گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

Source: S.O. News Service | Published on 28th March 2024, 11:41 AM | ریاستی خبریں | ملکی خبریں |

نئی دہلی، 28/ مارچ (ایس او نیوز /ایجنسی)  کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی کو ختم کرنے کے دعووں کی قلعی کھول رہا ہے۔ بدعنوانی کے ثبوت ہونے کے باوجود مودی حکومت جناردن ریڈی کو بچا رہی ہے۔

پون کھیڑا نے میڈیا کے سامنے کہا کہ ’’وزیر اعظم مودی ہمیشہ کہتے ہیں کہ وہ ’جنتا جناردن‘ (عوام) کے لیے خود کو کھپا رہے ہیں، لیکن پی ایم مودی عوام کے لیے کھپتے ہوئے کبھی نظر نہیں، لیکن وہ جناردن ریڈی کے لیے کھپتے ہوئے ضرور نظر آ رہے ہیں۔‘‘ انھوں نے مزید کہا کہ ’’جناردن ریڈی کے اوپر 35 ہزار کروڑ روپے گھوٹالہ کا الزام ہے۔ اس کے اوپر سی بی آئی معاملوں سمیت مجموعی طور پر 20 معاملے زیر التوا ہیں۔ جناردن ریڈی نے ہندوستان کے جنگلوں اور کانوں میں غیر قانونی کھدائی کر انھیں برباد کر دیا ہے۔ یہ وہی جناردن ریڈی ہے جس کے بارے میں ایک جج نے کہا تھا کہ اس نے ضمانت لینے کے لیے 40 کروڑ روپے رشوت دینے کی پیشکش کی تھی۔‘‘

کھیڑا کا کہنا ہے کہ 1998 میں جناردن ریڈی بی جے پی میں داخل ہوئے تھے۔ بیلاری میں ریڈی نے آنجہانی سشما سوراج جی کے انتخاب کی تمام ذمہ داری سنبھالی تھی اور اب ایک بار پھر وہ اپنی جڑوں کی طرف لوٹ آئے ہیں۔ بی جے پی لیڈر و کرناٹک کے سابق وزیر اعلیٰ یدی یوروپا اور جناردن ریڈی کی ’جگل بندی‘ بہت مشہور ہے۔ اس جگل بندی کے سبب خام لوہا کی غیر قانونی کانکنی کی ایسی لوٹ مچی کہ ’یدی-ریڈی‘ گینگ مشہور ہو گیا۔ 2011 اور 2017 کے درمیان ریڈی کی کئی بار گرفتاری بھی ہوئی۔ اب ریڈی بی جے پی میں شامل ہو گئے ہیں، سی بی آئی انھیں ایسی کلین چٹ دے گی کہ ہر سفیدی پھیکی پڑ جائے گی۔ کھیڑا یہ بھی کہتے ہیں کہ ’’جناردن ریڈی نے بی جے پی میں شامل ہوتے ہی کہا کہ میں اپنی جڑوں کی طرف لوٹ کر آ گیا ہوں۔ اس لیے یہ سمجھا جا سکتا ہے کہ ملک میں بدعنوانی کی جڑ کہاں ہے۔ الیکٹورل بانڈ کے غیر قانونی قرار دیے جانے کے بعد جناردن ریڈی کو پارٹی میں شامل کرنا بی جے پی کا ’پلان بی‘ ہے۔ یعنی اب سیدھی پارٹنرشپ، کھائیں گے اور کھلائیں گے۔‘‘

مودی حکومت سے سوال پوچھتے ہوئے کھیڑا نے کہا کہ تمام ثبوت ہونے کے باوجود جناردن ریڈی کو کیوں بچایا جا رہا ہے؟ کیا یہ سچ نہیں ہے کہ ریڈی کے خلاف 20 معاملے زیر التوا ہیں، پھر جناردن ریڈی کے لیے لال قالین کیوں بچھائی جا رہی ہے؟ کیا مودی حکومت اپنے اس قدم سے بدعنوانی کو ختم کرنے کے دعووں کو کھوکھلا قرار نہیں دے رہی ہے؟

ایک نظر اس پر بھی

بی جے پی نے کانگریس ایم ایل اے کو 50 کروڑ روپے کی پیشکش کی؛ سدارامیا کا الزام

کرناٹک کے وزیر اعلی سدارامیا نے ہفتہ کو بھارتیہ جنتا پارٹی (بی جے پی) پر الزام لگایا کہ وہ کانگریس کے اراکین اسمبلی کو وفاداری تبدیل کرنے کے لیے 50 کروڑ روپے کی پیشکش کرکے 'آپریشن لوٹس' کے ذریعے انکی حکومت کو غیر مستحکم کرنے کی کوششوں میں ملوث ہے۔

لوک سبھا انتخاب 2024: کرناٹک میں کانگریس کو حاصل کرنے کے لیے بہت کچھ ہے

کیا بی جے پی اس مرتبہ اپنی 2019 لوک سبھا انتخاب والی کارکردگی دہرا سکتی ہے؟ لگتا تو نہیں ہے۔ اس کی دو بڑی وجوہات ہیں۔ اول، ریاست میں کانگریس کی حکومت ہے، اور دوئم بی جے پی اندرونی لڑائی سے نبرد آزما ہے۔ اس کے مقابلے میں کانگریس زیادہ متحد اور پرعزم نظر آ رہی ہے اور اسے بھروسہ ہے ...

