بنٹوال : بجرنگ دل اور بی جے پی کارکنان پر حملہ
بنٹوال،24 / مئی (ایس او نیوز) کسی معمولی بات پر جھگڑے کے نتیجے میں بی جے پی اور بجرنگ دل کے دو کارکنان پر حملہ کیا گیا جس کے بعد دونوں زخمیوں کو پتور کے اسپتال میں داخل کیا گیا۔
اس حملے کے بارے میں پہلے یہ خبر عام ہوگئی تھی کہ بنٹوال ایم ایل اے کی جیت کے موقع پر جو بی جے پی اور کانگریس کارکنان کے بیچ جھگڑا ہوا تھا اس کا بدلہ لینے کے لئے کانگریس کارکنان نے آج حملہ کیا ہے ۔ مگر بعد میں پولیس ذرائع نے واضح کیا کہ یہ دو پارٹی کارکنان کا جھگڑا نہیں ہے بلکہ معمولی تنازع کے نتیجہ میں حملہ ہوا ہے۔
مانی جنکشن کے پاس ہوئے حملہ میں زخمی ہونے والوں کے نام پیراجے میں بجرنگ دل کے کنوینر مہیندرا اور بی جے پی کارکن پرشانت نائک بتائے جاتے ہیں جبکہ حملہ آوروں کی شناخت راکیش، مانی منجوناتھ عرف منجو اور پروین نائک عرف ملینگا کے طور پر کی گئی ہے۔
