مینگلور: دکشن کنڑا میں بی جے پی کو شکست دینے کے لئے انڈیا بلاک کا عوامی اجلاس

Source: S.O. News Service | Published on 17th April 2024, 11:26 AM | ساحلی خبریں |

منگلورو 16/ اپریل (ایس او نیوز) دکشن کنڑا میں فرقہ وارانہ سیاست اور بد عنوانیاں ختم کرکے ضلع کی ترقی کی راہ ہموار کرنے کے مقصد آئی این ڈی اے (انڈیا) بلاک کے لیڈروں نے شہر کے ٹاون ہال میں ایک زبردست عوامی اجلاس منعقد کیا۔

 اس موقع پر خطاب کرتے ہوئے ڈی وائی ایف آئی / سی پی آئی ایم کے سیکریٹری منیر کاٹیپلا نے کہا کہ آج کے اس اجلاس میں انڈیا بلاک کی حمایت کرنے کے لئے کانگریس پارٹی کے علاوہ مختلف تنظیموں کے لیڈروں نے شرکت کی ہے ۔ دکشن کنڑا میں جے ڈی ایس نے بی جے پی کی حمایت نہ کرنے کا فیصلہ کیا ہے اور جے ڈی ایس لیڈر نذیر الال آج ہمارے ساتھ شامل ہوگئے ہیں ۔ 

 انہوں نے کہا کہ اگر بی جے پی کا انتخابی منشور (مینیفسٹو) ملاحظہ کریں تو اس میں رام مندر اور آرٹیکل 370 کی ہی بات کی جا رہی ہے جبکہ دو کروڑ نوکریاں دینے جیسے سابقہ منشور کے وعدوں کو پورا کرنے کے سلسلے میں کوئی بات نہیں ہے ۔ وزیر اعظم نے اپنے روڈ شو کے موقع پر کوئی تقریر نہیں کی ۔ نارائن گرو کے جنم دن کو عوامی تعطیلات کی فہرست سے منسوخ کرنے کے سلسلے میں کوئی معذرت نہیں کی ۔ 

 وزیر نریندرا مودی نے سویس بینکوں میں جمع کالا دھن واپس لانے، ڈالر کے مقابلے میں انڈین کرنسی کی قیمت بڑھانے کرپشن ختم کرنے جیسے وعدے کیے تھے ۔ مگر ان میں سے کوئی ایک وعدہ بھی پورا نہیں ہوا ۔ اس کے برعکس سونا، پٹرول، ڈیزل اور رسوئی گیس کی قیمت میں بے پناہ اضافہ ہوا ہے ۔ ریفل ایئر کرافٹ سے لے کر الیکشن بانڈس تک بی جے پی کرپشن میں ڈوبی ہوئی ہے ۔ بی جے پی حکومت سے صرف آدانی اور امبانی کا ہی فائدہ ہوا ہے ۔

 منیر نے کہا کہ کرپشن ختم کرنے کا دعویٰ کرنے والی بی جے پی نے اجیت پوار جیسے لیڈروں کو اپنے ساتھ ملایا ہے جس سے اس کے دعوے پر شک ہوتا ہے ۔

 اس اجلاس میں انڈیا بلاک کی طرف سے عوام کے نام ایک اپیل جاری کی گئی جس میں کہا گیا ہے کہ ضلع دکشن کنڑا میں گزشتہ 33 سال سے بی جے پی کے رکن پارلیمان رہنے کے باوجود یہاں کوئی ترقی نہیں ہوئی ہے ۔ لہذا دیش کے دستور کو بچانے ، ملک کا مستقبل محفوظ رکھنے کے لئے اس لوک سبھا الیکشن میں بی جے پی کو شکست دینا انتہائی ضروری ہے ۔ اسی کے ساتھ ضلع میں بی جے پی امیدوار کو شکست دیتے ہوئے انڈیا بلاک کے امیدوار کی جیت کی یقینی بنایا جائے ۔ اس کے لئے عوامی مفاد کے لئے کام کرنے والی تنظیموں، نوجوانوں، دلتوں، کسانوں، خواتین ، آدی واسیوں اور اقلیتوں کو متحد ہو کر کام کرنا ہوگا اور ہر حال میں بی جے پی کی شکست کو یقینی بنانا ہوگا ۔ 

ایک نظر اس پر بھی

کمٹہ کے تدڑی میں سیاحوں کی کشتی ڈوبنے کا معاملہ : محکمہ ٹورازم کی کارروائی - 21 ٹورسٹ بوٹس کا لائسنس منسوخ

تعلقہ کے تدڑی موڈنگی میں سیاحوں کی کشتی ڈوبنے کا جو معاملہ پیش آیا تھا اس پر محکمہ سیاحت کی طرف سے کارروائی کی گئی اور غیر قانونی طور پر یا لائسنس کی تاریخ ختم ہونے کے باوجود چلائی جا رہی ٹورسٹ بوٹس کے اجازت نامے عبوری طور پر منسوخ کر دئے گئے۔ 

مرڈیشور بستی مکّی میں جنگلاتی زمین پر قبضہ - وزیر منکال وئیدیا پر اٹھ رہی ہیں انگلیاں - محکمہ جنگلات نے لگائی روک

مرڈیشور بستی مکّی میں موجود اتر کنڑا ضلع انچارج وزیر منکال وئیدیا کی صدارت میں چل رہے بینا وئیدیا اسکول سے متصل جنگلاتی زمین پر ناجائز قبضے کی کوشش کے بعد محکمہ جنگلات نے مداخلت کرتے ہوئے وہاں چل رہی کھدائی اور صفائی کے کام پر روک لگا دی ہے ، مگر اس ناجائز قبضے کے معاملے میں ...

ادیب و شاعر نفرت کی آگ کو گلزار بنانے کا کام کریں: بھٹکل میں منعقدہ شعری نشست میں سالک ندوی ‌کا‌اظہار خیال

وطن عزیز ان دنوں انتہائی اہم دور سے گزر رہا ہے۔ایک طرف تہذیبی جارحیت نے ان ہنگاموں کو نہایت سنگین بنا دیا ہے تو دوسری طرف فرقہ پرستی، تنگ نظری،لسانی عصبیتیں، اور طبقاتی کشمکش عروج پر ہے اور بے چہرگی کی بھیڑ میں انسانوں کا وجود ہی گم ہو گیا ہے۔

سرسی : کار خریدی کے نام پر بینکوں کو دھوکہ دینے کے الزام تین افراد پر کیس درج 

کار خریدی کے نام پر بینک کو دھوکہ دینے اور نقلی دستاویزات کے ذریعے لاکھوں روپے قرضہ حاصل کرنے کے الزام میں رویش ہیگڑے، وینکٹرمنا گجانن ہیگڑے اور منی کنٹا چندرا شیکھر نائک کے خلاف کیس درج کیا گیا ہے ۔

بیلتنگڈی : پتھروں کی غیر قانونی کھدائی کے خلاف پولیس کی کارروائی - پولیس کو دھمکی دینے پر رکن اسمبلی ہریش پونجا دی پر درج ہوئی ایف آئی آر

غیر قانونی طور پر پتھروں کی کھدائی کرنے والوں کے خلاف پولیس نے اقدام کرتے ہوئے اس معاملے میں ملوث بی جے پی یووا مورچہ کے صدر ششی راج شیٹی کو جب گرفتار کیا تو ایم ایل اے ہریش پونجا نے خود پولیس اسٹیشن پہنچ کر پولیس کے ساتھ بدتمیزی سے پیش آنے کے علاوہ انہیں دھمکیاں دی تھی ۔ اس پر ...