سرکاری بنگلہ خالی کرنے کے نوٹس پر عآپ رکن پارلیمنٹ راگھو چڈھا پہنچے عدالت، مل گئی فوری راحت

Source: S.O. News Service | Published on 9th June 2023, 10:01 AM | ملکی خبریں |

نئی دہلی، 9/جون (ایس او نیوز/ایجنسی) عام آدمی پارٹی (عآپ) رکن پارلیمنٹ راگھو چڈھا جس سرکاری بنگلہ میں رہ رہے ہیں، اسے خالی کرنے کا نوٹیفکیشن جاری کیا گیا ہے۔ اس نوٹیفکیشن کے خلاف راگھو چڈھا نے عدالت کا دروازہ کھٹکھٹایا ہے۔ اپنے سرکاری بنگلے کے الاٹمنٹ کو رد کیے جانے کے فیصلے کے خلاف وہ پٹیالہ کورٹ پہنچے جہاں سے انھیں فوراً راحت مل گئی ہے۔ راگھو چڈھا نے بنگلہ کا الاٹمنٹ منسوخ کیے جانے پر بی جے پی کو تنقید کا نشانہ بھی بنایا اور کہا کہ مرکزی حکومت نے رنجش کے جذبہ میں یہ فیصلہ لیا ہے۔

بہرحال، پٹیالہ ہاؤس کورٹ نے راجیہ سبھا سکریٹریٹ کو نوٹس جاری کر اس نوٹیفکیشن پر روک لگا دی ہے جس میں راگھو چڈھا کو سرکاری بنگلہ خالی کرنے کا حکم دیا گیا تھا۔ عدالت نے معاملے کی آئندہ سماعت تک راگھو چڈھا کو پنڈارا روڈ پر الاٹ بنگلہ نمبر اے بی 5 کے خالی کرنے کے نوٹیفکیشن پر روک لگائی۔ عدالت نے کہا کہ راجیہ سبھا سکریٹریٹ کی ہاؤس کمیٹی اپنے حکم پر آئندہ سماعت تک کوئی کارروائی نہ کرے۔ اب اس معاملے کی آئندہ سماعت پٹیالہ ہاؤس کورٹ میں 10 جون کو ہوگی۔

راگھو چڈھا نے اپنی بات رکھتے ہوئے عدالت میں بتایا کہ انھیں راجیہ سبھا چیئرمین کی کارروائی کے مطابق جائز طریقے سے بنگلہ الاٹ کیا گیا تھا، تجدید کے بعد ٹائپ 7 بنگلے میں چلے گئے تھے اور الاٹنمنٹ لیٹر میں ہی ان حالات کا تذکرہ کیا گیا تھا۔ راگھو چڈھا کا کہنا ہے کہ الاٹنمنٹ منسوخ کرنے والا خط ’منمانے‘ پر مبنی ہے۔

واضح رہے کہ راگھو چڈھا کو سب سے پہلے ٹائپ-7 بنگلہ الاٹ ہوا تھا۔ ٹائپ-7 بنگلہ عام طور پر سابق مرکزی وزیر، گورنر یا وزیر اعلیٰ کو دیا جاتا ہے۔ اس کو رَد کر کے چڈھا کو ٹائپ-6 کا بنگلہ الاٹ کیا گیا۔ اس کے بعد پھر ٹائپ-6 کے بنگلے کا الاٹمنٹ رد کر دیا گیا تھا۔

ایک نظر اس پر بھی

مہاراشٹرا کے طلبہ توجہ دیں؛ بارہویں سائنس کے بعدڈائریکٹ سیکنڈ ایئر انجیئنرنگ ڈپلومہ کورسس میں داخلے

بارہویں سائنس میں کامیاب طلباء و طالبات کو یہ اطلاع دیجاتی ہے کہ ریاست مہاراشٹرا کی تمام پولی ٹیکنک کالجوں میں ڈائریکٹ سیکنڈ ایئر انجینئرنگ ڈپلومہ کورسیس (پولی ٹیکنیک) میں داخلہ کے لئے رجسٹریشن کا آغاز ہو چکا ہے

سابق ایم ایل سی محمد اقبال کے1097 کروڑ روپے کے اثاثوں کوای ڈی نے ضبط کیا

انفورسمنٹ ڈائریکٹوریٹ (ای ڈی) نے سہارنپور میں غیر قانونی کانکنی کے معاملے میں بڑی کارروائی کی ہے۔ ای ڈی نے بی ایس پی کے سابق ایم ایل سی محمد اقبال کی گلوکل یونیورسٹی کی 121 ایکڑ زمین اور تمام عمارتوں کو ضبط کر لیا ہے۔ بی ایس پی کے سابق ایم ایل سی محمد اقبال کی ضبط کی گئی جائیداد کی ...

لوک سبھا اسپیکر الیکشن کے لئے انڈیا الائنس کی حکمت عملی

لوک سبھا انتخابات کے بعد ایک بار پھر مرکز میں مودی حکومت بن گئی ہے۔ اب لوک سبھا کے اسپیکر کے لیے انتخابات ہونے ہیں، اس کو لے کر سیاست شروع ہو گئی ہے۔ ذرائع کے مطابق اپوزیشن جماعت اسپیکر کے انتخاب کے لیے اپنا امیدوار کھڑا کرسکتی ہے۔ اگر ڈپٹی اسپیکر کا عہدہ اپوزیشن کو دیا گیا تو ...

طلبا تنظیم این ایس یو آئی نے نیٹ کا امتحان دوبارہ کرانے کا کیا مطالبہ، این ٹی اے پر فوری پابندی لگانے کی اپیل

این ایس یو آئی (نیشنل اسٹوڈنٹس یونین آف انڈیا) کے قومی صدر ورون چودھری کی قیادت میں آج یونین دفتر سے جنتر منتر تک پرامن مشعل مارچ منعقد کیا گیا۔ اس مارچ کا مقصد حال ہی میں ہوئے این ٹی اے اور نیٹ امتحان گھوٹالہ کے خلاف بیداری پیدا کرنا اور احتجاج درج کرنا تھا، جس نے پورے ملک ...

نیٹ پرچہ سوالات افشاء کیس، امتحان سے ایک دن پہلے پیپر ملنے کا انکشاف

بہار پولیس کے معاشی جرائم یونٹ (ای او یو) نے جو نیشنل ایلجبلیٹی کم انٹرنس ٹسٹ (نیٹ۔ یوجی) 2024ء میں پرچہئ سوالات کے افشاء کی تحقیقات کررہی ہے، ہفتہ کے روز 11 امیدواروں کو نوٹسیں روانہ کی ہیں، جن پر اس جرم میں ملوث ہونے کا شبہ ہے۔