مقدمہ درج ہونے پر پپو یادو ہوئے سخت ناراض، کہا-سپریم کورٹ کی نگرانی میں کرائی جائے جانچ

Source: S.O. News Service | Published on 11th June 2024, 5:01 PM | ملکی خبریں |

پٹنہ، 11/ جون (ایس او نیوز /ایجنسی) بہار کے پورنیہ سے آزاد امیدوار کی حیثیت سے الیکشن لڑنے اور جیتنے والے پپو یادو کے خلاف الیکشن کا نتیجہ آنے کے محض 6 دن بعد ہی ایک مقدمہ درج ہو گیا ہے۔ پورنیہ کے ایک بڑے فرنیچر کاروباری نے پپو یادو پر ایک کروڑ روپے کا مطالبہ کرنے کا الزام لگایا ہے۔ پورنیہ پولیس کے مطابق فرنیچر تاجر نے اپنی شکایت میں کہا ہے کہ 4 جون کو ووٹوں کی گنتی کے دن پپو یادو نے اسے اپنے گھر بلایا تھا۔ تاجر جب پپو یادو کے گھر پہنچا تو انہوں نے اس سے ایک کروڑ روپے دینے کے لیے کہا۔

رپورٹ کے مطابق تاجر نے پولیس کو دی گئی اپنی شکایت میں کہا ، ’’پپو یادو نے نہ صرف رقم کا مطالبہ کیا تھا بلکہ اسے دھمکی بھی دی کہ اگر رقم نہیں ملی تو اسے قتل کر دیا جائے گا۔ اس کے علاوہ پپو یادو نے یہ بھی کہا کہ وہ اگلے پانچ سال کے لیے پورنیہ کے ایم پی بننے والے ہیں اور تب تک ان کا سامنا کرنا ہوگا۔‘‘

اس تاجر کی شکایت کے بعد پپو یادو اور ان کے قریبی ساتھی امت یادو کے خلاف مفصّل پولیس اسٹیشن میں مقدمہ درج کیا گیا ہے۔ فی الحال پولس اس معاملے کی تفتیش کر رہی ہے۔

مقدمہ درج ہونے کے بعد پپو یادو کا جواب بھی سامنے آگیا ہے۔ انہوں نے کہا ہے ملک کی سیاست میں میرے بڑھتے ہوئے اثر و رسوخ اور عام لوگوں کے بڑھتے ہوئے پیار اور تعاون سے پریشان لوگوں نے آج پورنیہ میں ایک گھناؤنی سازش رچی ہے۔ انہوں نے کہا ہے کہ افسران اور مخالفین کی اس سازش کو وہ پوری طرح بے نقاب کریں گے۔ انہوں سخت ناراضگی کا اظہار کرتے ہوئے کہا کہ سپریم کورٹ کی نگرانی میں غیر جانبدارانہ تحقیق کرائی جائے اور جو بھی قصوروار ہو اسے پھانسی دی جائے۔

واضح رہے کہ حالیہ انتخابات میں کامیابی کے بعد پپو یادو پہلی بار  دہلی پہنچے تھے، جہاں انہوں نے کانگریس کے قومی صدر ملکارجن کھڑگے اور جنرل سکریٹری پرینکا گاندھی سے ملاقات کی تھی۔ دراصل پپو یادو اس لوک سبھا الیکشن میں پورنیہ سے کانگریس کا ٹکٹ چاہتے تھے لیکن مہاگٹھ بندھن میں سیٹ شیئرنگ کے تحت پورنیہ سیٹ لالو پرساد یادو کی پارٹی آر جے ڈی کو مل گئی جس کی وجہ سے پپو یادو کو پورنیہ سے کانگریس سے ٹکٹ نہیں مل سکا۔

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...