بی جے پی مغربی بنگال میں جعلی ویڈیو پھیلا رہی ہے، وزیر اعلیٰ ممتا بنرجی کا سنسنی خیز الزام

Source: S.O. News Service | Published on 17th April 2024, 12:32 PM | ملکی خبریں |

کولکاتہ، 17 /اپریل (ایس او نیوز /ایجنسی) مغربی بنگال کی وزیر اعلیٰ ممتا بنرجی نے بی جے پی پر سخت تنقید کرتے ہوئے اس پر ریاست میں جعلی ویڈیو پھیلانے کا سنسنی خیزالزام لگایا ہے۔ ایک انتخابی ریلی میں انہوں نے کہا کہ بی جے پی جعلی ویڈیو بنانے کے لیے کروڑوں روپے خرچ کر رہی ہے اور پھر انہیں سوشل میڈیا پر پھیلا رہی ہے۔ جو کچھ بھی آپ دیکھتے ہیں اس پر بھروسہ نہ کریں کیونکہ وہ ہمیشہ جھوٹ کا سہارا لیتی ہے۔

شمالی بنگال کے جلپائی گوڑی میں پارٹی کی جانب سے ایک انتخابی جلسۂ عام کا انعقاد کیا گیا تھا جس سے وہ خطاب کر رہی تھیں۔ اس موقع پر انہوں نے کہا کہ بی جے پی کے لوگ جعلی ویڈیو بناتے ہیں اور اسے سوشل میڈیا پر وائرل کرتے ہیں۔ انہوں نے لوگوں سے اپیل کی کہ سوشل میڈیا پر آپ جو کچھ دیکھتے ہیں اس پر یقین نہ کریں کیونکہ وہ ہمیشہ جھوٹ کا ہی سہارا لیتے ہیں۔

مغربی بنگال کی وزیر اعلیٰ نے اپنی تقریر میں مرکزی ایجنسیوں کے ایک گروپ پر بی جے پی کی حمایت کے لیے عام لوگوں کو ہراساں کرنے کا بھی الزام لگایا۔ انہوں نے کہا کہ وہ (مرکزی ایجنسیاں) بی جے پی کے چھوٹے بھائیوں کی طرح کام کر رہی ہیں اور بی جے پی کی حمایت کے لیے عام لوگوں کو ہراساں کرنے کی کوشش کر رہی ہیں۔ انہوں نے مزید کہا کہ انتخابات سے قبل مغربی بنگال میں مرکزی ایجنسیوں کا زیادہ سے زیادہ استعمال کیا جا رہا ہے تاکہ بی جے پی کی مدد کی جا سکے۔

ممتا بنرجی نے کہا کہ بی جے پی اس بات کو اچھی طرح سمجھ رہی ہے کہ وہ جیت نہیں پائے گی اس لیے وہ ہار کے خوف سے جھوٹ پھیلا رہی ہے۔ بی جے پی کے لوگوں کو اس بات کا اچھی طرح احساس ہے کہ وہ نہیں جیتیں گے۔ 2019 کے لوک سبھا انتخابات میں بی جے پی کو ووٹ دینے والوں کو اب اپنی غلطی کا احساس ہو رہا ہے، اس مرتبہ وہ غلطی نہیں کریں گے۔ وزیر اعلیٰ نے رام نومی تہوار کے موقع پر کشیدگی کے اندیشوں کے پیشِ نظر انتباہ بھی جاری کیا۔ انہوں نے لوگوں سے کہا کہ وہ کسی بھی قسم کی اشتعال انگیزی میں نہ پھنسیں۔

ایک نظر اس پر بھی

انتخابات کے اعدادوشمار پر سپریم کورٹ نے الیکشن کمیشن کو جاری کیا نوٹس

ملک بھر میں انتخابی ماحول ہے۔ لوک سبھا انتخابات کے چار مراحل مکمل ہو چکے ہیں۔ اب انتخابات کا پانچواں مرحلہ 20 مئی کو ہونا ہے۔ دریں اثنا، سپریم کورٹ میں ایک درخواست دائر کی گئی جس میں پولنگ اسٹیشنوں پر ریکارڈ شدہ ووٹوں کے اکاؤنٹ کو فوری طور پر اپ لوڈ کرنے کی ہدایت کی مانگ گئی ہے۔

لوک سبھا انتخابات: انتخابی مہم کا پانچواں دور آج شام ختم ہوگا، 20 مئی کو 8 ریاستوں کی 49 سیٹوں پر ووٹنگ

  لوک سبھا انتخابات کے پانچویں دور کی انتخابی مہم آج شام ختم ہو جائے گی۔ 20 مئی کو ہونے والی ووٹنگ کے دوران 6 ریاستوں اتر پردیش، بہار، مغربی بنگال، مہاراشٹر، اڈیشہ، جھارکھنڈ اور دو مرکز کے زیر انتظام علاقوں جموں کشمیر اور لداخ کی کل 49 نشستوں پر ووٹ ڈالے جا رہے ہیں۔

کنہیا کمار پر حملہ بی جے پی کی مایوسی کا نتیجہ: کانگریس

  کانگریس نے پارٹی کے شمال مشرقی دہلی کے لوک سبھا امیدوار کنہیا کمار پر حملے کی مذمت کرتے ہوئے اسے بھارتیہ جنتا پارٹی (بی جے پی) کی بزدلانہ حرکت اور انتخابات میں شکست پر مایوسی قرار دیا اور کہا کہ ملک کی سب سے پرانی جماعت پر اس طرح کی حرکتوں کاکوئی اثر ہونے والا نہیں ہے۔

اروند کیجریوال کی گرفتاری کو چیلنج کرنے والی عرضداشت پر سپریم کورٹ نے فیصلہ محفوظ رکھا

سپریم کورٹ نے جمعہ (17 مئی) کو دہلی کے وزیر اعلی اروند کیجریوال کی ای ڈی کے ذریعے آبکاری پالیسی کے تحت گرفتاری کو چیلنج کرنے والی عرضداشت پر اپنا فیصلہ محفوظ رکھ لیا ہے۔ جسٹس سنجیو کھنہ اور جسٹس دیپانکر دتّہ کی بنچ نے فیصلہ محفوظ کرتے ہوئے اروند کیجریوال کو ضمانت کے لیے نچلی ...

دہلی میں بڑھتی آلودگی کی ذمہ دار مودی حکومت ہے، کانگریس کا سنگین الزام

دہلی میں بڑھتی آلودگی کے لیے کانگریس نے مرکز کی مودی حکومت کو ذمہ دارٹھہریا ہے۔ کانگریس کے جنرل سکریٹری جے رام رمیش نے آج (17 مئی) کو ایک پریس کانفرنس میں کہا ہے کہ معیار کو نظر انداز کرتے ہوئے دہلی میں تقریباً ایک درجن بجلی گھروں میں کوئلہ استعمال کیا جا رہا ہے اور مرکز کی ...

بی جے پی محکمہ پولیس میں بھی اگنی ویر اسکیم لانے کی تیاری کر رہی ہے، تیجسوی یادو کا بڑا دعویٰ

بہار کے سابق نائب وزیر اعلی تیجسوی یادو نے مرکز کی اگنی ویر اسکیم کے تعلق سے ایک بڑا دعویٰ کیا ہے۔ انہوں نے کہا ہے کہ مرکز کی بی جے پی حکومت محکمہ پولیس میں بھی فوج کی طرح اگنی ویر اسکیم لانے کی تیاری کر رہی ہے۔ ملک بھر کے نوجوانوں کا سب سے بڑا مسئلہ اگنی ویر اسکیم ہے۔ ہم نے حکام ...