کانگریس نے پی ایم مودی کے خلاف دیا استحقاق کی خلاف ورزی کا نوٹس، سونیا-راہل پر ہتک آمیز تبصرہ کا الزام

Source: S.O. News Service | Published on 18th March 2023, 11:19 AM | ملکی خبریں |

نئی دہلی، 18/مارچ (ایس او نیوز/ایجنسی) کانگریس رکن پارلیمنٹ کے سی وینوگوپال نے سونیا گاندھی اور راہل گاندھی کے خلاف قابل اعتراض تبصرہ کرنے کے لیے جمعہ کے روز راجیہ سبھا میں وزیر اعظم نریندر مودی کے خلاف استحقاق کی خلاف ورزی کا نوٹس پیش کیا۔ نوٹس میں کہا گیا ہے کہ طنزیہ انداز میں کیا گیا تبصرہ نہ صرف بے عزتی والا ہے بلکہ ہتک آمیز بھی ہے۔

کے سی وینوگوپال نے اس کی جانکاری دیتے ہوئے ایک ٹوئٹ کیا ہے جس میں لکھا ہے کہ ’’راجیہ سبھا سربراہ کے سامنے ایک نوٹس داخل کیا ہے کہ پی ایم مودی نے سونیا گاندھی جی اور راہل گاندھی جی کی کنیت کے بارے میں ہتک آمیز اور نچلی سطح کا تبصرہ کر کے ان کے استحقاق کی خلاف ورزی کی ہے۔ کم از کم پی ایم کے ذریعہ اس طرح کے تبصروں کے لیے پارلیمنٹ میں کوئی جگہ نہیں ہے۔

راجیہ سبھا کے سربراہ کے سامنے داخل استحقاق کی خلاف ورزی کے نوٹس میں کے سی وینوگوپال نے کہا ہے کہ وزیر اعظم مودی کے ذریعہ 9 فروری کو راجیہ سبھا میں پہلی نظم میں طنزیہ طریقے سے کیا گیا تبصرہ نہ صرف بے عزتی والا ہے بلکہ نہرو فیملی، خصوصاً سونیا گاندھی اور راہل گاندھی، جو لوک سبھا کے رکن ہیں، کے لیے ہتک آمیز بھی ہے۔

واضح رہے کہ پارلیمنٹ میں صدر جمہوریہ کی تقریر پر شکریہ کی تجویز کا جواب دیتے ہوئے وزیر اعظم نریندر مودی نے 9 فروری کو راجیہ سبھا میں کانگریس اور گاندھی فیملی پر حملہ کرتے ہوئے سونیا گاندھی اور راہل گاندھی پر ’نہرو‘ کنیت کا استعمال نہیں کرنے کو لے کر حملہ کیا تھا۔ وزیر اعظم نے پوچھا تھا کہ نہرو سر نیم (کنیت) کوئی کیوں نہیں رکھتا؟ انھوں نے کہا تھا کہ میں نے اخباروں میں پڑھا ہے کہ اس ملک میں 600 منصوبے گاندھی-نہرو فیملی کے نام پر ہیں۔ لیکن مجھے حیرانی ہے کہ کوئی شخص نہرو کنیت کیوں نہیں رکھتا ہے۔

ایک نظر اس پر بھی

کانگریس کے ریونت ریڈی بنے تلنگانہ کے نئے وزیر اعلیٰ؛ گورنر نے دلایا حلف

تلنگانہ کانگریس کے صدر ریونت ریڈی، جنہوں نے ۳۰؍ نومبر کو تلنگانہ اسمبلی انتخابات میں کلیدی کردار ادا کیا تھا آج تلنگانہ کے دوسرے وزیر اعلیٰ کے طور پر حلف اُٹھایا۔ ان کی حلف برداری کی تقریب حیدرآباد میں لال بہادر شاستری اسٹیڈیم میں منعقد کی گئی تھی جہاں انہیں تلنگانہ کی ...

بابری مسجد کی شہادت کی۳۱؍ویں برسی؛ ممبئی میں اذان اور دعا کااہتمام

6 ڈسمبر1992 کو جس طرح ایودھیا میں شرپسندوں کے ہاتھوں تاریخی بابری مسجد شہید کی گئی تھی، اس کی شہادت کی۳۱؍ویں برسی کے موقع پر ممبئی شہر سمیت مضافات میں اذان دینے اوردعا کااہتمام کیا گیا۔ اور وہاٹس ایپ کے الگ الگ گروپ میں۶؍دسمبر کو یومِ سیاہ لکھ کربابری مسجد کی یاد تازہ کی گئی۔

میزورم میں حکمراں جماعت کے ساتھ وزیراعلیٰ خود بھی ہارگئے الیکشن

مدھیہ پردیش، راجستھان، چھتیس گڑھ اور تلنگانہ میں انتخابی نتائج سامنے آنے کے اگلے روز یعنی پیر کوشمال مشرق کی ریاست میزورم میں ووٹوں کی گنتی کی گئی جس کے بعد انتخابی نتائج میں حکمراں جماعت کے ساتھ ساتھ  خود ریاست کے وزیراعلیٰ کو شکست سے دوچار ہونا پڑگیا۔

سمندری طوفان میچونگ سے چینائی میں مرنے والوں کی تعداد بڑھ کر ہوئی آٹھ؛ آندھرا میں بھی ایک لڑکے کی موت؛ میچونگ آج آندھرا اور اُڈیشہ کے ساحل سے ٹکرانے کے پیش نظرالرٹ جاری

سمندری طوفان میچونگ کی آمد سے پیر کو چینائی میں جو تباہی مچی تھی اور پانچ لوگوں کی موت واقع ہوئی تھی، آج ایک بچہ سمیت مزید چار لوگوں کی موت واقع ہونے کی اطلاع موصول ہوئی ہے جس کے ساتھ ہی طوفان اور سیلاب سے متاثرہ ساحلی اضلاع میں مرنے والوں کی تعداد بڑھ کر نو ہوگئی ہے۔

چینائی میں گردابی طوفان مچونگ نے مچائی تباہی، پانچ ہلاک، اسکول اور دفاتر میں ۵ ڈسمبر کو بھی چھٹی کا اعلان؛ 144 ٹرینیں کینسل، 33فلائٹس کارُخ بینگلور کی طرف موڑدیا گیا

طوفان مچونگ Michaung نے شہر سمیت چینائی کے مضافاتی علاقوں میں بڑے پیمانے پرتباہی مچادی ہے جبکہ طوفان کے نتیجے میں شدید بارش ہورہی ہے اور اس کے نتیجے میں سیلاب آ گیا ہے۔