دہلی-این سی آر میں درجہ حرارت میں اضافہ، بارش کا امکان، راجستھان میں آرنج الرٹ

Source: S.O. News Service | Published on 9th June 2023, 10:22 AM | ملکی خبریں |

نئی دہلی،9/جون (ایس او نیوز/ایجنسی) راجدھانی دہلی سمیت کئی علاقوں میں گزشتہ دو تین دنوں سے شدید گرمی پڑ رہی ہے۔ حالانکہ جمعہ 9 جون کو چلچلاتی دھوپ سے لوگوں کو راحت ملنے والی ہے۔ آئی ایم ڈی کے مطابق 9 جون کو ہلکی بارش متوقع ہے لیکن اس کی وجہ سے درجہ حرارت میں کوئی کمی نہیں آئے گی۔ اس کے علاوہ محکمہ موسمیات نے کچھ ریاستوں میں بارش کی وجہ سے اورنج الرٹ جاری کیا ہے۔ دہلی، ہریانہ، راجستھان میں 9 جون کو بارش کا الرٹ جار کیا گیا ہے۔

محکمہ موسمیات کے مطابق بھیوانی، چرخی دادری، فرخ نگر، کوسلی، سوہانہ، ریواڑی کے آس پاس کے علاقوں میں ہلکی سے درمیانی بارش اور 30-40 کلومیٹر فی گھنٹہ کی رفتار سے تیز ہوائیں چلنے کا امکان ہے۔ راجستھان کے چورو، سری گنگا نگر، الور اور ہنومان گڑھ میں موسلادھار بارش کا امکان ہے۔ جس کی وجہ سے محکمہ نے ریاست کے ان اضلاع میں اورنج الرٹ جاری کیا ہے۔ اس کے علاوہ بیکانیر، کوٹا، ادے پور، شیخاوٹی خطہ، جے پور اور بھرت پور ڈویژن کے اضلاع میں ہلکی بارش اور 50-60 کلومیٹر فی گھنٹہ کی رفتار سے ہوا چلنے کی پیش گوئی کی گئی ہے۔

کیرالہ، لکشدیپ، اتراکھنڈ، منی پور، میزورم اور انڈمان نکوبار جزائر میں مختلف مقامات پر موسلادھار بارش ہو سکتی ہے۔ کرناٹک، انڈمان نکوبار، کیرالہ اور ماہے میں کئی مقامات پر آسمانی بجلی گرنے اور تیز ہواؤں کے ساتھ ہلکی بارش ہونے کا امکان ہے۔ اروناچل پردیش، آسام، میگھالیہ، ناگالینڈ، منی پور، میزورم، تریپورہ، کونکن، گوا، مدھیہ مہاراشٹرا، مراٹھواڑہ، گجرات، آندھرا پردیش، یانم، تلنگانہ، رائل سیما، تمل ناڈو، پڈوچیری اور کرائیکل میں بھی کئی مقامات پر آندھی آنے اور بجلی گرنے کا امکان ہے

محکمہ موسمیات نے کہا کہ اتر پردیش، اڈیشہ، جھارکھنڈ، مغربی بنگال، سکم اور بہار کے مختلف علاقوں میں گرمی کی لہر کی صورتحال برقرار رہے گی۔

ایک نظر اس پر بھی

کووڈ میں شرح اموات ظاہر کرنے والی رپورٹس غیر مصدقہ اور گمراہ کن

صحت اور خاندانی بہبود کی مرکزی وزارت نے کہا ہے کہ سائنس جریدے سائنس ایڈوانسز میں شائع مطالعہ سے کووڈ کی مدت کے دوران 2020 میں سب سے زیادہ اموات کو ظاہر کرنے والی رپورٹ غیر مصدقہ اور ناقابل قبول اندازوں پر مبنی ہیں۔

علاقائی سیاسی پارٹیوں کمائی اور خرچ کی رپورٹ جاری

ایسوسی ایشن فار ڈیموکریٹک ریفارمز نے اپنی حالیہ جاری کردہ رپورٹ میں ملک کی 57 علاقائی جماعتوں میں سے 39 علاقائی جماعتوں کی آمدنی اور اخراجات کی رپورٹ جاری کی ہے۔ رپورٹ میں بتایا گیا ہے کہ سال 2022-23 کی آمدنی اور اخراجات کے لحاظ سے کون سی پارٹی اوپر اور نیچے ہے۔ کس نے کتنا عطیہ وصول ...

جیتن سہنی قتل کے سلسلے میں مزید 3 ملزمان گرفتار، ایس ایس پی کے مطابق جائے وقوعہ سے اہم دستاویزات برآمد

  وکاسشیل انسان پارٹی (وی آئی پی) کے سربراہ مکیش سہنی کے والد کے قتل کیس میں پولیس نے مزید 3 ملزمان کو گرفتار کیا ہے۔ یہ گرفتاری کلیدی ملزم کاظم انصاری کی نشان دہی پر کی گئی ہے۔ دربھنگہ کے سینئر سپرنٹنڈنٹ آف پولیس جگوناتھ ریڈی نے یہ اطلاع دی۔

آئی اے ایس پوجا کھیڈکر تنازعہ کے درمیان یو پی ایس سی کے چیئرمین منوج سونی عہدے سے مستعفی

  یونین پبلک سروس کمیشن (یو پی ایس سی) کے چیئرمین منوج سونی نے اپنے عہدے سے استعفیٰ دے دیا ہے۔ دلچسپ بات یہ ہے کہ انہوں نے اپنی مدت ملازمت پوری ہونے سے قبل ہی اپنا استعفی صدر کو ارسال کر دیا ہے۔

کیجریوال جان بوجھ کر کم کیلوری والا کھانا لے رہے ہیں، ایل جی کا الزام، عآپ کا شدید ردعمل

عام آدمی پارٹی کے رکن پارلیمنٹ سنجے سنگھ نے دہلی کے وزیر اعلی اروند کیجریوال کی صحت سے متعلق لیفٹیننٹ گورنر ونے سکسینہ کے چیف سکریٹری کو لکھے گئے خط پر ردعمل ظاہر کیا ہے۔ ایل جی کو نشانہ بناتے ہوئے سنجے سنگھ نے کہا کہ ایل جی یہ کیا مذاق کر رہے ہیں؟ کیا کوئی آدمی رات کو شوگر کم ...

نیٹ پر سپریم کورٹ کے حکم کے بعد این ٹی اے نے آن لائن اپ لوڈ کئے مرکز اور شہر وار نتائج

نیٹ پر سپریم کورٹ کے حکم کے بعد این ٹی اے نے نیٹ یو جی طلباء کے مرکز اور شہر وار نتائج کو آن لائن اپ لوڈ کر دیا ہے۔ نتائج اپلوڈ کرنے کے لئے ہفتہ کی دوپہر 12 بجے تک کا وقت دیا گیا تھا۔ تاہم، سی جے آئی ڈی وائی چندرچوڑ، جسٹس جے بی پاردیوالا اور جسٹس منوج مشرا کی بنچ نے واضح کیا تھا کہ ان ...