کانگریس نے آندھراکی خصوصی ریاست کی حیثیت پر وزیر اعظم مودی سے وضاحت طلب کی
نئی دہلی، 12/ جون (ایس او نیوز /ایجنسی) کانگریس کے جنرل سکریٹری جے رام رمیش نے تلگو دیشم پارٹی (ٹی ڈی پی) کے سربراہ این۔ چندرابابو نائیڈو کے بدھ کو وجئے واڑہ میں وزیر اعظم نریندر مودی کی موجودگی میں آندھرا پردیش کے وزیر اعلیٰ کے طور پر حلف لینے کے چند گھنٹے بعد تیلگو ریاست کو خصوصی درجہ دیے جانے سمیت پانچ اہم مسائل پر مسٹر نریندر مودی سے وضاحت طلب کی ہے۔
رمیش نے مائیکرو بلاگنگ پلیٹ فارم پر کہا کہ ’’ کئی برس قبل میں نے 2014 کے آندھراپردیش کی تشکیل نو سے متعلق ضابطے کو پورا کےنے میں مودی حکومت کے ناکام رہنے کے سلسلےمیں راجیہ سبھا میں جو تقریر کی تھی ، لیکن بدقسمتی سے وہ آج بھی سچ ہے۔
انہوں نے کہا ’’نائیڈو گارو ‘‘ جب تک مسائل کو پختہ عزم کے ساتھ نہیں اٹھایا جاتا، وزیر اعظم کے طور پر مسٹر مودی کی تیسری مدت کے بعد بھی ان وعدوں کے پورا ہونے کی کوئی امید نہیں ہے۔‘‘
کانگریس کے لیڈر نے کہا ” مسٹر مودی کو آندھرا پردیش کے لوگوں کو بھولے ہوئے پانچ اہم مسائل پر وضاحت کرنی چاہئے – آندھرا پردیش کو خصوصی زمرہ کا درجہ دیا جانا چاہئے، جیسا کہ انہوں نے (وزیر اعظم) نے مارچ 2014 میں مقدس تروپتی میں وعدہ کیا تھا۔
پولاورم ملٹی پرپز ایریگیشن پروجیکٹ جاری کیا جائے گا اور وشاکھاپٹنم اسٹیل پلانٹ ( وی ایس پی ) کی نجکاری روک دی جائے گی اور آندھرا پردیش میں ہیڈکوارٹر کے ساتھ نئے ساؤتھ کوسٹ ریلوے زون کو نافذ کیا جائے گا۔
رمیش نے کہا ’’ مودی کو ابھی بھی آندھرا پردیش تشکیل نو قانون کے مختلف وعدوں کو پورا کرنے کی ضرورت ہے، جن میں کڑپا اسٹیل انڈسٹری، دگراجپٹنم بندرگاہ، کاکیناڈا پیٹرو کمپلیکس اور زرعی یونیورسٹی کا قیام شامل ہے جو 10 سال سے زیر التواء ہیں۔‘‘