بھٹکل حنیف آباد میں گھروں کے کمپاونڈ میں گھس رہا ہے بارش کاپانی، تنظیم صدر کا دورہ

Source: S.O. News Service | Published on 8th July 2024, 7:23 PM | ساحلی خبریں |

بھٹکل 8 / جولائی (ایس او نیوز) بھٹکل تعلقہ ہیبلے گرام پنچایت علاقے میں واقع حنیف آباد میں مسجد عمیر کے قریب بارش کا پانی بعض گھروں کے کمپاونڈ میں جمع ہوجانے سے مکین پریشان ہیں۔ ایک مکین ابراہیم خلیل جوباپو نے شکایت کی ہے کہ کسی شخص نے برساتی پانی کی نکاسی والے نالے پر ہی اپنا گھر تعمیر کیا ہے جس کی وجہ سے برسات کا پانی آس پاس کے دیگر گھروں کے علاوہ ان کے گھر کے کمپاونڈ میں بھی جمع ہو گیا ہے۔
    
ابراہیم خلیل کی طرف سے ہیبلے گرام پنچایت کو پوری تفصیلات کے ساتھ تحریری شکل میں شکایت بھی دی گئی ہے۔ ان کا کہنا ہے کہ برساتی پانی کی نکاسی کا راستہ بند ہو جانے کی وجہ سے ان کے کمپاونڈ میں اتنا پانی جمع ہو رہا ہے کہ اب ان کا گھر کسی بھی وقت گرنے جیسی کیفیت پیدا ہوگئی ہے۔ انہوں نے بتایا کہ گزشتہ مہینے ہی پنچایت کو تحریری شکایت دی گئی تھی، ابھی زوردار بارش شروع ہوتے ہی پنچایت کے ذمہ داروں کو حالات سے باخبر کیا گیا ہے، ذمہ داران نے موقع پر پہنچ کر جائزہ بھی لیا ہے مگر تا حال اس ضمن میں کوئی کارروائی نہیں کی گئی ہے۔

اخبار نویسوں سے گفتگو کرتے ہوئے ابراہیم خلیل کی اہلیہ نے بتایا کہ بھاری مقدار میں پانی کمپاونڈ میں جمع ہونے کی وجہ سے گھر منہدم ہونے کا خدشہ پیدا ہوگیا ہے۔ انہوں نے بتایا کہ اپنی پریشانی کے تعلق سے انہوں نے قومی سماجی ادارہ مجلس اصلاح و تنظیم کے صدر کو بھی آگاہ کیا ہے اور اس معاملے میں مداخلت کرتے ہوئے انصاف دلانے کی اپیل کی ہے۔

تنظیم صدر کا دورہ:  شکایت ملنے کے بعد مجلس اصلاح و تنظیم کے صدر عنایت اللہ شاہ بندری دیگر ذمہ داران کے ساتھ متاثرہ علاقہ پہنچ کر حالات کا جائزہ لیا ہے، جانکاری ملنے پر ہیبلے پنچایت ڈیولپمنٹ آفسر بھی جائے وقوع پر پہنچ کر جائزہ لیا ہے اور مناسب کاروائی کا یقین دلایا ہے۔

ایک نظر اس پر بھی

دکشن کنڑا میں 83 مقامات پر بج رہی خطرے کی گھنٹی - موسلا دھار برسات سے کھسک سکتی ہیں چٹانیں 

کئی دنوں سے چل رہی مسلسل برسات کی وجہ سے جگہ جگہ چٹانیں کھسکنے کے واقعات پیش آ رہے ہیں ۔ اس وقت دکشن کنڑا میں 83 ایسے مقامات کی نشاندہی کی گئی ہے جہاں چٹانیں کھسکنے کا خطرہ سر پر منڈلا رہا ہے ۔    

 انکولہ میں زمین کھسکنے کا معاملہ : ضلع انتظامیہ نے کی ملبے میں ٹرک دبے ہونے کی تصدیق؛ کیا زندہ برآمد ہوگا لاری ڈرائیور ؟

انکولہ تعلقہ کے شیرور میں پیش آئے چٹان کھسکنے کے المیہ کے بارے میں مزید کچھ اہم باتیں سامنے آ رہی ہیں، جس سے یقین ہوگیا ہے کہ ملبے کے اندر ایک بینز ٹرک دبا ہے ۔ اس وجہ سے ملبے کے اندر ٹرک کا لا پتہ ڈرائیور بھی موجود ہونے کا قوی امکان ہے۔

کمٹہ تعلقہ میں بھاری برسات کے بعد چٹان کھسک گئی  

اتر کنڑا میں موسلا دھار برسات کے نتیجے میں انکولہ تعلقہ کے  شیرور میں بڑے پیمانے پر چٹان کھسکنے کا جان لیوا حادثہ پیش آنے کے بعد اب کمٹہ تعلقہ میں الورومٹھ  کے قریب بھی ایک بڑی چٹان کھسک گئی ۔ اس سے کمٹہ سداپور شاہراہ مکمل طور پر بند ہوگئی ہے ۔

اڈپی میں ڈینگی کے بڑھتے معاملے - ڈاکٹری نسخے کے بغیر پیراسیٹامول گولی کی فروخت پر لگی پابندی

ضلع میں ڈینگی اور دوسرے متعدی امراض میں روز بروز اضافہ ہوتا جا رہا ہے اور زیادہ تر مریض خود ہی اپنا علاج (سیلف میڈیکیشن) کرنے لگے ہیں ۔ اس کی وجہ سے امراض کی نامناسب تشخیص اور نامکمل علاج کا سلسلہ چل پڑا ہے جس کا نتیجہ کبھی کبھی جان لیوا ثابت ہوتا ہے ۔