عام انتخابات سے پہلے پاکستان کا بلوچستان مہلک دھماکوں سے لرز اٹھا؛دو دھماکوں میں 25 سے زائد لوگوں کی موت؛ کئی زخمی

Source: S.O. News Service | Published on 7th February 2024, 7:35 PM | عالمی خبریں |

کراچی 7 فروری (ایس او نیوز/ایجنسی)  پاکستان کے  بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر  ہوئے دھماکوں  میں  27  ا فراد جاں بحق اور 42 زخمی ہوگئے۔ جس میں بعض کی حالت نازک بتائی گئی ہے ۔

میڈیا رپورٹوں کے  مطابق  بلوچستان کے اضلاع پشین میں آزاد امیدوار اور قلعہ سیف اللہ میں جے یو آئی کے امیدوار کے انتخابی دفاتر کے باہر دھماکے ہوئے ہیں جن میں 24 افراد جاں بحق ہوئے جبکہ  42 سے زائد زخمی ہوئے ہیں۔

پہلا دھماکا پشین کے علاقے خانوزئی میں ہوا، جس میں 17 افراد جاں بحق اور 30 سے زائد زخمی ہو گئے۔ دھماکے کے بعد سکیورٹی فورسز نے علاقے کا محاصرہ کرلیا اور ریسکیو ٹیموں  نے جاں بحق افراد کی لاشوں اور زخمیوں کو اسپتال منتقل کیا۔ ابتدائی اطلاعات کے مطابق دھماکے کی نوعیت خودکش بتائی جاتی ہے۔

سماجی رابطوں کی ویب سائٹ ایکس (سابقہ ٹوئٹر) پر دھماکے کے بعد کی ویڈیو میں دیکھاگیا ہے  کہ بڑی تعداد میں موٹر سائیکلیں تباہ ہوئی ہیں جب کہ دھماکے کے وقت انتخابی دفتر کے قریب کافی لوگ موجود تھے، جس کی وجہ سے  ہلاکتوں اور زخمیوں کی تعداد میں اضافے کا خدشہ ہے۔

اسپتال ذرائع کا کہنا ہے کہ مزید زخمی بھی اسپتال لائے گئے ہیں، جس کے بعد تعداد 10 سے بڑھ کر 30 ہو گئی ہے۔

اسی طرح بلوچستان کے علاقے قلعہ سیف اللہ میں بھی دھماکا ہوا، جس میں 10 افراد جاں بحق اور 15 زخمی ہوگئے۔ پولیس کے مطابق یہ دھماکا جے یو آئی کے امیدوار مولانا عبدالواسع کے انتخابی دفتر کے باہر ہوا ہے، دھماکے کے وقت جمعیت کے امیدوار مولانا عبدالواسع دفتر میں موجود نہیں تھے۔

دھماکے کے بعد سیکیورٹی فورسز جائے وقوع پر  پہنچ گئیں اور علاقے کو گھیرے میں لے کر شواہد جمع کیے۔

ایک نظر اس پر بھی

کانگریس کے رہنما ششی تھرور کو فرانس کی جانب سے اعلیٰ ترین شہری ایوارڈ سے نوازا گیا

معروف مصنف اور سفارت کار سے سیاستدان بننے والے ششی تھرور کو منگل (20 فروری) کو فرانس میں اعلیٰ ترین شہری اعزاز سے نوازا گیا۔ تھرور کو فرانسیسی سفارت خانے میں منعقدہ ایک تقریب میں فرانسیسی سینیٹ کے صدر جیرارڈ لارچر نے اپنے باوقار اعزاز ’شیویلئر ڈے لا لیجیئن ڈی آنر‘ سے نوازا۔ ...

غزہ میں جنگ بندی کی قرارداد پھر نامنظور، امریکی ویٹو کی ہیٹ ٹرک مکمل

رہاست ہائے متحدہ امریکہ نے منگل کے روز ایک بار پھر غزہ میں جنگ بندی کی قرارداد کو ویٹو کیا ہے۔ العربیہ کی رپورٹ کے مطابق، جنگ بندی کے لیے پیش کی جانے والی قرارداد میں مطالبہ کیا گیا تھا کہ اسرائیل اور حماس کے درمیان انسانی بنیادوں پر فوری 'سیز فائر' کروایا جائے۔ الجزائر کی طرف ...

اسرائیل کی غزہ پر جارحیت جاری:مرنے والوں کی تعداد 28 ہزارسے بھی کرگئی تجاوز، گزشتہ 24 گھنٹوں میں 117فلسطینی شہید

اسرائیل کی غزہ پرجارحیت جاری ہے جس کے ساتھ ہی مرنے والوں کی تعداد 28 ہزار سے بھی تجاوز کرچکی ہے۔ الجزیرہ نے وزارت صحت کے حوالہ سے خبردی ہے کہ گذشتہ24 گھنٹوں میں  117فلسطینی شہید ہوگئے ہیں جبکہ 152 زخمی ہوئے ہیں۔

عمران خان اور بشریٰ بی بی کی شادی کو عدالت نے ’ناجائز‘ قرار دیا، سنائی 7-7 سال قید کی سزا

پاکستان کے سابق وزیر اعظم عمران خان کو آج پھر ایک بری خبر ملی۔ بشریٰ بی بی کے ساتھ ان کی شادی کو پاکستانی عدالت نے ناجائز یعنی غیر اسلامی قرار دے دیا ہے۔ اس کے ساتھ ہی عدالت نے عمران خان کے ساتھ ساتھ بشریٰ بی بی کو 7-7 سال قید کی سزا سنا دی ہے۔ یہ فیصلہ سینئر سول جج قدرت اللہ نے ...

ناروے: 30 سالہ تاریخ کے شدید ترین طوفان کے بعد چٹان کھسکنے، ژالہ باری اور موسلا دھار بارش کا خطرہ

جنوبی ناروے میں جمعہ کو حکام نے ژالہ باری اور چٹان کھسکنے جیسے واقعات کے متعلق عوام کو خبردار کیا ہے۔ اس خطے کے تمام ممالک میں خراب موسم کا قہر جاری ہے۔ ملک کے شمالی حصے میں حکام نے خدشہ ظاہر کیا کہ سڑکوں کو مختصر انتباہ کے بعد بند کیا جا سکتا ہے۔ واضح رہے کہ ۱۹۹۲ء کے بعد ناروے ...