بریکنگ نیوز

گجرات فساد پر بی بی سی کی دستاویزی فلم پر پابندی بی جے پی کی بوکھلاہٹ کامظہر:رحمن خان

Source: S.O. News Service | Published on 23rd January 2023, 11:34 AM | ریاستی خبریں | ملکی خبریں |

بنگلورو، 23؍ جنوری (ایس او نیوز؍ایجنسی) 2002 کے گجرات فسادات میں موجودہ وزیراعظم نریندرمودی کے رول پر مشتمل بی بی سی کی طرف سے تیار کی گئی ایک دستاویزی فلم اور اس سے جڑے سوشیل میڈیا مواد پر حکومت ہند کی طرف سے پابندی لگانے کے اقدام پر اپنا رد عمل ظاہر کرتے ہوئے سابق مرکزی وزیر اورسینئر کانگریس رہنما ڈاکٹر کے رحمن خان نے کہا ہے کہ اس اقدام سے صاف ظاہر ہوتا ہے کہ اس ملک میں جمہوریت کس قدر خطرے میں ہے- یہ بھی ثابت ہوتا ہے کہ اس فلم کے سامنے آنے سے حکمران پارٹی کس حد تک بوکھلاہٹ کا شکار ہوچکی ہے-

نمائندے سے خصوصی گفتگو کے دوران انہوں نے کہاکہ جیسے ہی عالمی درجے کے خبر رساں ادارے بی بی سی کی طرف سے تقریباً ایک گھنٹے پر مشتمل یہ دستاویزی فلم منظر عام پر آئی جس طرح ملک کی برسراقتدار سیاسی پارٹی چراغ پا نظر آرہی ہے، اس سے صاف ظاہر ہوتا ہے کہ گجرات فسادات سے متعلق اس دستاویزی فلم میں جو دکھایا گیا ہے وہ ممکن ہے سچ ہو-

ڈاکٹر رحمن خان نے کہا کہ انہوں نے یہ فلم نہیں دیکھی ہے، صرف خبروں میں اس کے بارے میں جانکاری ملی ہے - لیکن جس طرح کا ردعمل مرکزی حکومت کی طرف سے ظاہر کیا جارہا ہے، اس سے عالمی سطح پر ہندوستان کی شبیہ مجروح ہوگی- انہوں نے کہاکہ ہندوستان میں اس فلم اوراس سے جڑے سوشیل میڈیا کے مواد پر پابندی لگادینے سے کیا ساری دنیا اسے نہیں دیکھ سکے گی اور کیا سچائی کو سامنے آنے سے روکا جاسکتا ہے -اس سوال پر کہ کیا اس فلم پر پابندی آزادیئ اظہار کے حق پر حملہ نہیں ہے، ڈاکٹر رحمن خان نے کہاکہ اس ملک میں کس موضوع پر آزادیئ اظہار کا حق مجروح نہیں ہورہا ہے،پہلے یہ طے ہوجانا چاہئے -کہیں راست اورکہیں درپردہ، یہ کوشش مسلسل ہوتی رہی ہے کہ آزادیئ اظہار پر حملہ کیا جائے، اسی سلسلے کی یہ ایک کڑی ہے -

کانگریس رہنما راہل گاندھی کی طرف سے جاری ”بھارت جوڑو یاترا“ کو روک دینے کیلئے مرکز میں حکمران پارٹی کے بعض حلقوں کی کوششوں کے بارے میں ایک سوال کے جواب میں ڈاکٹر رحمن خان نے کہاکہ راہل گاندھی نے جب بھارت جوڑو یاترا کنیاکماری سے شروع کی تھی تو پہلے ہی کلو میٹر پر ان کو روکنے کی کوشش کی گئی اوریاترا کے ہر مرحلے پر ان کو کسی نہ کسی طرح سے ستایا گیا، اس کے باوجود کافی دلیری سے راہل گاندھی نے اپنی یاترا کے 3000 کلو میٹر کا سفر پورا کرلیا ہے -ملک کے عوام کو راہل گاندھی نے جو پیغام دینا تھا وہ دے چکے ہیں، اب روک کر کیا کریں گے -

کرناٹک اسمبلی انتخابات میں کانگریس کے امکانات سے متعلق ایک سوال پر انہوں نے کہاکہ بحیثیت کانگریسی ان کی یہی خواہش ہے کہ پارٹی پوری اکثریت کے ساتھ برسراقتدار آئے- اس کے علاوہ حیدرآباد کی ایک غیرجانبدار ایجنسی کا تازہ سروے اس بات کی طرف اشارہ کرتا ہے کہ کرناٹک میں کانگریس کو اکثریت مل رہی ہے، اس سے خوش آئند بات اور کیا ہوسکتی ہے -

ایک نظر اس پر بھی

کرناٹکا اردو چلڈرنس اکادمی کا یادگار مشاعرہ

سہ روزہ جشن اطفال کی اگلی کڑی کل ہند مشاعرہ ۲۶؍جنوری ۲۰۲۳ء؁ کی شب میں منعقد ہوا۔ لطف کی بات یہ ہوئی کہ مشاعرے کے باضابطہ آغاز سے پہلے ایک افتتاحی نشست ہوئی جس میں پروفیسر ارتضیٰ کریم، پروفیسر اعجاز علی ارشد، پروفیسر دبیر احمد، پروفیسر مشتاق عالم قادری، ڈاکٹر مشتاق حیدر، ...

