70 یرغمالیوں کی رہائی کے بدلے 5 روزہ جنگ بندی پر حماس کررہا ہے غور

Source: S.O. News Service | By I.G. Bhatkali | Published on 14th November 2023, 12:32 PM | عالمی خبریں |

غزہ 14/نومبر (ایس او نیوز)  فلسطینی مزاحمتی تنظیم حماس اس بات پر غور کررہا ہے کہ  70 یرغمالیوں کی رہائی کے بدلے 5 روزہ جنگ بندی  کی جائے جس کے دوران  غزہ پٹی کے علاقوں میں امدادی سامان پہنچایا جاسکے۔

عرب میڈیا  کے مطابق حماس کے مسلح ونگ القسام بریگیڈ کے ترجمان ابو عبیدہ  نے ایک آڈیو بیان جاری کرتے ہوئے قطری ثالثوں سے کہا  ہے کہ  ہم 5 روز کی جنگ بندی کے بدلے میں 70 یرغمالی خواتین اوربچوں کو رہا کرنے کو تیار ہیں، لیکن  معاہدے کے تحت مکمل جنگ بندی ہونی چاہیے اور امدادی سامان غزہ کی پٹی کے تمام علاقوں تک پہنچانے کی چھوٹ ملنی چاہئے۔ 

البتہ واشنگٹن پوسٹ میں شائع ایک رپورٹ کے مطابق   اسرائیل،   یرغمال بنائے گئے  100  اسرائیلی خواتین اور بچوں کی رہائی چاہتا ہے لیکن حماس نے 70 خواتین اور بچوں کو رہاکرنے کا عندیہ دیا ہے۔  رپورٹ کے مطابق  اسرائیلی خواتین اور بچوں  کی رہائی کے ساتھ ساتھ  اسرائیلی جیلوں میں قید فلسطینی خواتین اور نوجوانوں کو بھی  گروپوں میں رہا کیا جائے گا۔ واشنگٹن پوسٹ نے اسرائیلی اہلکار   کے   حوالے سے بتایا ہے کہ   معاہدے کے مطابق  پانچ دن کی عارضی جنگ بندی یرغمالیوں اور قیدیوں کے تبادلے کے ساتھ ہو گی۔

ایک نظر اس پر بھی