منڈگوڈ 26 / فروری (ایس او نیوز) پچھلے دنوں منڈگوڈ میں بی جے پی کارکنان کی جو میٹنگ ہوئی تھی اس میں رکن پارلیمان اننت کمار ہیگڈے نے ریاستی وزیر اعلیٰ سدا رامیا کو 'سدارا مُلّا خان' کہتے ہوئے مذاق اڑایا تھا ۔ اس پر پولیس نے از خود کارروائی کرتے ہوئے اننت کمار ہیگڈے کے خلاف کیس درج کیا ہے۔
    
بتایا جاتا ہے کہ اننت کمار ہیگڈے نے وزیر اعلیٰ کو سدارا ملا خان کا نام دینے کے علاوہ دہلی میں احتجاج کر رہے کسانوں کو ملک کے دشمن قرار دیا تھا ۔ اس بیان کی ویڈیو کلپ سوشل  میڈیا  پر وائرل  ہوگئی ہے ۔ اسی کی بیناد پرمنڈگوڈ پولیس نے کارروائی کرتے ہوئے اننت کمار  ہیگڈے کے خلاف مذہبی جذبات کو ٹھیس پہنچانے کا کیس درج کیا ہے۔ 
    
اس سے پہلے کمٹہ میں بھی اشتعال انگیز بیان کے پس منظر میں پولیس نے اننت کمار  ہیگڈے کے خلاف کیس درج کیا ہے۔