مینگلور: منشیات کے استعمال کے کیس میں میڈیکل کالج سے وابستہ 13 ملزم کو عدالت سے ملی ضمانت

میڈیکل کالجوں سے وابستہ جن ڈاکٹروں اور طلبہ کو سٹی پولیس نے گانجہ نوشی / فروشی کے الزام میں گرفتار کیا تھا ان میں سے 13 ملزمین کو پرنسپل ڈسٹرکٹ اینڈ سیشنس جج اور این ڈی پی ایس ایکٹ میں گرفتار کیے گئے ملزمین کے لئے خصوصی جج راگھویندرا ایم جوشی نے ضمانت پر رہا کرنے کا حکم سنایا  ہے۔

منڈیا میں گو بیک آراشوک: بی جے پی کارکنان کی برہمی میں ہورہا ہے اضافہ

ریاست کرناٹک میں اسمبلی انتخابات کے دن جیسے جیسے قریب آرہےہیں، بی جے پی کے اندر ہی کارکنان میں بی جے کے ارکان اسمبلی اور وزراء کے خلاف ناراضگی میں اضافہ دیکھا جارہا ہے۔ تازہ واردات منڈیا میں پیش آئی جہاں کابینی وزیر آراشوک کے خلاف گو بیک کی تحریریں دیکھی گئی ہیں۔ میڈیا میں ...

کرناٹک کے وزیراعلیٰ بومئی نے مسلمانوں کے تعلق سے کہا؛ بی جے پی کے اتنے برے دن نہیں کہ مسلمانوں کی خوشامد کرے

وزیر اعلیٰ بسواراج بومئی نے مسلمانوں کے تئیں اپنے تعصب کا ایک بار پھر کھل کر اظہار کرتے ہوئے کہا ہے کہ بی جے پی کو مسلمانوں کی خوشامد کرنے کی کوئی ضرورت نہیں - مسلمانوں کو سرپر بٹھا کر ناچنے کا کام کانگریس کر رہی ہے وہ چاہے تو اس کام کو جاری رکھے، بی جے پی یہ سب کرنے والی نہیں -

گھرسے ماں اور  اس کے دوبچوں کی جلی ہوئی نعشیں برآمد : بیوی ، بیٹا اور بیٹی ہلاک

ریاست تمل ناڈو کے کُنّم کولم کے پنّیتا ڈمنلی میں ماں اور اس کے دو بچوں کی  گھر میں نعشیں پائی گئیں ۔ صبح سویرے  نعشیں جلی ہوئی  حالت میں پتہ چلیں۔ مہلوکین کی شناخت حارث کی بیوی شفینہ ، تین سالہ اجوہ اور ڈیڑھ سالہ امن کے طورپر کی گئی ہے۔ واقعے کے وقت گھر میں صرف حارث کی ماں ہونے کی ...

دہلی میں بی بی سی دفتر کے سامنے ہندو سینا کا احتجاج

ہندوسینا کارکنوں نے نئی دہلی میں کستورباگاندھی مارگ پر واقع بی بی سی دفتر کے سامنے پلے کارڈس رکھے۔ وہ 2002ء کے گجرات فسادات پر بی بی سی سیریز کے خلاف احتجاج کررہے تھے۔بی بی سی کا صدر دفتر برطانیہ میں ہے۔

بینک ملازمین کی 30 اور 31 جنوری کی ہڑتال ملتوی

 یونائیٹڈ فورم آف بینک یونینز (یو ایف بی یو) نے ممبئی میں ہونے والی مفاہمت کی میٹنگ میں طے پانے والے معاہدے کے بعد 30 اور31 جنوری کو ہونے والی دو روزہ ملک گیر بینک ہڑتال کو ملتوی کر دیا ہے۔

کانگریس کے سینئر رہنما  رندیپ سنگھ سرجے والا کا بی جے پی پر حملہ، کہا؛ ملک میں نہ نفرت چلے گی نہ تقسیم

کانگریس کے سینئر رہنما  رندیپ سنگھ سرجے والا نے کہا کہ وزیر اعظم مودی اپنے دل  کے چور کو دیکھیں، تب انہیں پتہ چلے گا کہ ملک میں نفرت کون پھیلا رہا ہے اور  ملک کو تقسیم کون کر رہا ہے۔

بھارت جوڑو یاترا اپنے آخری پڑاؤ پر،پلوامہ پہنچ گئی

بھارت جوڑو یاترا  جو کشمیر میں اپنے آخری پڑائو میں پلوامہ پہنچ گئی ہے سنیچر کو دوبارہ شروع ہوئی۔ کانگریس کے رکن پارلیمنٹ راہل گاندھی نے اونتی پورہ سے  یاترا کا آغاز کیا۔ اس دوران پی ڈی پی سربراہ محبوبہ مفتی  اور پرینکا گاندھی بھی یاترا میں شامل  ہوئیں۔ یاترا کے دوران راہل ...