بی جے پی کانگریس کو اقتدار میں آنے سے باز رکھ رہی ہے: کانگریس صدر ملیکارجن کھرگے کا دعویٰ

Source: S.O. News Service | By I.G. Bhatkali | Published on 9th November 2023, 11:58 PM | ملکی خبریں |

نئی دہلی 9/ نومبر (ایس او نیوز/پی ٹی آئی ) کانگریس کے صدر ملکارجن کھرگے نے آج بی جے پی کے اقتدار والی حکومت پر تنقیدکرتے ہوئے دعویٰ کیا کہ بی جے پی ان کی پارٹی کو اقتدار میں آنے سے باز رکھنے کیلئے ای ڈی، سی بی آئی اور آئی ٹی ڈپارٹمنٹ کا استعمال کررہی ہے۔

کانگریسی صدر نے چھتیس گڑھ میں ریلی سے خطاب کرتے ہوئے کہا کہ آر ایس ایس ، بی جے پی اور وزیر اعظم نریندر مودی آئین کو تبدیل کرنے کی کوشش کر رہے ہیں۔ان کی کوششوں کو روکنے کیلئے کانگریس کی ۵؍ ریاستوں میں جیت ضروری ہے جن میں چھتیس گڑھ بھی اہم ہے۔خیال رہے کہ منگل کو میزروم اسمبلی کے پہلے مرحلے کے انتخابات متوقع ہے۔اس ماہ کے آخرمیں چھتیس گڑھ کے دوسرے مرحلے کے انتخابات ، راجستھان ، مدھیہ پردیش اور تلنگانہ میں الیکشن ہوں گے۔کھرگے نے دعویٰ کیا کہ کانگریس غریبوں کیلئے لڑے گی جبکہ بی جے پی اڈانی اور امیروں کیلئے۔انہوں نے ان پانچ ریاستوں میں ہونے والے اسمبلی انتخابات کے حوالے سے کہا کہ یہ الیکشن ملک کے مستقبل کو بدلیں گےاور یہ نہایت اہم ہیں کیونکہ آر ایس ایس ، وزیر اعظم نریندر مودی اور بی جے پی آئین کو تبدیل کرنے کی کوشش کر رہے ہیں۔انہوں نے لوگوں کو محروم رکھا ہے۔ 

انہیں روکنے کیلئے ان پانچ ریاستوں میں کانگریس کی جیت نہایت اہم ہے جن میں چھتیس گڑھ قابل ذکر ہے۔کھرگے نے مودی کو نشانہ بناتے ہوئے دوبارہ کہا کہ مودی جی کہتے ہیں کہ انہوں نے ملک کیلئے بہت کچھ کیا اور کانگریس سے سوال کرتے ہیں کہ اس نے ملک کیلئے کیا کیا ہے۔کانگریس کو اقتدار میں آنے سے روکنے کیلئے اور اس کے لیڈران اور کارکنان کو نشانہ بنانے کیلئے بی جے پی کے اقتدار والی حکومت ای ڈی، سی بی آئی اور آئی ٹی کا استعمال کر رہی ہے۔

انہوں نے کانگریس کے حوالے سے کہا کہ پھر بھی ہم ڈرنے والے نہیں ہیں۔کانگریس کھڑی رہے گی اور بھوپیش بگھیل دوسری مرتبہ وزیر اعلیٰ کا عہدہ سنبھالیں گے۔اعلیٰ کمان جو بھی فیصلہ کرے گی وہ ہوگا۔ہم اپنے وعدوں کو پورا کریں گے جیسا ہم نے پچھلی مرتبہ کیا تھا۔

ایک نظر اس پر بھی

مہاراشٹرا کے طلبہ توجہ دیں؛ بارہویں سائنس کے بعدڈائریکٹ سیکنڈ ایئر انجیئنرنگ ڈپلومہ کورسس میں داخلے

بارہویں سائنس میں کامیاب طلباء و طالبات کو یہ اطلاع دیجاتی ہے کہ ریاست مہاراشٹرا کی تمام پولی ٹیکنک کالجوں میں ڈائریکٹ سیکنڈ ایئر انجینئرنگ ڈپلومہ کورسیس (پولی ٹیکنیک) میں داخلہ کے لئے رجسٹریشن کا آغاز ہو چکا ہے

سابق ایم ایل سی محمد اقبال کے1097 کروڑ روپے کے اثاثوں کوای ڈی نے ضبط کیا

انفورسمنٹ ڈائریکٹوریٹ (ای ڈی) نے سہارنپور میں غیر قانونی کانکنی کے معاملے میں بڑی کارروائی کی ہے۔ ای ڈی نے بی ایس پی کے سابق ایم ایل سی محمد اقبال کی گلوکل یونیورسٹی کی 121 ایکڑ زمین اور تمام عمارتوں کو ضبط کر لیا ہے۔ بی ایس پی کے سابق ایم ایل سی محمد اقبال کی ضبط کی گئی جائیداد کی ...

لوک سبھا اسپیکر الیکشن کے لئے انڈیا الائنس کی حکمت عملی

لوک سبھا انتخابات کے بعد ایک بار پھر مرکز میں مودی حکومت بن گئی ہے۔ اب لوک سبھا کے اسپیکر کے لیے انتخابات ہونے ہیں، اس کو لے کر سیاست شروع ہو گئی ہے۔ ذرائع کے مطابق اپوزیشن جماعت اسپیکر کے انتخاب کے لیے اپنا امیدوار کھڑا کرسکتی ہے۔ اگر ڈپٹی اسپیکر کا عہدہ اپوزیشن کو دیا گیا تو ...

طلبا تنظیم این ایس یو آئی نے نیٹ کا امتحان دوبارہ کرانے کا کیا مطالبہ، این ٹی اے پر فوری پابندی لگانے کی اپیل

این ایس یو آئی (نیشنل اسٹوڈنٹس یونین آف انڈیا) کے قومی صدر ورون چودھری کی قیادت میں آج یونین دفتر سے جنتر منتر تک پرامن مشعل مارچ منعقد کیا گیا۔ اس مارچ کا مقصد حال ہی میں ہوئے این ٹی اے اور نیٹ امتحان گھوٹالہ کے خلاف بیداری پیدا کرنا اور احتجاج درج کرنا تھا، جس نے پورے ملک ...

نیٹ پرچہ سوالات افشاء کیس، امتحان سے ایک دن پہلے پیپر ملنے کا انکشاف

بہار پولیس کے معاشی جرائم یونٹ (ای او یو) نے جو نیشنل ایلجبلیٹی کم انٹرنس ٹسٹ (نیٹ۔ یوجی) 2024ء میں پرچہئ سوالات کے افشاء کی تحقیقات کررہی ہے، ہفتہ کے روز 11 امیدواروں کو نوٹسیں روانہ کی ہیں، جن پر اس جرم میں ملوث ہونے کا شبہ ہے۔