سمندری طوفان میچونگ سے چینائی میں مرنے والوں کی تعداد بڑھ کر ہوئی آٹھ؛ آندھرا میں بھی ایک لڑکے کی موت؛ میچونگ آج آندھرا اور اُڈیشہ کے ساحل سے ٹکرانے کے پیش نظرالرٹ جاری

Source: S.O. News Service | By I.G. Bhatkali | Published on 5th December 2023, 12:42 PM | ملکی خبریں |

بنگلور5/ ڈسمبر (ایس او نیوز) سمندری طوفان میچونگ کی آمد سے پیر کو چینائی میں جو تباہی مچی تھی اور پانچ لوگوں کی موت واقع ہوئی تھی، آج ایک بچہ سمیت مزید چار لوگوں کی موت واقع ہونے کی اطلاع موصول ہوئی ہے جس کے ساتھ ہی طوفان اور سیلاب سے متاثرہ ساحلی اضلاع میں مرنے والوں کی تعداد بڑھ کر نو ہوگئی ہے۔  آندھرا پردیش کے ڈیزاسٹر مینجمنٹ اتھارٹی کے ایگزیکٹو ڈائریکٹر سی ناگراجو نے بتایا کہ آندھرا پردیش کے تروپتی ضلع میں ایک 4 سالہ لڑکا دیوا گرنے سے ہلاک ہوگیا اس طرح طوفان کے ٹکرانے سے قبل ہی آندھرا میں ایک موت درج کی گئی ہے، جبکہ تمل ناڈو میں آٹھ لوگوں کی موت واقع ہوچکی ہے۔

میڈیا رپورٹوں کے مطابق محکمہ موسمیات نے اطلاع دی ہے کہ سمندری طوفان Michaung آج منگل کو اوڈیشہ اور آندھرا کے ساحل سے ٹکرانے کا خدشہ ہے۔ اورسمندری طوفان میچونگ کے ٹکرانے سے کئی گھنٹے قبل ہی تمام علاقوں میں سیلاب سے تباہی مچی ہوئی ہے۔ اطلاعات کے مطابق جنوبی ہندوستان میں ہورہی شدید بارشوں سے سڑکیں زیر آب آگئیں ہیں، جہاں محکمہ موسمیات نےوارننگ جاری کی ہے کہ اگلے 24 گھنٹوں کے دوران ریاست کے کچھ حصوں میں 200 ملی میٹر (8 انچ) سے بھی زائد بارش ہوسکتی ہے، جس کو دیکھتے ہوئے کم از کم 8,000 لوگوں کو محفوظ مقامات پر منتقل کر دیا گیا ہے۔ حکام نے بتایا کہ بارش اور آندھی نے بجلی کی تاریں بھی اکھاڑ دیں ہیں جبکہ کئی درخت اکھڑ گئے ہیں۔ آندھرا پردیش میں 140 سے زیادہ ٹرینوں اور 40 پروازوں کو منسوخ کر دیا گیا ہے۔

خدشہ ظاہر کیا گیا ہے کہ شدید سمندری طوفان Michaung  چند گھنٹوں کے اندرآندھرا کے  باپٹلا ضلع سے ٹکراسکتا ہے جس کو دیکھتے ہوئے رہائشیوں کو گھروں سے باہر نہ نکلنے کا مشورہ دیا گیا ہے۔

باپٹلا ضلع کے سپرنٹنڈنٹ آف پولیس وکول جندال کے حوالے سے خبررساں ادارہ پی ٹی آئی نے خبر دی ہے کہ ضلع کے مختلف علاقوں میں طوفانی بارش کے نتیجے میں 10 درخت جڑ سے اکھڑ گئے ہیں جبکہ ندی نالوں میں پانی بھرنے کی وجہ سے قریب 12 پلوں کے اوپر سے پانی بہہ رہا ہے۔ انہوں نے بتایا کہ گھاس پوس کے کچے مکانوں میں رہنے والے لوگوں کومحفوظ علاقوں میں منتقل کیا گیا ہے اور متاثرہ لوگوں کے لئے 21 سائیکلون شیلٹرز قائم کیے گئے ہیں۔

میڈیا رپورٹوں میں بتایا گیا ہے کہ بارش کے پیش نظر گجپتی ضلع کے تمام پرائمری،ہائیر پرائمری، ہائی اسکول اور آنگن واڑی مراکز کو 6 دسمبر تک بند رکھنے کی ہدایت دی گئی ہے۔

رپورٹوں کے مطابق یہ طوفان آج منگل کو کچھ ہی گھنٹوں میں آندھرا پردیش کے نیلور اور مچلی پٹنم کے درمیان پہنچنے کا خدشہ ہے۔ جس کو دیکھتے ہوئے آندھرا سمیت اڈیشہ کے ساحلی اضلاع میں پہلے سے الرٹ جاری کیا گیا ہے۔

اڈیشہ کے تینوں بندرگاہوں کو خطرہ نمبر دو کے ساتھ نشان زد کیا گیا ہے۔ محکمہ موسمیات نے منگل کو اوڈیشہ کے پانچ اضلاع میں شدید سے شدید تر بارش کی وارننگ جاری کی ہے۔ اور ماہی گیروں کو ہدایت دی گئی ہے کہ وہ سمندر میں نہ اُتریں۔

بتاتے چلیں کہ چینائی کے کئی نشیبی علاقوں میں سیلاب کا خطرہ بنا ہوا ہے جس کو دیکھتے ہوئے تقریباً 15000 لوگوں کو آودی اور تامبرم نامی علاقوں سے نکال کر ریلیف کیمپوں میں منتقل کیا گیا ہے۔ چنئی میں 200 اور دوسرے مضافات میں 100 سے زائد ریلیف کیمپ قائم کیے گئے ہیں۔

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