کولمبیا میں طیارہ حادثہ کے 16 دن بعد 4 لاپتہ بچے جنگل میں زندہ ملے، ایک بچے کی عمر ہے 11 ماہ

Source: S.O. News Service | Published on 19th May 2023, 12:11 AM | عالمی خبریں | ان خبروں کو پڑھنا مت بھولئے |

کولمبیا، 18؍مئی (ایس او نیوز؍ایجنسی) لاطینی امریکہ کے ایک مشہور ملک کولمبیا میں یکم مئی کو ایک طیارہ حادثہ ہوا تھا۔ اس حادثہ میں تین افراد کی موت ہو گئی تھی جب کہ 4 بچوں کی لاشیں برآمد نہیں ہوئی تھیں۔ اس حادثہ کے 16 دن بعد لاپتہ بچے جنگل سے برآمد ہوئے ہیں۔ بتایا جاتا ہے کہ طیارہ حادثہ کے بعد یہ بچے جنگل میں گم ہو گئے تھے جنھیں ریسکیو ٹیم کی سخت کوشش کے بعد بچا لیا گیا ہے۔

میڈیا رپورٹس کے مطابق یکم مئی کو ’سیسنا 206‘ طیارہ 7 افراد کو لے کر جا رہا تھا جب وہ ایمیزون جنگل میں گر کر تباہ ہو گیا۔ اس حادثے کی وجہ سے طیارے میں سوار پائلٹ سمیت 3 بالغ افراد ہلاک ہوگئے جن کی لاشیں ملبے میں ملیں۔ حالانکہ طیارے میں سوار 13 سال، 9 سال، 4 سال اور 11 ماہ کے 4 بچے حادثے میں بچ گئے، لیکن جنگل میں گم ہو گئے۔ 17 مئی کو کولمبیائی صدر گواستاوو پیترو نے ایک ٹوئٹ میں ان بچوں کے ملنے کی جانکاری دی۔

بتایا جاتا ہے کہ ان بچوں کو فوجیوں، فائر فائٹرز اور سول ایوی ایشن اتھارٹی کے عملے پر مشتمل ٹیم نے کولمبیا کے صوبہ کیکویتا واقع جنگل میں دریافت کیا۔ کولمبیائی صدر نے بتایا کہ سخت کوششوں کے بعد ہم نے طیارہ حادثہ کے بعد گم ہو جانے والے چاروں بچوں کو زندہ ڈھونڈ لیا ہے۔

واضح رہے کہ حادثے کے بعد سول ایوی ایشن اتھارٹی نے خیال ظاہر کیا تھا کہ یہ بچے حادثے کے بعد طیارے سے باہر نکل کر مدد کی تلاش میں جنگل کے اندر چلے گئے ہیں۔ بعد میں امدادی ٹیموں نے جنگل کی تلاش کے دوران پھلوں کے ٹکڑے دریافت کیے تھے جو ان بچوں نے کھا کر پھینکے تھے۔ اتنا ہی نہیں، بچوں کی جانب سے تیار کی جانے والی عارضی پناہ گاہوں کو بھی دیکھا گیا تھا۔

ایک نظر اس پر بھی

بنگلہ دیش سے 5000 سے زائد غیر ملکی طلباء نکلے

بنگلہ دیش میں ریزرویشن مخالف پرتشدد مظاہروں کی وجہ سے اب تک تقریباً ساڑھے چار ہزار ہندوستانی طلباء وطن واپس آچکے ہیں، نیپال، بھوٹان اور مالدیپ کے تقریباً پانچ سو دیگر طلباء بھی ہندوستان آئے ہیں۔ وزارت خارجہ نے کل یہاں ایک بیان میں کہا کہ گزشتہ دو دنوں سے ڈھاکہ میں ہندوستانی ...

