سدارامیا کے خلاف لوک آیوکتہ میں شکایت درج
بنگلورو،5؍ نومبر (ایس او نیوز) بی جے پی کے ترجمان این آر رمیش نے سابق وزیر اعلیٰ سدارامیا کے خلاف لوک آیوکتہ میں شکایت درج کرتے ہوئے الزام لگایا ہے کہ سدارامیا نے ان کے دور اقتدار ایک باوقار عہدہ کی تقرری کرکے چیک کے ذریعہ رقم حاصل کی ہے۔
لوک آیوکتہ دفتر میں دستاویزات کے ساتھ شکایت درج کرتے ہوئے رمیش نے کہا کہ 2014ء میں جب سدارامیا وزیر اعلیٰ تھے، کنگس کورٹ وویک نام سے مشہور ایل وویکا نندا سے 1کروڑ 30لاکھ روپئے حاصل کرکے بنگلور ٹرف کلب کے نگراں کار عہدہ پر نامزد کیا۔
انہوں نے بتایا کہ 3سال کی میعاد کے لئے بنگلور ٹرف کلب کی مجلس عاملہ اجلاس کی رکنیت کے لئے نامزد کیا اور لوک آیوکتہ اور ریاستی انتخابی کمیشن کو 21/اپریل 2018ء کو درج حلف نامہ میں قرضہ حاصل کرنے کی اطلاع دی۔