لوک سبھا انتخابات کا چوتھا مرحلہ ؛ حیدر آباد میں بی جے پی امیدوار کے خلاف کیس درج، برقع پوش خواتین سے بدسلوکی کا الزام، ویڈیو وائرل

Source: S.O. News Service | Published on 13th May 2024, 7:53 PM | ملکی خبریں |

حیدرآباد، 13/مئی (ایس او نیوز /ایجنسی) لوک سبھا انتخابات کے چوتھے مرحلے میں اج پیر کو ہوئی ووٹنگ کے دوران حیدر آباد لوک سبھا حلقہ کی بی جے پی امیدوار مادھوی لتا کے خلاف متعدد دفعات کے تحت معاملہ درج کرلیا ہے۔

مادھوی لتا پر الزام ہے کہ اس نے کئی برقع پوش خواتین کو چہرہ دکھانے اور ووٹر شناختی کارڈ دکھانے کے لئے مجبور کررہی تھی، بتایا گیا ہے اس تعلق سے سوشیل میڈیا پر ایک وڈیو وائرل ہوئی جس میں وہ ایک بوتھ پر  برقع پوش  کچھ مسلم خواتین ووٹرس سے ان کے چہرے کا نقاب ہٹانے کہہ رہی تھیں۔ ویڈیو میں وہ مسلم خواتین کو شناختی کارڈ اور اپنا چہرہ دکھانے کے لیے مجبور کرتی بھی نظر آئی۔ اسی بدسلوکی کے الزام میں اس کے خلاف معاملہ درج کیا گیا ہے۔

میڈیا ذرائع کے مطابق حیدر آباد کے ملک پیٹ تھانہ میں مادھوی لتا کے خلاف تعزیرات ہند کی دفعات 171 سی، 186، 505(1)(سی) اور عوامی نمائندگی ایکٹ کی دفعہ 132 کے تحت معاملہ درج کیا گیا ہے۔ ویڈیو وائرل ہونے کے بعد حیدر آباد ضلع کلکٹر اور ضلع مجسٹریٹ انودیپ دُری شیٹی (جو حیدر آباد لوک سبھا حلقہ کے ریٹرننگ افسر بھی ہیں) نے کہا کہ مادھوی لتا کے خلاف معاملہ درج کر لیا گیا ہے۔ مادھوی لتا کا سیدھا مقابلہ اے آئی ایم آئی ایم چیف اسدالدین اویسی سے ہے جو لگاتار پانچویں مرتبہ حیدر آباد سے انتخاب لڑ رہے ہیں۔

مسلم خواتین سے بدسلوکی کے الزامات پر مادھوی لتا نے کہا کہ ’’90 فیصد بوتھوں پر گڑبڑی ہوئی ہے۔ پولیس خاتون کانسٹیبل کو ووٹر شناختی کارڈ کے ساتھ چہرے کی جانچ کرنے کی ہدایت نہیں دینا چاہتی ہے۔ جب میں نے پولیس افسر سے پوچھا تو انھوں نے کہا کہ یہ ان کی ذمہ داری نہیں ہے۔‘‘

ایک نظر اس پر بھی

بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن ...

دہلی-این سی آر میں شدید گرمی کا سلسلہ جاری، درجہ حرارت 47 ڈگری سے متجاوز، محکمہ موسمیات نے جاری کیا الرٹ

دہلی شدید گرمی کی لپیٹ میں ہے اور آئی ایم ڈی نے جمعہ تک انتہائی درجہ حرارت کو لے کر ریڈ الرٹ جاری کیا ہے۔ گرمی اس حد تک تباہی مچا رہی ہے کہ پیر کو بھی دہلی کے کچھ حصوں میں درجہ حرارت 47 ڈگری سیلسیس کو پار کر گیا تھا۔ دریں اثنا، محکمہ موسمیات نے قومی راجدھانی میں گرمی کی لہر کے حالات ...

بی جے پی کیجریوال پر حملہ کرا سکتی ہے؛ عآپ رکن پارلیمنٹ سنجے سنگھ کا سنگین الزام

عآپ کے سینئر لیڈر اور راجیہ سبھا رکن سنجے سنگھ نے بی جے پی پر سنگین الزام عائد کرتے ہوئے کہا ہے کہ بی جے پی کیجریوال پر قاتلانہ حملہ کروانے کی سازش تیار کر رہی ہے۔ ان کا کہنا ہے کہ ’’کیجریوال کے جیل سے باہر آنے سے بی جے پی بوکھلائی ہوئی ہے۔ اب یہ لوگ کیجریوال پر قاتلانہ حملہ ...

کیجریوال کی خودسپردگی سے قبل ہی ای ڈی عدالت پہنچ گئی، عبوری ضمانت ختم ہوتے ہی حراست کا مطالبہ

 دہلی کے وزیر اعلی اروند کیجریوال کو سپریم کورٹ نے مبینہ دہلی آبکاری پالیسی گھوٹالہ سے متعلق منی لانڈرنگ کیس میں 10 مئی کو عبوری ضمانت دی تھی۔ انہیں 2 جون کو عدالت میں خودسپردگی کرنی ہے۔ مگر ان کی خودسپردگی سے قبل ہی ای ڈی انہیں حراست میں لینے کے لیے عدالت پہنچ گئی۔ ای ڈی ...