الیکشن کمیشن نے آندھرا پردیش کے چیف سکریٹری اور ڈی جی پی کو کیا طلب، ووٹنگ کے دوران تشدد معاملہ پر ایکشن

Source: S.O. News Service | Published on 15th May 2024, 7:26 PM | ملکی خبریں |

نئی دہلی، 15/مئی (ایس او نیوز /ایجنسی) آندھرا پردیش میں ووٹنگ کے دوران تشدد معاملہ پر الیکشن کمیشن نے سخت قدم اٹھانے کا فیصلہ کیا ہے۔ الیکشن کمیشن نے تشدد کے واقعات کو روکنے میں انتظامیہ کی ناکامی سے متعلق ’ذاتی طور سے وضاحت‘ دینے کے لیے ریاست کے چیف سکریٹری اور پولیس ڈائریکٹر جنرل (ڈی جی پی) کو جمعرات کے روز طلب کیا ہے۔

قابل ذکر ہے کہ آندھرا پردیش میں گزشتہ پیر کو ہوئے لوک سبھا اور اسمبلی انتخاب کے دوران کئی حصوں میں تشدد کے واقعات پیش آئے تھے۔ تشدد کے پیش نظر الیکشن کمیشن نے ریاست کے اعلیٰ افسران کو 16 کو  دہلی دفتر طلب کیا ہے۔ تصور کیا جا رہا ہے کہ 2019 کے عام انتخاب کے مقابلے میں اس بار انتخابی تشدد زیادہ ہوا ہے۔ برسراقتدار وائی ایس آر کانگریس پارٹی اور اپوزیشن پارٹی دونوں نے ایک دوسرے پر تشدد کا سہارا لینے کا الزام عائد کیا ہے۔

بہرحال، چیف الیکشن کمشنر راجیو کمار نے ریاست میں ووٹنگ کے دن تشدد کے واقعات کو سنجیدگی سے لیا ہے۔ الیکشن کمیشن اعلیٰ افسران سے مکمل جانکاری حاصل کرنے کے بعد اس معاملے میں آگے کی کارروائی کرے گا۔ الیکشن کمیشن نے ریاستی حکومت کو یاد دلایا ہے کہ ریاست میں مثالی ضابطہ اخلاق اب بھی نافذ ہے۔ ساتھ ہی اس نے چیف سکریٹری اور پولیس چیف سے یہ یقینی بنانے کے لیے کہا ہے کہ ایسے واقعات دوبارہ نہ ہوں۔

کچھ میڈیا رپورٹس میں بتایا جا رہا ہے کہ جب آندھرا کے افسران جمعرات کو الیکشن کمیشن دفتر میں حاضر ہوں گے، تو ریاست کے اعلیٰ افسران سے انتخاب کے بعد پرتشدد واقعات کو روکنے میں انتظامیہ کی ناکامی کے اسباب کو ذاتی طور پر سمجھانے کے لیے کہا جائے گا۔ ان سے مستقبل میں ایسے کسی بھی واقعہ سے بچنے کے لیے اٹھائے جانے والے احتیاطی اقدام کے بارے میں بھی پوچھا جائے گا۔

ایک نظر اس پر بھی

بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن ...

دہلی-این سی آر میں شدید گرمی کا سلسلہ جاری، درجہ حرارت 47 ڈگری سے متجاوز، محکمہ موسمیات نے جاری کیا الرٹ

دہلی شدید گرمی کی لپیٹ میں ہے اور آئی ایم ڈی نے جمعہ تک انتہائی درجہ حرارت کو لے کر ریڈ الرٹ جاری کیا ہے۔ گرمی اس حد تک تباہی مچا رہی ہے کہ پیر کو بھی دہلی کے کچھ حصوں میں درجہ حرارت 47 ڈگری سیلسیس کو پار کر گیا تھا۔ دریں اثنا، محکمہ موسمیات نے قومی راجدھانی میں گرمی کی لہر کے حالات ...

بی جے پی کیجریوال پر حملہ کرا سکتی ہے؛ عآپ رکن پارلیمنٹ سنجے سنگھ کا سنگین الزام

عآپ کے سینئر لیڈر اور راجیہ سبھا رکن سنجے سنگھ نے بی جے پی پر سنگین الزام عائد کرتے ہوئے کہا ہے کہ بی جے پی کیجریوال پر قاتلانہ حملہ کروانے کی سازش تیار کر رہی ہے۔ ان کا کہنا ہے کہ ’’کیجریوال کے جیل سے باہر آنے سے بی جے پی بوکھلائی ہوئی ہے۔ اب یہ لوگ کیجریوال پر قاتلانہ حملہ ...

کیجریوال کی خودسپردگی سے قبل ہی ای ڈی عدالت پہنچ گئی، عبوری ضمانت ختم ہوتے ہی حراست کا مطالبہ

 دہلی کے وزیر اعلی اروند کیجریوال کو سپریم کورٹ نے مبینہ دہلی آبکاری پالیسی گھوٹالہ سے متعلق منی لانڈرنگ کیس میں 10 مئی کو عبوری ضمانت دی تھی۔ انہیں 2 جون کو عدالت میں خودسپردگی کرنی ہے۔ مگر ان کی خودسپردگی سے قبل ہی ای ڈی انہیں حراست میں لینے کے لیے عدالت پہنچ گئی۔ ای ڈی ...