بھٹکل میں نیشنل ہائی وے ادھورے کاموں کو جلد مکمل کرنے کا مطالبہ: پندرہ دن میں کام شروع نہیں ہوا تو شیرور ٹول ناکہ بند کرکے کیا جائے گا احتجاج
بھٹکل :28؍فروری (ایس اؤ نیوز ) قومی شاہراہ کی تعمیر کےد وران ہورہی دیری اور خامیوں کو لےکر آج بھٹکل تعلقہ ناگریک ہِتا رکشھنا سمیتی کا ایک وفد بھٹکل اسسٹنٹ کمشنر ڈاکٹر نینا سے ملاقات کیا۔ اور شاہراہ کاتعمیری کام جلد مکمل کرنے کا مطالبہ کیا۔ وفد نے اسسٹنٹ کمشنر کو منتبہ کیا کہ پندرہ دن کے اندر اگر کام شروع نہیں کیا گیا تو شیرور ٹول ناکہ بند کرکے احتجاجی مظاہرہ کیا جائے گا۔
ستیش کمار نائک کی قیادت میں وفد نے اسسٹنٹ کمشنر کو بتایا کہ موڈ بھٹکل بائی پاس پر سنگل روڈ ہونےکی وجہ سے بار بار حادثات پیش آرہے ہیں اور ہلاکتیں بھی ہورہی ہیں۔ ان اموات کے لئے راست طور پر ریاستی حکومت ذمہ دار ہے۔
قومی شاہراہ پر اربن بینک کے قریب صرف ایک جے سی بی اور ایک ہٹاچی کےذریعے کام کرتےہوئے پورے شہر کےماحول کوآلودہ کیاجارہاہے ، یہاں کام سست روی کا شکار ہے، وفد نے مطالبہ کیا کہ یا تو یہ کام فوری طورپر بند کیاجائے پا پھر زیادہ مشینوں کے ذریعے کام کو جلدی ختم کیاجائے۔
قومی شاہراہ پر یوجی ڈی کام جاری ہے۔ الیکٹرک پول کے اندر کی جگہوں پر یہ کام ہورہاہے تو بارش کے پانی کی نکاسی کیسے ہوگی اور اسے کس نالے میں بہایا جائے گا ، نیشنل ہائی وےوالے غیر تیکنیکی اور غیر سائنٹفک انداز میں کام کررہےہیں۔ ابھی تک انہوں نے اوور برج، فلائی اوور اورلیول کراسنگ کے متعلق کس طرح کا فیصلہ لیا ہے، اس کی کوئی جانکاری نہیں دے رہے ہیں اور عوام کو بے وقوف بنایاجارہاہے۔
تینگنگنڈی کراس پر ڈوائیڈر کا کام ٹھیک طرح سے انجام نہیں دئیے جانے سے سواریاں حادثے کا شکار ہورہی ہیں۔ نامکمل اور ادھورے کاموں کو تکمیل تک نہیں پہنچایاجارہاہے۔
وفد نے متنبہ کرایا کہ اگر اگلے 15دنوں میں کام شروع نہیں کیاگیا تو ہم لوگ شیرور ٹول بند کردیں گے۔
اس موقع پر اسسٹنٹ کمشنر نے وفد کو یقین دلایا کہ ایک ہفتہ کے اندر ہائی وے والوں کی میٹنگ منعقد کی جائے گی جس میں آپ لوگوں کو بھی بلایاجائے گا۔ میٹنگ میں نیشنل ہائی وے اتھارٹی(NHAI) کے انجنئیر کے ساتھ ٹھیکیدار کمپنی آئی آر بی کے انجنئیر اور متعلقہ اہلکاربھی موجود رہیں گے۔ اس موقع پر سمیتی کی طرف سے کہاگیا کہ اگر وقت پر کام نہیں ہوا تو ہم لوگ عوام کے ساتھ راستہ پر اُترکر جدوجہد کریں گے۔
بھٹکل تعلقہ ناگریک ہِیتا رکشھنا سمیتی بھٹکل کے صدر ستیش کمار نائک، سکریٹری عمران لنکا اور سمیتی کے ممبران ایس ایم نائک، عنایت اللہ شاہ بندری ، راجیش نائک اقبال سہیل، کے ایم اشفاق ، ربیع رکن الدین وغیرہ موجود تھے۔
