:18 PM | اسپورٹس |

بھونیشور، 23؍جنوری (ایس او نیوز؍ایجنسی)  نیوزی لینڈ نے ایک سنسنی خیز مقابلے میں میزبان ہندوستان کو شوٹ آؤٹ  میں 5-4 سے شکست دے کر ایف آئی ایچ مردوں کے ہاکی عالمی کپ 2023 سے ہندوستان کو باہر کر دیا ۔

کلنگا اسٹیڈیم میں کھیلے گئے میچ میں ہندوستان کی جانب سے للت کمار اپادھیائےنے17ویںمنٹ میں ، سکھجیت سنگھ نے24ویں منٹ میں  اور ورون کمار نے40ویں منٹ میں گول کئے۔ نیوزی لینڈ کے گول سیم لیننے28ویںمنٹ میں، رسل کین نے43ویں منٹ میں  اور شان فائنڈلے نے49ویں منٹ میں گول  کئے۔ فل ٹائم میں برابری کی وجہ سے دونوں ٹیموں کے درمیان شوٹ آؤٹ مقابلہ ہوا اور  شوٹ آؤٹ میں ہندوستان کی جانب سے ہرمن پریت سنگھ اور سکھجیت سنگھ نے ایک ایک گول کیا جبکہ راج کمار پال نے دو گول کئے۔ نیوزی لینڈ کی جانب سے نک ووڈز، فلپس ہیڈن اور سیم لین نے ایک ایک گول اسکور کیا، جبکہ فائنڈلے نے دو گول کرکے کیویز کی جیت پر مہر ثبت کی۔

اس جیت کے ساتھ ہی نیوزی لینڈ نے بیلجیئم کے خلاف کوارٹر فائنل میں جگہ بنالی ہے۔ میزبان ہندوستان کوارٹر فائنل کے لیے مقابلہ سے باہر ہے اور اب اس کا مقابلہ 26 جنوری کو 9ویں سے 16ویں پوزیشن کے میچوں میں جاپان سے ہوگا۔

دنیا میں 12 ویں نمبر پر موجود نیوزی لینڈ کی ٹیم نے پہلی سیٹی بجتے ہی اچھی ہاکی کھیلی اور پہلے کوارٹر میں دونوں ٹیموں  کے درمیان سخت مقابلہ دیکھنے کو ملا۔ ہندوستان نے 12ویں منٹ میں پنالٹی کارنر بھی حاصل کیا لیکن 17ویں منٹ میں للت کے فیلڈ گول کے ذریعے پہلی کامیابی حاصل کی۔

میزبان ٹیم نے 21ویں منٹ  سے 24ویں منٹ تک تین پنالٹی کارنر گنوائے لیکن سکھجیت نے 24ویں منٹ میں پنالٹی کارنر کو گول میں بدل کر ہندوستان کی برتری کو دگنا کردیا۔ سیم لین نے ہاف ٹائم سے ٹھیک پہلے گول کر کے ہندوستان کی برتری کم کر دی۔

دوسرے ہاف کے آغاز سے قبل کوچ گراہم ریڈ نے کہا کہ ہندوستان کو آگے بڑھ کر حملہ آور ہاکی کھیلنے کی ضرورت ہے۔ تیسرے کوارٹر میں ہندوستان نے بھی حملہ آور کھیل کا مظاہرہ کیا لیکن وہ پنالٹی کارنر پر جدوجہد کرتے نظر آئے۔ ہندوستان نے اس کوارٹر میں پانچ پنالٹی کارنر حاصل کیے جن میں سے صرف ایک کو وہ گوہل میں تبدیل کرسکا۔ دوسری جانب نیوزی لینڈ نے 43ویں منٹ میں پنالٹی کارنر پر گول کیا۔

تیسرے کوارٹر میں آخری لمحات میں کئے گئے گول نے نیوزی لینڈ کو اعتماد دیا اور ہندوستان پر پوری طرح غلبہ حاصل کر لیا۔ فنڈلے نے 49ویں منٹ میں پنالٹی کارنر سے گول کر کے برابر کر دیا، جبکہ ہندوستان 52ویں اور 53ویں منٹ میں پی سی پر کوئی گول نہیں کر سکا۔ گول کیپر کرشنا پاٹھک نے 54 ویں اور 60 ویں منٹ میں سیم ہیہ اور سائمن چائلڈ کے گول پر مہلک حملوں کو بے اثر کیا اور میچ شوٹ آؤٹ میں پہنچ گیا۔

شوٹ آؤٹ میں پہلی پانچ کوششیں دونوں ٹیموں کے لیے 3-3 سے برابر رہیں۔ چھٹی کوشش میں فئنڈلے نے نیوزی لینڈ کے لیے گول کیا جبکہ راج کمار نے انڈیا کے لیے گول کیا۔ فلپس ہیڈن اور سکھجیت سنگھ دونوں ساتویں کوشش میں چوک گئے۔ نیوزی لینڈ کے لیے سیم لین نے آٹھویں کوشش میں گول کیا، جبکہ شمشیر سنگھ گول کیپر ڈومینک ڈکسن کو پار نہیں کر سکے اور ہندوستان ایک گول کے فرق سے میچ میں شکست کھانے کے بعد ورلڈ کپ سے باہر ہو گیا۔

ایک نظر اس پر بھی

نیوزی لینڈ نے پہلے ٹی-20 میں ہندوستان کو 21رنوں سے شکست دے دی

ہندوستان اور نیوزی لینڈ کے درمیان ٹی-20 سیریز کا پہلا میچ رانچی میں کھیلا گیا، جس میں نیوزی لینڈ نے 21 رنوں سے جیت حاصل کی۔ واشنگٹن سندر نے ہندوستان کے لیے آل راؤنڈ کارکردگی کا مظاہرہ کیا لیکن وہ ٹیم انڈیا کو جیت سے ہم کنار نہیں کرا سکے۔ طوفانی نصف سنچری بنانے کے علاوہ سندر نے 2 ...

محمد سراج وَنڈے رینکنگ میں بنے دنیا کے نمبر 1 گیند باز

ہندوستان کے تیز گیندباز محمد سراج نے وَنڈے کرکٹ میں دنیا کے نمبر 1 گیندباز ہونے کا تمغہ حاصل کر لیا ہے۔ آئی سی سی کی تازہ وَنڈے رینکنگ منظر عام پر آنے کے بعد ہندوستانی کرکٹ شیدائیوں میں خوشی کی لہر دوڑ گئی ہے، کیونکہ عرصہ بعد وَنڈے کرکٹ میں کسی ہندوستانی گیندباز نے نمبر ایک کی ...

ہندوستان نے نیوزی لینڈ کو کلین سویپ کرکے ونڈے میں نمبر ایک مقام حاصل کرلیا

  ہندوستان نے کپتان روہت شرما (101) اور شبھمن گل (112) کی شاندار سنچریوں کی بدولت منگل کو تیسرے اور آخری ون ڈے میں نیوزی لینڈ کو 90 رن سے شکست دے کر ون ڈے سیریز 3-0سے جیت لی۔ ہندوستان نے پہلے بیٹنگ کرتے ہوئے 50 اووروں میں نو وکٹوں کے نقصان پر 385 رن بنائے۔ جواب میں نیوزی لینڈ کی پوری ٹیم 41.2 ...