بھٹکل 8 جون ( ایس او نیوز) تعلقہ کے مرڈیشور میں کار اور بائک کی ٹکر میں بائک پر سوار دو نوجوان زخمی ہو گئے جس میں بائک کی پچھلی سیٹ پر سوار روحیف (20) کو شدید زخمی حالت میں مینگلور شفٹ کیا گیا ہے۔ 

حادثہ پیر دوپہر قریب تین بجے آر این ایس اسپتال کے قریب نیشنل ہائی وے پر پیش آیا۔ بائک پر سوار ایک اور زخمی کی شناخت عبدالعلیم جبالی (26) کی حیثیت سے کی گئی ہے۔

پتہ چلا ہے کہ دونوں زخمیوں کا تعلق بھٹکل موگلی ہونڈا سے ہے۔ دونوں تفریح کی غرض سے مرڈیشور جارہے تھے، مرڈیشور کے ہی رہنے والے ایک شخص کی کار کے ساتھ ٹکر ہونے سے حادثہ پیش آیا۔

حادثے کے بعد مرڈیشور پولیس جائے وقوع پر پہنچی اور حالات کا جائزہ لیتے ہوئے تفصیلات سے اگاہی حاصل کی۔