بلقیس بانو معاملہ: گینگ ریپ کا ایک مجرم خودسپردگی کے 15 دن بعد پیرول پر رہا

Source: S.O. News Service | Published on 9th February 2024, 8:36 PM | ملکی خبریں | ان خبروں کو پڑھنا مت بھولئے |

گاندھی نگر،9/فروری (ایس او نیوز/ایجنسی) بلقیس بانو گینگ ریپ کیس کے 11 مجرموں میں سے ایک خودسپردگی کے 15 دن بعد 5 دن کی پیرول پر باہر آ گیا ہے۔ نیوز پورٹل ‘اے بی پی لائیو ڈاٹ کام‘ کی خبر کے مطابق بدھ (7 فروری) کو مجرم پردیپ مودھیا اپنے سسر کی موت کے بعد گجرات ہائی کورٹ کی طرف سے دی گئی پانچ دن کی پیرول پر جیل سے باہر آیا اور داہود ضلع میں اپنے آبائی گاؤں رندھیک پور پہنچا۔

یاد رہے کہ سپریم کورٹ کے حکم کے بعد 21 جنوری کو تمام 11 مجرموں نے گودھرا سب جیل میں خودسپردگی کی تھی۔ میڈیا رپورٹس کے مطابق جسٹس ایم آر مینگڈے کی عدالت نے 5 فروری کو مودھیا کو 7 سے 11 فروری تک پیرول کی اجازت دی تھی۔ مودھیا کی جانب سے 31 جنوری کو دائر درخواست میں کہا گیا تھا کہ اس کے سسر کی موت کی وجہ سے اسے 30 دن کے لیے پیرول پر رہا کیا جائے۔

استغاثہ نے گجرات ہائی کورٹ کو بتایا تھا کہ جیل ریکارڈ کے مطابق جب مودھیا کو آخری بار پیرول پر رہا کیا گیا تھا تو وہ وقت پر واپس آ گیا تھا، اس کے علاوہ جیل میں اس کا طرز عمل بھی اچھا ہے۔ تاہم عدالت نے اسے صرف 5 دن کے لیے پیرول پر رہا کرنے کی منظوری دی۔

جمعرات کی صبح مقامی باشندوں نے مودھیا کو رندھیک پور مارکیٹ میں کام کرتے دیکھا۔ انڈین ایکسپریس کے مطابق، ایک دیہاتی نے بتایا، ’’رندھیک پور سے تقریباً 32 کلومیٹر دور لیمڈی میں جنوری کے آخری ہفتے میں مودھیا کے سسر کی موت ہو گئی تھی۔ وہ بدھ کی رات دیر گئے گاؤں پہنچا اور جمعرات کو گاؤں سے واپس آ گیا تھا۔‘‘

داہود کے لیم کھیڑا کی ایس پی وشاکھا جین نے کہا، ’’ہائی کورٹ نے مجرم مودھیا کی پیرول منظور کی ہے اور وہ 5 دنوں کے لیے اپنے گاؤں واپس آ گیا ہے۔ پیرول کی شرائط کے مطابق، اسے رندھیک پور تھانے میں رپورٹ کرنے کی ضرورت نہیں ہے۔ پیرول کی مدت کے دوران ضلعی پولیس کا کوئی کردار نہیں ہوتا۔ امید ہے کہ وہ خود جیل واپس لوٹ جائے گا۔‘‘

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔

احتجاج کررہےکسانوں نے اپنی مارچ دو دن کے لئے کی ملتوی

کسان پنجاب اور ہریانہ کی سرحدوں پر  ڈٹے ہوئے ہیں ۔ مشتعل کسانوں نے بدھ یعنی 21 فروری 2024 کو اپنی’دہلی چلو ‘ مارچ کو دوبارہ شروع کیا، لیکن وہ اس میں کامیاب نہیں ہو سکے۔ اس دوران کھنوری سرحد پر جھڑپ میں ایک نوجوان مظاہرہ کرنے والے  کی موت ہو گئی اور تقریباً 12 پولیس اہلکار زخمی ہو ...

کمٹہ میں سفر کے دوران گلے سے ہار اُڑانے والی دو برقعہ پوش خواتین گرفتار

  ہوناور سے بس میں سفر کے دوران گلے سے سونے کا منگل سوتر اڑانے والی دو برقعہ پوش خواتین کو کمٹہ میں گرفتار کیا گیا ہے  جن کی شناخت تملناڈو کی رہنے والی سندھیا سنجئے  (40 سال) اور راساتی مروگے (24 سال) کے طور پر کی گئی ہے ۔

مہاراشٹر: بلڈھانہ میں مذہبی تقریب کے دوران ’پرساد‘ کھا کر بیمار پڑے 200 افراد

مہاراشٹر کے بلڈھانہ میں ’پرساد‘ کھانے سے تقریباً 200 افراد بیمار پڑ گئے ہیں۔ بڑی تعداد میں لوگوں کی طبیعت ناساز ہونے سے علاقہ میں بھی افرا تفری کا ماحول دیکھنے کو مل رہا ہے۔ بتایا جاتا ہے کہ بلڈھانہ میں ایک مذہبی تقریب کے دوران سینکڑوں لوگوں نے پرساد کھایا تھا، جن میں سے کم و ...

بھٹکل:آج 21فروری سے آئی سی ایس ای ،دسویں جماعت کے امتحانات کا آغاز: تعلقہ میں کل 144طلبا و طالبات امتحان میں ہوں گے شریک

کونسل فور دی انڈین اسکول سرٹیفکٹ ایگزامنیشن کے زیراہتمام آئی سی ایس ای کےدسویں جماعت کےسالانہ ا متحانات ملک بھر میں  21فروری سے 28مارچ تک منعقد ہونگے۔ امسال بھٹکل تعلقہ میں کل 144طلبا و طالبات آئی سی ایس ای ، دسویں کے امتحانات میں شریک ہونگے۔