بنگلور و،27/مئی (ایس او  نیوز/ایجنسی ) انتخابات سے قبل کئے گئے اعلان کے مطابق ریاستی  حکومت کی طرف سے پانچ گارنٹی اسکیمیں نافذ جارہی ہیں۔ ریاست میں یہ افواہ پھیل رہی ہے کہ یہ اسکیمیں صرف ان لوگوں کو دی  جارہی ہیں جن کے پاس  بی پی ایل کارڈ ہے۔ اس کا طرح بی پی ایل کارڈ کے لیے درخواست دینے والوں کی تعداد میں اضافہ ہورہا ہے۔ تاہم محکمہ خوراک نے واضح کیا ہے کہ ہم نئے بی پی ایل کا رڈ جاری کرنے کے لیے درخواستیں قبول نہیں کر رہے ہیں۔

اس بارے میں بات کرتے ہوئے محکمہ خوراک کے ایڈیشنل ڈائریکٹر گیا نیندر نے کہا کہ نئے بی پی ایل کارڈ جاری کرنے کے لیے حکومت کی منظوری حاصل کرنا ہوتا ہے۔ حکومت سے منظوری کے بعد ہی بی پی ایل کارڈ کے لیے عرضیاں حاصل کی جائیں گی۔ انہوں نے کہا کہ نئے بی پی ایل کارڈ کی درخواست کے لیے درخواستیں قبول کرنے کا عمل جون یا جولائی کے مہینے سے شروع ہوگا۔ اسی لیے محکمہ خوراک کی ویب سائٹ بھی بند کر دی گئی ہے۔ 2020 سے 2023 تک نیا راشن کارڈ حاصل کرنے کے لیے  8 لاکھ سے زیادہ درخواستیں جمع کی گئیں تھی۔

انہوں نے کہا کہ ہم نے 3 ماہ قبل 1.50 لاکھ سے زیادہ نئے کارڈ جاری کیے ہیں۔ اب گرو ہالکشمی اور انا بھاگیہ جیسی اسکیمیں حاصل کرنے کے لیے نئے کارڈ کی درخواست دینے والوں کی تعداد میں اضافہ ہوا ہے۔ گزشتہ 15 دنوں میں درخواستیں دینے والوں کی تعداد میں اضافہ ہوتا ہی جارہا ہے۔ انہوں نے کہا کہ وہ ہمارے ٹول فری نمبر پر بھی کال کر کے پوچھ رہے ہیں۔ ہم کسی بھی بی پی ایل کارڈ کے لیے درخواستیں قبول نہیں کر رہے ہیں۔ الیکشن کے اعلان کے بعد انتخابی ضابطہ اخلاق کے مطابق نئی درخواستیں قبول نہیں کی جائیں گی ۔ 3لاکھ سے زائد درخواستیں زیر التوا ہیں جو پہلے ہی جمع کرائی جاچکی ہیں۔ تو اب نئے راشن کارڈ کی درخواستیں قبول نہیں کی جائیں گی۔