تعلیمی میدان میں سرفہرست دکشن کنڑا اور اُڈپی ضلع کی کامیابی کا راز کیا ہے؟

ریاست میں جب پی یوسی اور ایس ایس ایل سی کے نتائج کا اعلان کیاجاتا ہے تو ساحلی اضلاع جیسےدکشن کنڑا  اور اُ ڈ پی ضلع سر فہرست ہوتے ہیں۔ کیا وجہ ہے کہ ساحلی ضلع جسے دانشوروں کا ضلع کہا جاتا ہے نے ریاست میں بہترین تعلیمی کارکردگی حاصل کی ہے۔

این ڈی اے کو نہیں ملے گی جیت، انڈیا بلاک کو واضح اکثریت حاصل ہوگی: وزیر اعلیٰ سدارمیا

کرناٹک کے وزیر اعلیٰ سدارمیا نے ہفتہ کے روز اپنے بیان میں کہا کہ لوک سبھا انتخاب میں این ڈی اے کو اکثریت نہیں ملنے والی اور بی جے پی کا ’ابکی بار 400 پار‘ نعرہ صرف سیاسی اسٹریٹجی ہے۔ میسور میں صحافیوں سے بات کرتے ہوئے سدارمیا نے یہ اظہار خیال کیا۔ ساتھ ہی انھوں نے کہا کہ ...

بی جے پی نے الیکٹورل بانڈ کے ذریعے دنیا کا سب سے بڑا گھوٹالہ کیا، وزیر اعظم بدعنوانی کے چیمپین ہیں! راہل گاندھی

راہل گاندھی نے کانگریس اور سماجوادی پارٹی کی مشترکہ پریس کانفرنس سے خطاب کرتے ہوئے وزیر اعظم نریندر مودی کو بدعنوانی کا چیمپین قرار دیا۔ انہوں نے کہا کہ بی جے پی نے الیکٹورل بانڈ کے ذریعے بھتہ خوری کی اور دنیا کا سب سے بڑا گھوٹالہ انجام دیا۔ راہل گاندھی نے سوال کیا کہ اگر ...

بی جے پی اپنی ناکامیوں سے توجہ بھٹکانے کے لیے مذہب کی سیاست کر رہی، سچن پائلٹ نے الیکشن کمیشن پر بھی اٹھائے سوال

کانگریس لیڈر سچن پائلٹ نے جموں و کشمیر میں آج انتخابی تشہیر کے دوران بی جے پی حکومت کو تو تنقید کا نشانہ بنایا ہی، الیکشن کمیشن کو بھی کٹہرے میں کھڑا کر دیا۔ انھوں نے منگل کے روز ایک ریلی سے خطاب کرتے ہوئے کہا کہ جب اپوزیشن پارٹیوں کے اکاؤنٹس پر لین دین سے متعلق روک لگائی گئی ...

بی جے پی و آر ایس ایس آئین کو تباہ کرنا چاہتی ہیں جبکہ کانگریس اسے بچانے کی کوشش کر رہی ہے: راہل گاندھی

کیرالہ کے وائناڈ میں کانگریس کے لیڈر راہل گاندھی نے بی جے پی پر سخت حملہ کرتے ہوئے کہا کہ بی جے پی و آر ایس ایس ملک کے آئین کو ختم کرنے کی کوشش کر رہی ہیں جبکہ کانگریس اسے بچانے کی کوشش میں مصروف ہے۔ یہ بیان راہل گاندھی روڈ شو کے دوران دیا جس کو سن کر عوام پورے جوش میں دکھائی دی ...

لوک سبھا انتخابات 2024: کانگریس نے امیدواروں کی نئی فہرست جاری

کانگریس نے لوک سبھا انتخاب کے پیش نظر اپنے امیدواروں کی ایک نئی فہرست جاری کر دی ہے۔ اس فہرست میں جھارکھنڈ کی تین لوک سبھا سیٹوں پر امیدواروں کے ناموں کا اعلان کیا گیا ہے۔ جاری فہرست کے مطابق گوڈا سے دیپکا پانڈے سنگھ، چترا سے کرشنانند ترپاٹھی اور دھنباد سے انوپما سنگھ کو ...

مرکزی وزارت داخلہ کی دوسری منزل پر آتش زدگی، زیروکس مشین، کمپیوٹر اور دیگر دستاویزات خاکستر

آگ لگنے کے واقعات یوں تو ہوتے ہی رہتے ہیں مگر جب حکومت کے دفاتر میں آگ لگنے لگے تو معاملہ کچھ زیادہ ہی سنگین ہو جاتا ہے۔ آتش زدگی کا ایسا ہی ایک واقعہ دہلی میں مرکزی وزارت داخلہ کے دفتر میں پیش آیا ہے۔ اس حادثے میں کسی شخص کے متاثر ہونے کی تو کوئی خبر نہیں ہے البتہ زیروکس ...

تیجسوی یادو کا وزیراعظم پر سخت حملہ؛ 10 سالوں میں مودی جی نے صرف غریبی، بے روزگاری، مہنگائی اور جملہ دیا

لوک سبھا انتخاب سے قبل بیان بازیوں نے رفتار پکڑ لی ہے۔ برسراقتدار طبقہ اپنی خوبیاں بیان کر رہا ہے اور اپوزیشن لیڈران حکومت کی ناکامیوں و عوام مخالف پالیسیوں کو عوام کے سامنے رکھ رہے ہیں۔ اس درمیان تیجسوی یادو نے پٹنہ میں مرکز کی مودی حکومت پر آج زبردست حملہ کیا۔