بینگلوروکے ایک اسکول میں طالبات کے سامنے لڑکوں کی فحش حرکت‘ شکایت درج

Source: S.O. News Service | Published on 4th August 2023, 3:07 PM | ریاستی خبریں |

بینگلورو،4/اگست (ایس او نیوز/ایجنسی) خانگی اسکول کی طالبات کے سامنے فحش حرکت کرنے پر ہم جماعت لڑکوں کے گروپ کے خلاف ایف آئی آر درج کی گئی۔ یہ واقعہ بسویشور نگر پولیس اسٹیشن کی حدود میں پیش آیا۔ پولیس کے مطابق ایک طالبہ کے والدین نے پولیس میں اس کی شکایت کی۔

آٹھویں جماعت کے لڑکوں نے منگل کو فحش حرکت کی۔ شکایت کنندہ نے الزام عائد کیاکہ ملزم لڑکوں نے اپنے کپڑے اتاردیے اور لڑکیوں کے ساتھ ناشائستہ حرکت کرتے ہوئے انہیں اذیت پہنچائی۔

 گھر پہنچنے کے بعد طالبات نے یہ معاملہ اپنے والدین کے علم میں لایا۔ ایک سرپرست نے انگریزی کی جماعت میں پیش آئے اس واقعہ پر انتظامیہ سے سوال کیا اور لڑکوں اور اسکول انتظامیہ کی لاپرواہی کے خلاف کارروائی کا مطالبہ کیا۔

 تاہم انتظامیہ نے شکایت کو نظرانداز کیا۔ آخری بنچ پر بیٹھنے والے ملزم لڑکے فحش حرکتوں میں ملوث تھے۔ سرپرستوں نے طلباء کی جانب سے اسناپ چیاٹ کے استعمال پر بھی تشویش ظاہر کی۔

ایک نظر اس پر بھی

بی جے پی نے کانگریس ایم ایل اے کو 50 کروڑ روپے کی پیشکش کی؛ سدارامیا کا الزام

کرناٹک کے وزیر اعلی سدارامیا نے ہفتہ کو بھارتیہ جنتا پارٹی (بی جے پی) پر الزام لگایا کہ وہ کانگریس کے اراکین اسمبلی کو وفاداری تبدیل کرنے کے لیے 50 کروڑ روپے کی پیشکش کرکے 'آپریشن لوٹس' کے ذریعے انکی حکومت کو غیر مستحکم کرنے کی کوششوں میں ملوث ہے۔

لوک سبھا انتخاب 2024: کرناٹک میں کانگریس کو حاصل کرنے کے لیے بہت کچھ ہے

کیا بی جے پی اس مرتبہ اپنی 2019 لوک سبھا انتخاب والی کارکردگی دہرا سکتی ہے؟ لگتا تو نہیں ہے۔ اس کی دو بڑی وجوہات ہیں۔ اول، ریاست میں کانگریس کی حکومت ہے، اور دوئم بی جے پی اندرونی لڑائی سے نبرد آزما ہے۔ اس کے مقابلے میں کانگریس زیادہ متحد اور پرعزم نظر آ رہی ہے اور اسے بھروسہ ہے ...

تعلیمی میدان میں سرفہرست دکشن کنڑا اور اُڈپی ضلع کی کامیابی کا راز کیا ہے؟

ریاست میں جب پی یوسی اور ایس ایس ایل سی کے نتائج کا اعلان کیاجاتا ہے تو ساحلی اضلاع جیسےدکشن کنڑا  اور اُ ڈ پی ضلع سر فہرست ہوتے ہیں۔ کیا وجہ ہے کہ ساحلی ضلع جسے دانشوروں کا ضلع کہا جاتا ہے نے ریاست میں بہترین تعلیمی کارکردگی حاصل کی ہے۔

این ڈی اے کو نہیں ملے گی جیت، انڈیا بلاک کو واضح اکثریت حاصل ہوگی: وزیر اعلیٰ سدارمیا

کرناٹک کے وزیر اعلیٰ سدارمیا نے ہفتہ کے روز اپنے بیان میں کہا کہ لوک سبھا انتخاب میں این ڈی اے کو اکثریت نہیں ملنے والی اور بی جے پی کا ’ابکی بار 400 پار‘ نعرہ صرف سیاسی اسٹریٹجی ہے۔ میسور میں صحافیوں سے بات کرتے ہوئے سدارمیا نے یہ اظہار خیال کیا۔ ساتھ ہی انھوں نے کہا کہ ...