سابق وزیراعلیٰ ایچ ڈی کمار سوامی نے بارش سے متاثرہ علاقوں کا دورہ کیا

Source: S.O. News Service | Published on 29th August 2022, 12:23 PM | ریاستی خبریں |

بنگلورو، 29؍اگست(ایس او نیوز)تعلقہ بھر میں گزشتہ جمعہ کوہوئی زور دار بار ش سے ہوئی فصلوں کی تباہی کے بارے میں ڈپٹی کمشنر سمیت مختلف محکموں کے ضلعی افسروں کے ساتھ بات چیت کی گئی ہے اور بارش کی تباہی سے مشکل کا سامنا کر رہے متاثرین کیلئے فوری 10ہزار روپئے کا معاوضہ فراہم کرنے کی ہدایت دی گئی ہے۔یہ بات سابق وزیراعلیٰ ایچ ڈی کمار سوامی نے کہی۔

انہوں نے یہاں بارش کی تباہیوں کا جائزہ لینے کے بعد کہاکہ متاثرین کو آج ہی فور ی 10ہزار روپئے کا معاوضہ دئے جانے کی ہدایت دی گئی ہے،اس کے علاوہ تفصیلی جائزہ لینے کے بعد بکریوں،مرغیوں،فصلوں اور دیگر نقصانات کیلئے بھی معاوضہ فراہم کرنے کی ہدایت دی گئی ہے۔حکومت کی طر ف سے دئے جانے والے معاوضے سے متاثرین کا کوئی فائد ہ نہیں ہوگا،حکومت کی طرف سے دئے جانے والے معاوضے کے ساتھ جے ڈی ایس پارٹی کی طرف سے بھی معاوضہ کی فراہمی کیلئے ضروری اقدامات کئے جائیں گے۔کولور کے گاندھی گرام،تٹامارنہلی سمیت دیگر مقامات پر فوڈ کٹس تقسیم کئے جانے کی بھی ہدایت دی گئی ہے۔

کمارسوامی نے بتایاکہ پچھلی بار بھی بارش کے متاثرین کو ان کی اور پارٹی کی طرف سے 15تا 20 لاکھ روپئے کا معاوضہ فراہم کیاگیاتھا۔شہر کے راستوں پر بھی پانی جمع ہوگیاہے اور کئی سڑکیں تباہ ہوچکیں،محکمہ تعمیرات عامہ اور سٹی منسپل کونسل کے افسروں کو ہدایت دی گئی ہے کہ مستقل حل ڈھونڈنکالنے کیلئے فوری اقدامات کئے جائیں۔ بیڑی کالونی،تٹامارنہلی،گاندھی گراما سمیت مختلف علاقوں میں بڑے پیمانے پر نقصان ہونے کے بارے میں بھی اطلاع ملی ہے۔گاندھی گراما میں پیش آئے حادثے کیلئے بنگلور -میسور ہائی و ئے کا تعمیری کام غیرتکنیکی ہوناہی اہم سبب ہے۔ پچھلی بار بھی اس معاملے میں افسرو ں کو آڑے ہاتھ لیاگیاتھا اور مستقل حل ڈھونڈ نکالنے کی ہدایت دی گئی تھی۔کمارسوامی نے شہر کے پیٹے چیرے،بیڑی کالونی،منگلوار پیٹ،لالا گٹہ،تٹامارنہلی،کولور کے گاندھی گرام کا دورہ کرکے بارش سے ہوئی تباہی کا جائزہ لیا۔

اس موقع پر ستی منسپل کونسل کے صدر پرشانت،اسٹانڈنگ کمیٹی کے چیرمین منجوناتھ،تحصیلدار سدرشن،جے ڈی ایس کے تعلقہ صدر ایچ سی جئے متو،منسپل کونسلر رفیق،ناگیش،ستیش بابو اور دیگر موجود تھے۔

ایک نظر اس پر بھی

پاکستان زندہ با د نعرہ کا معاملہ؛ بی جے پی شکست کی مایوسی میں توڑ مروڑ کر پیش کر رہی ہے: ڈی کے شیو کمار

ریاستی نائب وزیر اعلیٰ ڈی کے شیو کمار نے کہا کہ ودھان سودھا میں کسی نے پاکستان زندہ باد کا نعرہ نہیں لگایا۔ اگر وہ پاکستان کی حمایت میں نعرہ بازی کرتے ہوئے چیختے ہیں تو پولیس انہیں لات مار کر اندر ڈال دے گی۔

سائنسی طور پر تصدیق ہوئی تو مجرم کے خلاف قانونی کارروائی کی جائے گی، پاکستان ، یانصیرصاب زندہ باد: ایف ایس ایل سے تحقیق: پرمیشور

ریاستی وزیر داخلہ جی پرمیشور نے کہا کہ ودھان سودھا میں پاکستان زندہ بعد نعرہ بازی کے معاملہ میں پولیس نے از خود شکایت درج کرتے ہوئے کارروائی کی ہے۔ایف ایس ایل کی جانب سے سائنسی بنیاد پر تفتیش کی جارہی ہے۔

ملک کے نازک حالات میں مسلمان پاکستان زندہ کا نعرہ لگانے کی جرأت نہیں کرسکتا!یہ سب گودی میڈیا کی کارستانی ہے،دونوں ایوانوں میں ہنگامے

راجیہ سبھا انتخاب کا نتیجہ ظاہر ہونے کے بعد و دھان سودھا کے لاؤنج میں راجیہ سبھا کے لئے منتخب ہونے والے کانگریس امیدوار ڈاکٹر سید نصیر حسین کے حامیوں نے جشن منایا۔

یلاپور ایم ایل اے ہیبار نے دیا بی جے پی کو شاک ؛ کیا ہیبّار کانگریس میں شامل ہوں گے ؟

پچھلے کچھ دنوں سے یلاپور حلقہ کے ایم ایل اے شیو رام ہیبار کے تعلق سے افواہیں چل رہی تھیں کہ وہ بی جے پی سے واپس کانگریس میں لوٹنے کے لئے پر تول رہے ہیں ۔ اب شیورام ہیبار نے راجیہ سبھا کے لئے اراکین کے انتخاب کے موقع پر اسمبلی سے غیر حاضر رہتے ہوئے بی جے پی کو براہ راست شاک دے دیا ہے ...

ٹمکور ومیں سرجری کے بعد تین خواتین کی موت کا معاملہ ۔ گائنا کالوجسٹ سمیت تین افراد ملازمت سے برطرف

علاج میں کو تاہی کی پاداش میں محکمہ صحت کی کارروائی بروز منگل ایک گائنا کالوجسٹ اور عملے کے دو ارکان کو پاؤ گڑھ ٹاؤن کے ماں اور بچے کے اسپتال میں زیر علاج تین زچہ خواتین کی موت کے معاملہ میں ملازمت سے برخاست کرنے کا حکم دیا گیا۔