بھٹکل:28/ نومبر (ایس اؤنیوز)تعلقہ کے ماوین کوروے بندر پر یوم دستور پروگرام کا آر این ایس پالی ٹکنک کے کارگزار پرنسپال کے مری سوامی نے افتتاح کرنے کے بعد خطاب کرتے ہوئے بھارت کے تمام شہریوں کو سماجی ، معاشی ، سیاسی انصاف، آزادی رائے ، شخصی آزادی ، عقیدے ، مذہب اور عمل کرنے کی ہندوستانی دستور نے آزادی دے رکھی ہے۔ دستور کے تشکیل کا اہم مقصد ملک کی سالمیت ، یک جہتی ، بھائی چارگی اور مساوات کو پیدا کرناہے۔

اُڈپی کے پیجاور مٹھ سوامی جی کے بیان دستور ہند کی تشکیل صرف امبیڈکر اکیلے نے نہیں کی ہے کا جواب دیتے ہوئے مری سوامی نے کہاکہ ڈاکٹر امبیڈکر کی صدارت میں دستوری کمیٹی کی تشکیل کی گئی تھی جس میں الاڑی کرشنا سوامی ائیر، ڈی پی کھیتان، این مادھوراؤ، کے ایم منشی ، این گوپال سوامی ائینگر، ٹی ٹی کرشنامچاری ، سید محمد سعد اللہ جیسے 7ممبران تھے۔ ان میں اکثر ممبران ذاتی وجوہات اور بیمار ی کی وجہ سے سرگرم نہیں رہے۔ تشکیل کے دوران ہی 2ممبران کی موت ہوگئی اور ایک ممبر امریکہ میں تھے اور ایک دیگر کاموں میں مصروف تھے۔ ان حالات میں دستور تشکیل کی پوری ذمہ داری ڈاکٹر امبیڈکر پر تھی اور اکثر انہوں نے ہی پوراکام انجام دینے کی بات کہی۔ سی ڈی ٹی پی منصوبے کے پرکاش جے سی، سلائی کی تربیت دینے والی استانی یمونانائک، گنگاجل مہیلا منڈل کی ممبران پروگرام میں شریک تھیں۔