گرمی کی شدت! لو لگنے سے دنیا بھر میں ہر سال 1.53 لاکھ افراد کی ہوتی ہے موت، ہندوستان میں سب سے زیادہ ہلاکتیں

Source: S.O. News Service | Published on 15th May 2024, 7:43 PM | ملکی خبریں |

نئی دہلی، 15/مئی (ایس او نیوز /ایجنسی) ہندوستان کی کئی ریاستوں میں اس وقت شدید گرمی پڑ رہی ہے۔ دھول بھری گرم ہوا سے عوام پریشان ہیں اور ’لو‘ لگنے کے واقعات میں تیزی سے اضافہ ہوا ہے۔ اس درمیان ایک رپورٹ میں انکشاف ہوا ہے کہ دنیا بھر میں سالانہ 1.53 لاکھ سے زیادہ اموات لو لگنے کی وجہ سے ہوتی ہیں۔ 1990 کے بعد سے 30 سالوں کے اعداد و شمار کو پیش نظر رکھتے ہوئے کی گئی ایک تحقیق میں اس بات کا انکشاف ہوا ہے۔ تحقیقی رپورٹ کے مطابق دنیا بھر میں ہر سال 1.53 لاکھ سے زیادہ اموات ’ہیٹ ویو‘ (گرم ہوا) کی وجہ سے ہوتی ہیں۔ ان اموات میں پانچواں (20 فیصد) اور سب سے بڑا حصہ ہندوستان کا ہوتا ہے۔ یعنی لو لگنے کے واقعات میں ہونے والی اموات معاملہ میں ہندوستان کو دنیا میں پہلا مقام حاصل ہے۔

تحقیقی رپورٹ کے مطابق ہندوستان کے بعد چین اور روس کا نمبر آتا ہے۔ دنیا بھر میں ہیٹ ویو سے جڑی اموات میں چین کا حصہ جہاں تقریباً 14 فیصد ہے، وہیں روس کا تقریباً 8 فیصد ہے۔ موناش یونیورسٹی (آسٹریلیا) کی قیادت میں کی گئی اس تحقیق میں اخذ کیا گیا ہے کہ ہیٹ ویو سے جڑی بیشتر اموات گرمی سے متعلق سبھی اموات کا تقریباً ایک تہائی اور عالمی سطح پر مجموعی اموات کا ایک فیصد ہے۔

محققین کا یہ بھی کہنا ہے کہ ہر گرمیوں میں ہونے والی مجموعی طور پر 1.53 لاکھ اضافی اموات میں سے تقریباً نصف ایشیا سے تعلق رکھتی ہیں اور 30 فیصد سے زیادہ کا تعلق یوروپ سے ہے۔ یعنی صرف ایشیا میں ہی ہیٹ ویو سے جڑی اموات کی تعداد تقریباً 75 ہزار ہے، جبکہ یوروپ میں یہ تعداد 45 ہزار ہے۔

ایک نظر اس پر بھی

بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن ...

دہلی-این سی آر میں شدید گرمی کا سلسلہ جاری، درجہ حرارت 47 ڈگری سے متجاوز، محکمہ موسمیات نے جاری کیا الرٹ

دہلی شدید گرمی کی لپیٹ میں ہے اور آئی ایم ڈی نے جمعہ تک انتہائی درجہ حرارت کو لے کر ریڈ الرٹ جاری کیا ہے۔ گرمی اس حد تک تباہی مچا رہی ہے کہ پیر کو بھی دہلی کے کچھ حصوں میں درجہ حرارت 47 ڈگری سیلسیس کو پار کر گیا تھا۔ دریں اثنا، محکمہ موسمیات نے قومی راجدھانی میں گرمی کی لہر کے حالات ...

بی جے پی کیجریوال پر حملہ کرا سکتی ہے؛ عآپ رکن پارلیمنٹ سنجے سنگھ کا سنگین الزام

عآپ کے سینئر لیڈر اور راجیہ سبھا رکن سنجے سنگھ نے بی جے پی پر سنگین الزام عائد کرتے ہوئے کہا ہے کہ بی جے پی کیجریوال پر قاتلانہ حملہ کروانے کی سازش تیار کر رہی ہے۔ ان کا کہنا ہے کہ ’’کیجریوال کے جیل سے باہر آنے سے بی جے پی بوکھلائی ہوئی ہے۔ اب یہ لوگ کیجریوال پر قاتلانہ حملہ ...

کیجریوال کی خودسپردگی سے قبل ہی ای ڈی عدالت پہنچ گئی، عبوری ضمانت ختم ہوتے ہی حراست کا مطالبہ

 دہلی کے وزیر اعلی اروند کیجریوال کو سپریم کورٹ نے مبینہ دہلی آبکاری پالیسی گھوٹالہ سے متعلق منی لانڈرنگ کیس میں 10 مئی کو عبوری ضمانت دی تھی۔ انہیں 2 جون کو عدالت میں خودسپردگی کرنی ہے۔ مگر ان کی خودسپردگی سے قبل ہی ای ڈی انہیں حراست میں لینے کے لیے عدالت پہنچ گئی۔ ای ڈی ...