فسادات زدہ بنگلہ دیش سے تقریباً 1000 ہندوستانی طلباء کی وطن واپسی

بنگلہ دیش میں کوٹہ سسٹم کے خلاف جاری طلباء کے احتجاج کی وجہ سے حالات بدستور تشویشناک ہے۔ صورتحال کی سنگینی کو دیکھتے ہوئے تقریباً 1000 ہندوستانی طلباء وہاں سے ہندوستان واپس آ گئے ہیں۔ وزارت خارجہ نے ہفتے کے روز کہا کہ اس نے ہندوستانی شہریوں کی واپسی کے لیے تمام انتظامات کئے۔ ...

بنگلہ دیش کوٹہ سسٹم احتجاج: 100 سے زائد افراد ہلاک، 2500 زخمی، ملک بھر میں کرفیو، سڑکوں پر فوج کا پہرہ

بنگلہ دیش میں سرکاری ملازمتوں میں کوٹہ سسٹم کے خاتمے کا مطالبہ کرتے ہوئے طلباء کا پرتشدد احتجاج جاری ہے۔ چند ہفتے قبل ملک بھر میں شروع ہونے والی پرتشدد جھڑپوں میں اب تک 105 افراد ہلاک ہو چکے ہیں۔

نیپال لینڈ سلائڈنگ حادثہ: اب تک 4 ہندوستانیوں سمیت 19 افراد کی لاشیں برآمد، راحت و بچاؤ کاری کا عمل جاری

گزشتہ ہفتہ نیپال کے چتون ضلع میں لینڈ سلائڈنگ کے بعد دو بسیں طغیانی مارتی ہوئی ندی میں بہہ گئی تھیں جس میں سوار لوگوں کی لاشیں برآمد ہونے کا سلسلہ جاری ہے۔ دراصل لینڈ سلائڈنگ کے بعد تباہی جیسے حالات پیدا ہو گئے ہیں اور فوجیوں کو راحت و بچاؤ کاری میں کافی دقتیں پیش آ رہی ہیں۔ ...

بہار کو نہیں ملے گا خصوصی ریاست کا درجہ!، مودی حکومت کے فیصلے پر کانگریس اور آر جے ڈی حملہ آور

کانگریس نے اپنے آفیشیل ’ایکس‘ ہینڈل پر ایک پوسٹ شیئر کیا ہے جس میں بتایا گیا ہے کہ مودی حکومت نے بہار کو خصوصی ریاست کا درجہ نہ دینے کا فیصلہ کر لیا ہے۔ ویڈیو کی شکل میں کیے گئے اس پوسٹ میں بتایا گیا ہے کہ بہار کی عوام لگاتار خصوصی ریاست کا درجہ دیے جانے کا مطالبہ کر رہے ہیں، ...

کیرالہ میں نپاہ وائرس سے لڑکے کی موت، مرکزی حکومت کا کثیر رکنی رسپانس ٹیم تعینات کرنے کا فیصلہ

  کیرالہ میں نپاہ وائرس سے 14 سالہ لڑکے کی موت کے بعد مرکزی حکومت حرکت میں آ گئی ہے۔ مرکز نے اقدام لیتے ہوئے ریاست میں اس معاملے کی تحقیقات، وبا پر قابو پانے اور تکنیکی تعاون کے لیے ایک کثیر رکنی رسپانس ٹیم کو تعینات کرنے کا فیصلہ کیا ہے۔

ہریانہ کے نوح میں ایک بار پھر انٹرنیٹ خدمات پر پابندی عائد

  ہریانہ کے ضلع نوح (علاقہ میوات) میں ریاستی حکومت نے 24 گھنٹے کے لیے موبائل انٹرنیٹ خدمات پر پابندی لگانے کا فیصلہ کیا ہے۔ حکومت کی جانب سے لیا گیا یہ فیصلہ اتوار کی شام 6 بجے سے نافذ العمل ہوگا اور یہ پابندی پیر کی شام 6 بجے تک جاری رہے گی۔