بنٹوال 11 / فروری (ایس او نیوز) بی سی روڈ - پونجلکٹے نیشنل  ہائی وے پر کے ایس آر ٹی سی بس اور ٹینکر کے بیچ ٹکر ہوئی ٹکر کے بعد  بس قریب میں  واقع گھر کے اندر گھس گئی ، جس کے نتیجے میں بس پر سوار چار مسافر زخمی ہوگئے۔

پتہ چلا ہے کہ     تصادم کی وجہ سے ڈرائیور بس پر قابو نہیں رکھ سکا اور بس بوجنگا مولیا نامی شخص کے گھر کی دیوار اور چھت سے ٹکرا گئی ۔ جس سے  گھر کو جزوی طور پر نقصان پہنچا۔ بتایا گیا ہے کہ قومی شاہراہ کو چوڑا کرنے کے بعد ان کے گھر کے معاوضے کی رقم ابھی تک نہیں پہنچی، جس کی وجہ سے یہ مکان ہائی وے سے لگ کر ہی لگا ہے، ایسے میں  اہل خانہ اپنی جان کے خوف سے  اُسی گھر میں زندگی گزار رہے ہیں۔

میلکار ٹریفک پولس اے ایس آئی وجئے  اپنے دیگر اہلکاروں رمیش اور راجو پجاری کے ساتھ جائے وقوع پر پہنچ گئے  اور معاملہ درج کرلیا۔