بھٹکل 12 فروری (ایس او نیوز)  اے۔جے ایس آر  .انٹرپرائزس کا فرنیچر، صوفہ سیٹ، الیکٹرانک آلات اور دیگر گھریلو اشیاء فروخت کرنے والے مشہور براون ووڈ آؤٹ لیٹ کا اتوار کو یہاں بس اسٹینڈ سے متصل واقع نو تعمیرشدہ ایس آر ایس کامپلیکس میں شاندار افتتاح عمل میں آیا۔

شری ناگایکشہ دھرم سنستھان بھٹکل  کے دھرم درشی رامداس پربھو نے چراغ جلا کرشوروم کا افتتاح کیا، جس کے بعد خطاب کرتے ہوئے انہوں نے کہا کہ اس شوروم کے افتتاح کے ساتھ ہی یہاں سوسے زائد لوگوں کوروزگارمل گیا ہے۔ انہوں نے کہا کہ اس شوروم سے بھٹکل والوں کو فائدہ ہوگا اوراگر باشعور گاہک اس شوروم سے فائدہ اُٹھائیں گے تو شوروم کا مقصد بھی پورا ہوگا۔

اُڈپی کینرا بینک ڈپٹی جنرل مینیجرشیبا سہاجن،نامدھاری سماج سنگھا کے صدر ارون نائک، بھٹکل تعلقہ اسپتال کی چیف میڈیکل آفسر ڈاکٹر سویتا کامتھ، مجلس اصلاح وتنظیم بھٹکل کے صدر عنایت اللہ شاہ بندری، اسپندنا چیری ٹیبل ٹرسٹ کے رکن شیوانند نائک، کینرا بینک کے سینئر منیجر جینت اڈیگا، نیترانی ایڈونچر مرڈیشور کے مالک گنیش ہری کانت، ایس آر ایس کامپلیکس کے مالک ویٹھل نائک، اے جے ایس آر انٹرپرائزس کے مالکان گریش، سنتوش، راجیش و دیگر کئی لوگ تقریب میں  موجود تھے۔