بی جے پی کو3-1 سے ملی شاندار کامیابی؛ ایم پی میں بی جے پی نے کی واپسی، راجستھان اور چھتیس گڑھ سے کانگریس کا کیا صفایا

Source: S.O. News Service | By I.G. Bhatkali | Published on 4th December 2023, 12:46 AM | ملکی خبریں |

نئی دہلی 3/ دسمبر(ایس او نیوز)2024 لوک سبھا انتخابات سے عین کچھ ماہ قبل بی جے پی نے شاندار کامیابی کا مظاہرہ پیش کرتے ہوئے چار اسمبلی انتخابات میں تین۔ ایک سے کامیابی درج کرلی ہے اور کانگریس کو چاروں خانے چت کردیا ہے۔ ماہ نومبر میں ہوئے چارریاستوں کے اسمبلی انتخابات کے ووٹوں کی گنتی آج اتوار کو ہوئی۔

اتوار کو جب ووٹوں کی گنتی کا عمل شروع ہوا تو ابتدا میں ہی رحجانات آنے شروع ہوگئے تھے کہ بی جے پی کانگریس کو پچھاڑتے ہوئے آگے نکل رہی ہے۔ دوپہر تک مطلع صاف ہونے لگا کہ  تین ہندی بولنے والی ریاستوں میں بی جے پی بڑی جیت درج کررہی ہے۔

چار ریاستوں مدھیہ پردیش، راجستھان، چھتیس گڑھ اور تلنگانہ کے الیکشن کے نتائج جب سامنے آئے تو سیکولر لوگوں میں مایوسی چھانی شروع ہوگئی کیونکہ بھگوا اُمیدوار ہرطرف جیت درج کرتے نظر آئے۔

مدھیہ پردیش میں بی جے پی نے اپنی  واپسی کرنے کے ساتھ ہی  چھتیس گڑھ اور راجستھان میں کانگریس سے حکومت چھین لینے میں کامیاب ہوتی نظر آئی۔

تلنگانہ ریاست کے قیام سے مسلسل 10 سال تک حکمران جماعت بھارت راشٹر سمیتی بی آرایس کو کانگریس اکھاڑ پھینکتے ہوئے اپنی حکومت کی راہ ہموار کی۔ اور کم ازکم ایک ریاست میں ہی سہی اپنی کامیابی درج کرتے ہوئے ناک بچالی۔

اطلاعات کے مطابق مدھیہ پردیش میں بی جے پی نےاسمبلی کی کل 230 سیٹوں میں سے 164 پر کامیابی حاصل کی وہیں کانگریس کو محض 65 پر اکتفا کرنا پڑا دیگر کے کھاتے میں ایک سیٹ آئی۔راجستھان میں کانگریس کی گہلوت حکومت کو پٹختنی دیتے ہوئے بی جے پی نے 115 سیٹیں حاصل کیں، کانگریس 69 ، آئی این ڈی 8، بھرتاڑوسپ تین، بی ایس پی دو پر کامیاب ہوئی۔ چھتیس گڑھ میں بھی کانگریس کی بھو پیش بھگیل حکومت کا خاتمہ ہو گیا یہاں بی جے پی نے 54 سیٹوں پر کامیابی حاصل کی، انڈین نیشنل کانگریس 35 اور جی جی پی ایک پر کامیاب ہوئی۔

اس طرح بی جے پی تین ہندی ریاستوں میں کامیاب ہوئی وہیں تیلگو ریاست تلنگانہ میں کانگریس نے اپنا پرچم گاڑ دیا اور وزیراعلیٰ کے سی آر کی پارٹی بی آرایس کو شکست دے کر حکومت کی راہ ہموار کر لی۔ اطلاعات کے مطابق تلنگانہ اسمبلی الیکشن میں کانگریس کو 64 ، بی آرایس کو 39، بی جے پی کو 8 مجلس اتحاد المسلمین کو 7 اورسی پی آئی کو ایک نشست ملی۔ 

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