کرناٹک کے سابق وزیر اعلیٰ یڈی یورپا کو سی آئی ڈی کا نوٹس، پوسکو معاملے میں تفتیش کے لیے طلب

Source: S.O. News Service | Published on 13th June 2024, 10:37 AM | ریاستی خبریں |

بنگلورو، 13/ جون (ایس او نیوز /ایجنسی) سی آئی ڈی نے بی جے پی کے سینئر لیڈر اور کرناٹک کے سابق وزیر اعلیٰ بی ایس یڈ ی یورپا کو ان کے خلاف درج پروٹیکشن آف چلڈرن فرام سیکسوئل افینس ایکٹ (پوسکو) کیس میں تفتیش کے لیے طلب کیا ہے۔ سی آئی ڈی نے اس کے لیے انہیں نوٹس بھی جاری کیا ہے۔ یڈی یورپا پر پوسکو اور تعزیرات ہند کی دفعہ 354 A کے تحت مقدمہ درج ہے۔ یہ مقدمہ ایک 17 سالہ لڑکی کی ماں کی شکایت پر درج کیا گیا تھا۔

رپورٹ  کے مطابق یڈی یورپافی الوقت دہلی میں ہیں اور ان کی واپسی کے بعد ان کے سی آئی ڈی کی تفتیش میں شامل ہونے کا امکان ہے۔ ان پر الزام ہے کہ انہوں نے رواں سال 2 فروری کو ایک میٹنگ کے دوران شکایت کنندہ کی بیٹی کے ساتھ جنسی زیادتی کی تھی۔ سداشیو نگر پولیس کے ذریعے 14 مارچ کو کیس درج کیے جانے کے چند گھنٹے بعد ہی ڈائریکٹر جنرل آف پولیس آلوک موہن نے فوری طور پر مزید تحقیقات کے لیے کیس سی آئی ڈی کو سونپنے کا حکم جاری کیا تھا۔ یڈی یورپا پر الزامات لگانے والی 54 سالہ خاتون کا پھیپھڑوں کے کینسر کی وجہ سے گزشتہ ماہ ایک پرائیویٹ اسپتال میں انتقال ہو گیا۔

بی جے پی کے سینئر لیڈر نے اس الزام کو مسترد کرتے ہوئے کہا ہے کہ وہ قانونی طور پر اس مقدمے کا سامنا کریں گے۔ پارٹی ذرائع کے مطابق سی آئی ڈی نے انہیں منگل کو ایک نوٹس بھیجا تھا جس میں انہیں بدھ کو پولیس کے سامنے پیش ہونے کو کہا گیا تھا۔ چونکہ وہ اس وقت دہلی میں ہیں اس لیے انہوں نے وقت طلب کیا ہے۔ وہ تین دن کے بعد پولیس کے سامنے پیش ہوں گے۔ پولیس نے کہا ہے کہ سی آئی ڈی پہلے ہی ضابطہ فوجداری کی دفعہ 164 کے تحت متاثرہ اور اس کی ماں کا بیان ریکارڈ کر چکی ہے۔

ایک نظر اس پر بھی

بینگلورو: دھوتی میں ملبوس کسان کو داخلہ نہ دینے کا معاملہ : حکومت نے دیا سات دن کے لئے مال بند کرنے کا حکم 

دو دن قبل بینگلورو کے ایک مال میں ایک عمر رسیدہ کسان اور اس کے اہل خانہ  کو اس وجہ سے داخلہ دینے سے انکار کیا گیا تھا کہ وہ کسان دھوتی میں ملبوس تھا ۔ اس واقعے کی ویڈیو کلپ وائرل ہونے کے بعد اس کے خلاف آوازیں اٹھنے لگی تھیں اور مال کے خلاف کارروائی کا مطالبہ کیا جا رہا تھا ۔ 

کرناٹک پرائیویٹ فرموں میں کناڈیگاس کے لیے 100فیصد کوٹہ لازمی کرنے والا بل منظور

کرناٹک کی کابینہ نے ایک بل کو منظور کیا ہے جس میں کننڈیگاس کو گروپ سی اور ڈی کے عہدوں کے لیے نجی شعبے میں 100 فیصد ریزرویشن لازمی قرار دیا گیا ہے،  وزیر اعلیٰ سدرامیا نے کہا۔یہ فیصلہ پیر کو ہونے والے کابینہ کے اجلاس میں کیا گیا۔

اگر میرے بیٹے نے کوئی جرم کیا ہے تو پھانسی دے دو ؛پرجول ریونا کے والد ایچ ڈی ریونا کا بیان

جے ڈی ایس ایم ایل اے اور سابق وزیر ایچ ڈی۔ ریونا نے کہا ہے کہ ان کے بیٹے پرجول ریوانا، جو کئی خواتین کے ساتھ جنسی زیادتی کے الزامات کا سامنا کر رہے ہیں، اگر اس نے کوئی جرم کیا ہے تو اسے پھانسی دی جانی چاہیے۔