ابوظبی میں منعقدہ تلاوت قران کے قرات مقابلے میں بھٹکلی بچوں کا شاندار پرفارمینس

Source: S.O. News Service | By I.G. Bhatkali | Published on 29th March 2024, 6:14 PM | خلیجی خبریں |

ابوظبی 29 مارچ (ایس او نیوز) انڈین اسلامک سینٹر ابوظبی کے زیراہتمام منعقدہ تلاوت قران کے قرات  مقابلے میں مرکز النوائط ابوظبی کی نمائندگی کرتے ہوئے بھٹکل کے دو بچوں نے شاندار پرفارمینس پیش کرتے ہوئے بھٹکل سمیت   پورے ملک  کا نام روشن کردیا۔ مقابلے میں فردوس بنت آفتاب ایم جے نے دوسرا مقام حاصل کیا جبکہ عبداللہ ابن اشرف علی مصباح نے فائنل راونڈ تک رسائی حاصل کرنے میں  کامیاب رہا۔

مرکز النوائط ابوظبی کی جانب سے جاری کی گئی پریس ریلیز میں بتایا گیا ہے کہ انڈین اسلامک سینٹر ابوظہبی سیزن ٣ کے مقابلے کے لئے تین گروپ بنائے گئے تھے جس میں ١٢ سال سے ٢٠ سال کا لڑکوں کا ایک گروپ، اسی عمر کی لڑکیوں کا ایک گروپ اور تیسرا گروپ ٢٠ سال سے زائد عمر والوں کا تھا۔ مقابلے میں 260 امیدواروں نے حصہ لیتے ہوئے اپنے وڈیو کلپس جمع  کرائے تھے، جس میں سے ٢٠، ٢٠ لوگوں کو فائنل راونڈ کے لئے منتخب کیا گیا تھا ۔  ١٢ سے ٢٠ سال کی  عمر کے زُمرے میں بھٹکل کےیہ  دونوں بچے بھی فائنل راونڈ میں  داخل ہوگئے۔ جس میں فردوس دوسرا مقام حاصل کرنے میں کامیاب رہی۔
 
مرکز النوائط ابوظبی کے جنرل سکریٹری جناب آفتاب ایم جے کی دُختر فردوس کی اس اہم کامیابی کے ساتھ  مرکز کے صدر اشرف علی مصباح کے فرزند عبداللہ کے شاندار پرفارمینس پرقائد قوم جناب ایس ایم سید خلیل الرحمن اور بھٹکل مسلم خلیج کونسل کے صدر جناب فاروق مصباح، سکریٹری جنرل جناب عتیق الرحمن مُنیری سمیت مرکز النوائط ابوظبی کے نائب صدرعاطف اُدیاور، سابق جنرل سکریٹری مُحیب اللہ سدی احمدا، سکریٹری مدثر جوباپو، جوائنٹ سکریٹری مولانا نعمان جوکاکو، محاسب سمیر شِڑبڑی، خازن فُضیل مصباح و دیگر اراکین انتظامیہ نے بچوں سمیت والدین کو مبارکباد پیش کی ہے اور ان کے روشن مستقبل کے لئے  نیک تمناوں کا اظہار کیا ہے۔

ایک نظر اس پر بھی

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...

سعودی عربیہ میں اندوہناک سڑک حادثہ؛ کرناٹک کے تین لوگ جاں بحق، بھٹکل کے قریب منڈگوڈ سے تھا تعلق

ریاست کرناٹک کے ضلع اُترکنڑا کے منڈگوڈ سے تعلق رکھنے والے ایک ہی خاندان کے تین افراد سعودی عربیہ میں عمرہ کی ادائیگی کے دوران اُس وقت جاں بحق ہوگئے جب سڑک پر تیز رفتاری کے ساتھ دوڑتی ہوئی ایک لینڈ کروزرجس پر یہ لوگ سوار تھے ، کا ایک پہیہ اچانک پنکچر ہوگیا اور گاڑی بے قابو ہوکر ...