انڈونیشیا: سلاویسی جزیرہ میں زوردار بارش کے بعد غیر قانونی کان میں لینڈ سلائڈنگ، 23 افراد جاں بحق

Source: S.O. News Service | Published on 10th July 2024, 11:21 AM | عالمی خبریں |

جکارتہ، 10/جولائی (ایس او نیوز /ایجنسی) انڈونیشیا واقع سلاویسی جزیرہ میں سونے کی ایک غیر قانونی کان میں لینڈ سلائڈنگ کا واقعہ پیش آیا ہے جس میں کم و بیش 23 افراد ہلاک ہو گئے ہیں۔ بتایا جاتا ہے کہ اتوار کے روز یہ حادثہ پیش آیا، لیکن موسم خراب ہونے کی وجہ سے بچاؤ کاری کے عمل میں رخنہ اندازی ہوئی اور اب منگل (9 جولائی) کو راحت و بچاؤ کاری عملہ نے ملبہ ہٹا کر لاپتہ لوگوں کی تلاش شروع کر دی۔ کئی لاشیں باہر نکالی جا چکی ہیں اور مزید لاپتہ افراد کی تلاش جاری ہے۔

میڈیا رپورٹس کے مطابق موسلادھار بارش کے بعد لینڈ سلائڈنگ کا یہ واقعہ پیش آیا جس میں کئی لوگ زخمی بھی ہوئے ہیں۔ مقامی تلاش و بچاؤ دفتر کے چیف ہیریانتو نے بتایا کہ دور دراز اور پہاڑی گاؤں بون بولانگو میں اتوار کو 100 سے زیادہ دیہی عوام سونے کے لیے کانکنی کر رہے تھے، تبھی آس پاس کے پہاڑوں سے کئی ٹن مٹی گری جس سے ان کے عارضی کیمپ دب گئے۔ موسم خراب تھا، لیکن اب حالات بہتر ہیں اس لیے لاشوں کو برآمد کرنے میں آسانی ہوئی۔

تلاش و بچاؤ دفتر کے ذریعہ منگل کو جاری اعداد و شمار کے مطابق 46 دیہی عوام لینڈ سلائڈنگ سے بچ نکلے۔ اس درمیان بچاؤ کاری میں مصروف لوگوں نے تقریباً 23 لوگوں کو زندہ باہر نکالا جن میں سے 18 افراد زخمی ہیں۔ تین خواتین و 4 سالہ ایک لڑکا سمیت 11 لاشیں برآمد کی گئی ہیں۔ باقی لاپتہ افراد (جو غالباً ہلاک ہو چکے ہیں) کی تلاش جاری ہے۔

اس درمیان قومی آفات مینجمنٹ ایجنسی کے ترجمان عبدالمہری نے بتایا کہ ہفتہ کے روز سے پہاڑی ضلع میں ہو رہی موسلادھار بارش کے سبب لینڈ سلائڈنگ کا واقعہ پیش آیا ہے اور پشتہ ٹوٹ چکا ہے۔ اس سے بون بولانگو کے پانچ گاؤں میں گھروں کی چھتوں تک پانی بھر گیا۔ بون بولانگو گورونٹالو علاقہ کے پہاڑی ضلع کا حصہ ہے۔ تقریباً 300 گھر اس بارش سے متاثر ہوئے ہیں اور 1000 سے زائد افراد محفوظ مقامات پر چلے گئے ہیں۔

ایک نظر اس پر بھی

فسادات زدہ بنگلہ دیش سے تقریباً 1000 ہندوستانی طلباء کی وطن واپسی

بنگلہ دیش میں کوٹہ سسٹم کے خلاف جاری طلباء کے احتجاج کی وجہ سے حالات بدستور تشویشناک ہے۔ صورتحال کی سنگینی کو دیکھتے ہوئے تقریباً 1000 ہندوستانی طلباء وہاں سے ہندوستان واپس آ گئے ہیں۔ وزارت خارجہ نے ہفتے کے روز کہا کہ اس نے ہندوستانی شہریوں کی واپسی کے لیے تمام انتظامات کئے۔ ...

بنگلہ دیش کوٹہ سسٹم احتجاج: 100 سے زائد افراد ہلاک، 2500 زخمی، ملک بھر میں کرفیو، سڑکوں پر فوج کا پہرہ

بنگلہ دیش میں سرکاری ملازمتوں میں کوٹہ سسٹم کے خاتمے کا مطالبہ کرتے ہوئے طلباء کا پرتشدد احتجاج جاری ہے۔ چند ہفتے قبل ملک بھر میں شروع ہونے والی پرتشدد جھڑپوں میں اب تک 105 افراد ہلاک ہو چکے ہیں۔

نیپال لینڈ سلائڈنگ حادثہ: اب تک 4 ہندوستانیوں سمیت 19 افراد کی لاشیں برآمد، راحت و بچاؤ کاری کا عمل جاری

گزشتہ ہفتہ نیپال کے چتون ضلع میں لینڈ سلائڈنگ کے بعد دو بسیں طغیانی مارتی ہوئی ندی میں بہہ گئی تھیں جس میں سوار لوگوں کی لاشیں برآمد ہونے کا سلسلہ جاری ہے۔ دراصل لینڈ سلائڈنگ کے بعد تباہی جیسے حالات پیدا ہو گئے ہیں اور فوجیوں کو راحت و بچاؤ کاری میں کافی دقتیں پیش آ رہی ہیں۔ ...

بنگلہ دیش: ملازمتوں میں ریزرویشن کے خلاف پرتشدد مظاہرے، 6 افراد ہلاک، 100 سے زیادہ زخمی

  بنگلہ دیش میں سرکاری ملازمتوں میں ریزرویشن کے خلاف بڑے پیمانے پر پرتشدد مظاہرے ہو رہے ہیں اور ہزاروں طلبا کوٹہ سسٹم کے خاتمے کا مطالبہ کرتے ہوئے سڑکوں پر نکل رہے ہیں۔ رپورٹ کے مطابق مظاہروں کے دوران پولیس کے ساتھ جھڑپوں میں 6 افراد ہلاک ہو گئے ہیں، جبکہ 100 سے زائد مظاہرین کے ...